ខេត្តបន្ទាយមានជ័យ
រថយន្តប្រភេទយីឌុបចង្កូតស្តាំពីប្រទេសថៃ៥គ្រឿងត្រូវបានគេនាំចូលតាមច្រកបឹងត្រកួន ក្នុងបន្ទាយមានជ័យទៀតហើយប៉ុន្តែ១គ្រឿងខុសលេខតួលេខម៉ាស៊ីនត្រូវគយរឹបអូសទុកសិន។ ការនាំចូលនេះបន្ទាប់ពីអាជ្ញាធរកម្ពុជាបើកឲ្យនាំចូលឡានចង្កូតស្តាំឡើងវិញក្នុងករណីពិសេសណាមួយនោះ។មន្ត្រីនគរបាលការពារព្រំដែនវរៈ៨០៧ ស្រុកថ្មពួកឲ្យដឹងថ្ងៃទី២៤ ខែឧសភា ឆ្នាំ២០១៥ថា អ្នករត់ការបាននាំចូលឡានចង្កូតស្តាំកង់៦ ប្រភេទដឹកទឹក ១គ្រឿងទៀត កាលពីថ្ងៃទី២២ ខែឧសភានាំចូលមកអត់បង់ពន្ធគយតែឲ្យគយនៅច្រកព្រំដែនតំបន់បឹងត្រកួន ត្រួតពិនិត្យផ្ទៀងផ្ទាត់។ រថយន្តនេះ ជារបស់ក្រុមហ៊ុនបំរើឧស្សាហកម្មអភិវឌ្ឍន៍(កម្ពុជា) អ៊ីមផតអិចផត។
លោក ប៉ែន នួន អគ្គនាយកក្រុមហ៊ុននេះ បានសុំគោលការណ៍អនុញ្ញាតគ្រប់ក្រសួងស្ថាប័នពាក់ព័ន្ធ ដើម្បីនាំចូលរួចពន្ធរថយន្តចង្កូតស្តាំនិងគ្រឿងចក្រជំនុំ ៤៤គ្រឿងនាំចូលពីថៃដើម្បីក្រុមហ៊ុននេះក្នុងនាមក្រុមការងារបក្សប្រជាជនចុះជួយយកទៅជួយអភិវឌ្ឍន៍ហេដ្ឋារចនាសម្ព័ន្ធផ្លូវកៅស៊ូ ប្រឡាយទឹកស្ពាន លូនៅស្រុកពាមរក៏ខេត្តព្រៃវែង។លោក ឡាំ ប៊ុនថន ប្រធានការិយាល័យគយ និងរដ្ឋាករច្រកព្រំដែនតំបន់បឹងត្រកួនប្រាប់ថ្ងៃទី២៤ ខែឧសភាថាទោះតាមច្រកត្រង់ឬច្រករបៀងណាក៏ដោយ រថយន្តចង្កូតស្តាំ និងគ្រឿងចក្រនាំចូលពីថៃឲ្យតែនាំមកត្រួតពិនិត្យឃើញត្រឹមត្រូវភិនភាគ លេខតួ លេខម៉ាស៊ីន ដូចក្នុងលិខិតស្នើសុំ និងចំណារអន្តរាគមន៍របស់ថ្នាក់ដឹកនាំលើសំណើរបស់របស់ក្រុមហ៊ុន គឺមន្ត្រីគយរបស់លោកឲ្យនាំចូល និងអនុញាតឲ្យចូលនិងចេញដំណើរទៅព្រៃវែងទាំងអស់។ មកទល់ពេលនេះបាននាំចូលរថយន្តចង្កូតស្តាំនិងគ្រឿងចក្រជំនំៗ៥គ្រឿងហើយ។ គឺយប់ជ្រៅថ្ងៃទី១២ ខែមេសា ឆ្នាំ២០១៥ បាននាំចូលរថយន្តកង់១០ប្រភេទផ្ទុក២គ្រឿង ក្នុងនោះឲ្យនាំបន្តដល់ការដ្ឋាន១គ្រឿងតែ១គ្រឿងទៀតដែលខុសលេខតួ លេខម៉ាស៊ីនទាំងឡានចង្កូតស្តាំពីប្រទេសថៃ ចូលមកកម្ពុជា ការនាំស្រុកតាប្រាយ៉ា ប្រទេសថៃ មកកម្ពុជាតាមច្រករបៀង ឬច្រកខុសច្បាប់តាក្លឹងខាងជើងបឹងត្រកួនភូមិសាមគ្គី ឃុំគោករមៀត។ ថ្ងៃទី២០ ខែមេសា ឆ្នាំ២០១៥ គេនាំចូល
រថយន្តចង្កូតស្តាំ គ្រឿងចក្របែបនេះចំនួន ២គ្រឿង គឺឡានដឹកត្រាក់ទ័រចូក ១គ្រឿង និងត្រាក់ទ័រ ១គ្រឿងទៀត។ លុះដល់ថ្ងៃទី១២ ខែឧសភានេះ គេឃើញនាំចូលឡានចង្កូតស្តាំសម្រាប់ដឹកទឹកកង់ ៦ចំនួន ១គ្រឿងទៀត មកឲ្យសមត្ថកិច្ចគយពិនិត្យ តែមិនបង់ពន្ធគយទេ។ ចុងក្រោយ ក៏អនុញ្ញាតឲ្យនាំបន្តទៅព្រៃវែងបាត់ទៅ៕
