កំពង់ឆ្នាំង ៖ តុលាការខេត្តកំពង់ឆ្នាំងបានសម្រេចឃុំខ្លួនជនសង្ស័យ២នាក់ ដាក់ក្នុងពន្ឋនាគារខេត្ត នៅរសៀលថ្ងៃទី២៣ ខែឧខភា ឆ្នាំ២០១៥ ពីបទចោទប្រកាន់លួចទូរស័ព្ទដៃគេចំនួន៤គ្រឿងក្នុងនោះមានទូរសព្ទ័ទំនើបអាយផេតមួយគ្រឿងដែលបានប្រព្រឹត្តឡើង កាលពីយប់
ថ្ងៃទី២២ ខែឧសភា នៅក្នុងភូមិប្អេរ សង្កាត់ប្អេរក្រុងកំពង់ឆ្នាំង ។
សមត្ថកិច្ចនគរបាលក្រុងកំពង់ឆ្នាំងបាននិយាយអោយដឹងថាៈ ជនសង្ស័យទាំង២នាក់នេះមាន១.ឈ្មោះ សោម វណ្ណរដ្ឋា អាយុ២៨ឆ្នាំ ២.ឈ្មោះ បៀន សំណាង ហៅខួច អាយុ១៦ឆ្នាំ គេទាំង២ នាក់មានទីលំនៅភូមិឃ្លាំង ប្រាក់សង្កាត់ប្អេរ ក្រុងកំពង់ឆ្នាំង។ ជនសង្ស័យទាំង២នាក់ខាងលើនេះ កាលពីយប់ថ្ងៃទី ២២ ខែឧសភា ឆ្នាំ២០១៥ បានធ្វើសកម្មភាព លួចយកទូរស័ព្ទដៃគេចំនួន៣គ្រឿង និងអាយផេតមួយគ្រឿងរបស់ឈ្មោះ របស់ឈ្មោះ សោម ប៊ុណ្ណារី ភេទប្រុស អាយុ២៣ឆ្នាំ ដែលបានសាកចោលលើតុ ក្នុងផ្ទះនៅភូមិប្អេរ សង្កាត់ប្អេរ ។
ពេលលួចបានសម្រេចហើយ នៅព្រឹកថ្ងៃទី ២៣ ខែឧសភា ឆ្នាំ២០ ១៥ ជនសង្ស័យទាំង២នាក់បានយកទូរសព្ទ័និងអាយផេត ខាងលើទៅលក់នៅហាង យីហោ ទី សារិទ្ឋ លក់និងទិញទូរសព្ទ័នៅពាក់កណ្តាលផ្សារក្រោម ក្នុងភូមិផ្សាលើ សង្កាត់ផ្សារឆ្នាំង ក្រុងកំពង់ឆ្នាំង ស្របពេលជាមូយគ្នានោះ ម្ចាស់ទូរសព្ទ័កំពុងតាមរកទូរស័ព្ទរបស់ខ្លួនបានឃើញ ក៏ប្តឹងសមត្ថកិច្ចអោយឃាត់ខ្លូនជនសង្ស័យទាំង២នាក់នោះតែម្តង ។
ចំពោះមុខសមត្ថកិច្ច ជនសង្ស័យទាំង២នាក់ខាងលើ បានឆ្លើយសារភាពថាខ្លួនពិតជាបានលួចទូរស័ព្ទដៃគេពិតមែន ដោយយប់នោះ ឈ្មោះ បៀន សំណាង ហៅខួច ជាអ្នកចូលលួចក្នុងផ្ទះ ឯឈ្មោះ សោម វណ្ណរដ្ឋា ជាអ្នកចាំមើលផ្លូវនៅលើម៉ូតូនៅខាងក្រៅផ្ទះ។
ជនសង្ស័យទាំង២នាក់រួមជាមួយវត្ថុតាងមានទូរសព្ទ័ដៃ៣គ្រឿង អាយផេត១គ្រឿង និងម៉ូតួ១គ្រឿង ត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ហើយត្រូវតុលាការខេត្តសម្រេចឃុំខ្លួននៅរសៀសថ្ងៃទី២៣ ខែឧសភា ឆ្នាំ២០១៥តែម្តង៕
