ខេត្តកណ្តាលៈបុរសមិនស្គាល់អត្តសញ្ញាណម្នាក់បានធ្លាក់ពីលើស្ពានអ្នកលឿងចំសរសរគ្រឹះស្ពានផ្នែកខាងក្រោម ដែលមានកំពស់ប្រហែល១០ម៉ែត្រស្លាប់មួយរំពេច ។ហេតុការនេះបង្កអោយមានការភ្ញាក់ផ្អើលកើតឡើងកាលពីវេលាម៉ោង៤ និង៣០នាទីល្ងាចថ្ងៃទី២០ ខែឧសភា ឆ្នាំ២០១៥ ត្រង់ចំណុច សរសរស្ពានចុងកាបខាងក្បូងត្រើយខាងលិច ស្ថិតក្នុងភូមិអំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល ។ជនរងគ្រោះមិនត្រូវបានគេស្គាល់អត្តសញ្ញាណ មានអាយុប្រហែល៣៥ឆ្នាំ ពាក់អាវពណ៏សដៃវែងឆ្នូតខ្មៅ ស្លៀកខោក្រឡាការ៉ូជើងខ្លីសម្បុរខ្មៅស្រអែមសក់ស្លូតដុះពុកមាត់ចង្កា បានធ្លាកពីលើស្ពាន់ទៅត្រូវគ្រឹះសសរថ្មស្ពានខាងក្រោម បែកក្បាលផ្នែកខាងក្រោយ រយះចេញខួរស្លាប់ភ្លាមមួយរំពេចនៅនឹងកន្លែង ។ប្រពភកន្លែង
កើតហេតុនិយាយថាមុនពេលកើតហេតុ គេឃើញជនរងគ្រោះដើរចុះពីលើស្ពានតាមជណ្តើរនៃផ្នែកសរសរចុងកាបខាងក្បូងគល់ស្ពានខាងលិចស្រាប់តែចុះមកដល់បង្កាន់ដៃត្រង់ធ្នឹម គេឃើញជនរងគ្រោះបានអើតតាមចន្លោះបង្កាន់ដៃចូលជាងពាក់កណ្តាលខ្លួនក៏ដាំដូងធ្លាក់មកក្រោមទើលើគ្រឹះសសរថ្មស្ពាន បែកក្បាលចេញខួរស្លាប់តែម្តង ។សមត្ថកិច្ចសូមធ្វើការអំពាវនាវបើសិនជាបងប្អូនប្រជាពលរដ្ធណាមានបាត់សមាជិកគ្រួសារដូចភិនភាគខាងលើ រឺមានការសង្សយ័សូមមកទំនាក់ទំនងជាមួយសមត្ថកិច្ច អាជ្ញាធរស្រុកលើកដែក ខេត្តកណ្តាល
ដើម្បីមកទទួលសពយកទៅធ្វើបុណ្យតាមប្រពៃណីខ្មែរ ៕
