កំពង់ធំ= ស្ដ្រីមា្នក់បានរបួសធ្ងន់ត្រង់ក្បាល នៅក្នុងហេតុការណ៍គ្រោះថ្នាក់ចរាចរណ៍មួយបង្កឡើងម៉ូតូសន្ដោងរម៉ក បើកលឿនពេក ក៏ជ្រុលទៅបុកម៉ូតូសង់ពេញទំហឹងក្នុងទិសដៅបញ្ចាស់ទិសគ្នា ហេតុការណ៍ដ៏រន្ធត់នេះបានកើតឡើងកាលពីវេលាម៉ោង៩និង១០នាទីព្រឹកថ្ងៃទី២៣
ខែឧសភាឆ្នាំ២០១៥ស្ថិតនៅចំណុចផ្លូវលំគ្រួសក្រហម ក្នុងភូមិ ស្រយ៉ូវ ឃុំស្រយ៉ូវ ក្រុងស្ទឹងសែន ខេត្តកំពង់ធំ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញម៉ូតូសន្ដោងរម៉កពណ៍ខ្មៅសេរី២០១២ ពាក់ផ្លាក់លេខ ភ្នំពេញ ១កា៥៣៥៤ បើកដោយបុរសម្នាក់ឈ្មោះ ហ៊ុង អ្នករួមដំណើរឈ្មោះ រ៉ូ សំអាត រស់នៅភូមិម្នាវជាមួយគ្នា បានធ្វើដំណើរពីក្នុងភូមិក្នុងល្បឿនលឿន មកដល់ចំណុចកើតហេតុស្រាប់តែជ្រុលសង្កូតទៅបុកម៉ូតូមួយគ្រឿងទៀតម៉ាកសង ១២៥ ពណ៍ខ្មៅ សេរី២០១៤ អត់ផ្លាកលេខបើកបរដោយស្ដ្រីម្នាក់ឈ្មោះ យ៉ន ឡៃ ក្នុងទិសដៅបញ្ចាសទិសគ្នាពេញទំហឹង បណ្តាឲ្យអ្នកជិះម៉ូតូដួលបោកចំក្បាល់របួសធ្ងន់ ក្រោយមកក៏បញ្ចូន អ្នករបួសទៅមន្ទីរពេទ្យ វៀតណាមក្នុងខេត្តកំពង់ធំ ។
បន្ទាប់ពីកើតហេតុសមត្ថកិច្ចបានចុះមកធ្វើការវាស់វែងរួចអូសម៉ូតូរម៉កនិងម៉ូតូជនរងគ្រោះទៅរក្សាទុក ដើម្បីនៅប៉ុស្ដិនគបាល ស្រយ៉ូវ រងចាំការដោះស្រាយតាមផ្លូវច្បាប់។ ប៊ុន រិទ្ធី
