ពលរដ្ឋទាំងនោះបានលើកឡើងទៀតថា ក្លឹបសប្បតីម៉ាត បើកដំណើរការអាជីវកម្មចាប់ពីព្រលប់រហូតដល់ម៉ោង 2យប់ ហេតុនេះពួកគាត់មិនបានដេកស្កប់ស្កល់នោះទេ ។ សព្វថ្ងៃនេះប្រជាពលរដ្ឋរស់នៅជិតក្លឹបរាត្រីអត់គោរពច្បាប់មួយនេះកំពុងបង្កការក្តៅក្រហាយដល់ពលរដ្ឋជាច្រើនគ្រួសារ ហើយពលរដ្ឋទាំងនោះទាល់គំនិតមិនដឹងរត់ទៅប្តឹងឲ្យខាងណាជួយដោះស្រាយដល់ពួកគាត់នោះទេ បើអស់លោកសមត្ថកិច្ច និងអាជ្ញាធរ ស្រុកពាមរក៏ មិនអើ
ពើឪមានវិធានការទប់ស្កាតតាមការប្តឹងរបស់ពលរដ្ឋម្តងណាផងហ្នឹង គឺត្រជាក់ល្ហឹម ។ បានសេចក្តីថា អាជ្ញាធរ និងសមត្ថកិច្ចទទួលសំណែនម្ចាស់ក្លឹបរាត្រីអសមហើយមើលទៅបានជាបណ្តែតបណ្តោយឲ្យក្លឹបឌីស្កូសប្បតីម៉ាតធ្វើព្យុះភ្លៀងស្រេចអំពើចិត្តបែបនេះ ដោយមិន
ខ្វល់ពីផលប៉ះពាល់ដល់សិទ្ធិរស់នៅប្រជាពលរដ្ឋជិតខាងទេ។ ក្បុងករណីនេះស្នើសុំឲ្យអភិបាលខេត្តព្រៃវែងជួយចាត់ការក្បុងរឿងនេះបន្ទាន់ បើពុំនោះទេភាពថ្នាំថ្នាក់រវាងពលរដ្ឋ និង ថ្នាក់ដឹកនាំក្បុងជួរគណបក្សប្រជាជនកម្ពុជាក្នុងស្រុកពាមរក៏ដូចជានៅទូទាំងខេត្តព្រៃវែងកាន់តែគំលាតឆ្ងាយពីគ្នាយ៉ាងជ្រៀលជ្រៅបំផុត ។ ផ្តើមចេញពីភាពថ្នាំងថ្នាក់នេះឯង
ទើបធ្វើឲ្យសន្លឹកឆ្នោតគណបក្សប្រជាជនកម្ពុជាខេត្តព្រៃវែងចុះខ្សោយយ៉ាង
គំហុក ។ ឥឡូវនេះអស់លោកថ្នាក់ក្រោមល្មមភ្ញាក់រលឹកធ្វើអ្វីៗដើម្បីរាស្ត្រចាប់ពីពេលនេះទៅជាការល្អ ។ទាក់ទិននិងករណីក្លឹបរាត្រីដែលបង្ករំខានដល់ភាពសុខសាន្តរបស់ប្រជាពល
រដ្ឋឃុំព្រែកខ្សាយ”ខ” លោកជុំ សាមឿនអភិបាលស្រុកពាមរក៌បានបញ្ជាក់អះអាងថា លោកបានអញ្ជើញម្ចាស់ក្លឹបរាត្រី សប្បតីម៉ាតមកធ្វើកិច្ចសន្យាដោយកំណត់ឲ្យបើកដំណើរការសប្បាយត្រឹមម៉ោង11យប់ត្រូវបិទ បើមិនអនុវត្តតាមកិច្ចសន្យាទេអាជ្ញាធរនិងមានវិធានការ
បិទចោលទាំងស្រុង ។ វិធានការយ៉ាងហ្មឺងមាត់នេះមុនដឹងជា មេប៉េអឹមរងខេត្តរូបនោះ ខ្លាចដែរឫអត់ទេបញ្ហានេះ៕
