ខេត្តព្រះសីហនុ៖ជនសង្ស័យជួញដូរគ្រឿងញៀនម្នាក់ត្រូវកម្លាំងកងរាជអាវុធហត្ថខេត្តព្រះសីហនុចាប់ឃាត់ខ្លួននៅក្នុងផ្ទះកាលពីយប់ថ្ងៃទី២១ឧសភាក្រុម១៣ភូមិ៣ក្នុងភូមិសាស្ត្រសង្កាត់លេខ២ក្រុង-ខេត្តព្រះសីហនុ។លោកវរសេនីយឯកកែវសុផលមេបញ្ជាការរងនិងជា
ប្រធានមន្ទីរស្រាវជ្រាវយុត្តិធម៌បានប្រាប់ថាបុរសសង្ស័យមានឈ្មោះស៊ូ ចាន់អាយុ៤៣ឆ្នាំមុខរបររត់ម៉ូតូឌុបស្នាក់នៅកន្លែងកើតហេតុ។លោកកែវសុផលបាននិយាយទៀតថាជនសង្ស័យម្នាក់នេះជាមុខសញ្ញាចាស់ហើយមុនពេលចាប់ខ្លួនកម្លាំងជុំនាញនិងភ្នាក់ងារសម្ងាត់បានតាមដានជាច្រើនថ្ងៃមកហើយ។ក្នុងពេលចាប់ខ្លួនក្រុមសមត្ថកិច្ចបានឆែករកឃើញ
ថ្នាំញៀនប្រភេទម៉ាទឹកកក៣កញ្ចប់តូច.ទូរស័ព្ទ១និងម៉ូតូ១គ្រឿងផងដែរ។ជនសង្ស័យរួមនិងវត្ថុតាងនៅព្រឹកថ្ងៃទី២៣ឧសភានេះត្រូវបានមន្ត្រីការិយាល័យប្រឆាំងការជួញដូរគ្រឿងញៀននៃទីបញ្ជាការកងរាជអាវុធហត្ថខេត្តព្រះសីហនុកសាងសំណុំរឿងបញ្ជូនទៅសាលាដំបូងខេត្តដើម្បីផ្តន្ទាទោសទៅតាមផ្លូវច្បាប់៕
