. ឧត្តរមានជ័យ.កាលពីវេលាម៉ោង៧និង៤៥នាទី ថ្ងៃទី២៦ ខែឧសភា ឆ្នាំ២០១៥. លោកវ៉ាត ប៉ារ៉ា នីន អភិបាលរងខេត្តឧត្តរមានជ័យ រួមទាំងអាជ្ញាធរដែនដីស្រុក ឃុំនិងមន្ត្រីជំនាញពាក់ព័ន្ធជាច្រើនរូប ដោយមានប្រជាពលរដ្ឋ៣៥០គ្រួសាររស់នៅចំណុចអូរអំបិល ស្ថិតនៅក្នុងភូមិអូរតាម៉ែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។លោកវ៉ាត ប៉ារ៉ា នីន អភិបាលរងខេត្ត បានដាក់ជូននូវគោលការណ៍ ចំនួន១០ចំណុច ទី១ក្រុមការងារឯកភាពវាស់វែងដីធ្លីជូនប្រជាពលរដ្ឋតាមការស្នើសុំរបស់បងប្អូនប្រជាពលរដ្ឋទាំង៣៥០គ្រួសារ.២ បងប្អូនត្រូវឯកភាព ព្រមព្រៀងគ្នា លើព្រំប្រទល់ដីអោយបានជាក់លាក់ ដោយបោះបង្គូលព្រំរៀងៗខ្លួន ដោយមិនពាក់ព័ន្ធដី នៅខាងកើតផ្លូវនិងដីទីទួលសុវត្តិភាពឡើយ. ៣ ក្រុមជំនាញនិងចុះវាស់វែងដីរបស់បងប្អូន ដែលបានបោះព្រំរួច រាល់អ្នកដែលបានស្នាក់នៅនិងអាស្រ័យផលជាក់ស្តែងតែប៉ុណ្ណោះ.៤ សូមបងប្អូនសហការណ៍ ជាមួយអាជ្ញាធរនិងសមត្ថកិច្ចពាក់ព័ន្ធ ដើម្បីវាស់វែងដីធ្លីរបស់បងប្អូនអោយដឹងថា ដីនៅចំណុច ណាទំហំប៉ុន្មាន ដើម្បីចេញបង្កាន់ដៃទទួលស្គាល់បណ្តោះ អាសន្នជូន.៥ ក្នុងករណីបងប្អូនមានវិវាទឬមានជម្លោះក្រុមការងារយើងមិនអាចវាស់វែងជូនបានឡើយ. ៦ នៅក្រុមការងារចុះវាស់វែងរួច ក្រុមការងារយើងយកទៅតម្លើងប្លង់គោល ដើម្បីបង្កើនអោយមានដីបំរុងសំរាប់សាងសង់ សំណង់ សាធារណះផ្សេងៗ ដូចជាសាលារៀន មណ្ឌលសុខភាព វត្តអារាម ស្រះទឹក ផ្លូវលំ លនិងល.៧ ក្រុមការងារនេះ មកដើម្បីទទួលស្គាល់ដីរបស់បងប្អូនដែលបានរស់នៅអាស្រ័យផល មិនមែនមកដោះស្រាយជម្លោះដីធ្លីទេ. ៨ សូមបងប្អូនកំជឿពាក្យពីសំណាក់ជនឆបោក ដែលអ្នកធ្វើអាជីវកម្មដីធ្លីអោយសោះ។៩. បងប្អូនត្រូវចេះសាមគ្គីគ្នានិងចេះសម្បទានអោយគ្នាទៅវិញទៅមកដើម្បីអោយបានដីសំរាប់រស់នៅនិងបង្ករបង្កើនផលអោយបានសមរំ។១០.ត្រូវប្រកាន់វប្បធម៍សន្ទនា ទោះបីជាមួយប្រជាពលរដ្ឋនិងប្រជាពលរដ្ឋ ជាមួយក្រុមការងារក៏ដោយ។លោកវ៉ាត ប៉ារ៉ា នីន អភិបាលរងខេត្ត បានមានប្រសាសន៍បន្តទៀតថា ការវាយតម្លៃ របស់ក្រុមការងារយើងឃើញថា មានប្រជាពលរដ្ឋប្រហែលហាសិបភាគរយបានទទួលយកតាមគោលការណ៍រៀបចំរបស់ក្រុមការងារយើង.មួយចំនួនទៀតបាននៅស្ងៀម ពុំមានការបញ្ចេញមតិយោបល់អ្វីទាំងអស់ ព្រោះពួកគាត់មានតែឈ្មោះ អត់ដី។ហើយបងប្អូនមួយចំនួនទៀតបានរស់នៅអាស្រ័យផលជាក់ស្តែង តែមិនមានឈ្មោះនៅក្នុងបញ្ចី ក្នុង៣៥០គ្រួសារនោះឡើយ។ចំណែកអ្នកតំណាង២នាក់មានឈ្មោះព្រុំ ដន ភេទប្រុសអាយុ៥៣ឆ្នាំនិងឈ្មោះឃួន វិន ហៅរ៉ែម ភេទប្រុសអាយុ៦២ឆ្នាំ ពួកគេពុំដែលបានចូលរួមប្រជុំទេ ដោយសម្ងំប្រមូលប្រជាពលរដ្ឋ ប្រជុំជាសម្ងាត់ ដោយគាត់និយាយថា សម្តេចហ៊ុន សែន មានគោលការណ៍ អោយក្រុមការងារនេះ ចែកដីជូនដល់ប្រជាពលរដ្ឋចំនួន៣៥០គ្រួសារតាមបញ្ជីស្ថិតិរបស់គាត់ដែលបានស្នើនោះហើយ។ឯចំណែកនាក់តំណាងផ្សេងទៀតដែលមានដីពិតប្រកដហើយ មិនពាក់ព័ន្ធទៅនិងការរៀបចំបញ្ចីឈ្មោះ៣៥០គ្រួសារ បានអបអរសាទរទទួលយកគោលការណ៍ របស់ក្រុមការងារយើង។ខណះក្រុមការងារចុះធ្វើការ ឈ្មោះឃួន វិន និងឈ្មោះព្រុំ ដន បានហៅប្រជាពលរដ្ឋមកប្រជុំជាសាធារណះ ដោយពួកគេនិយាយថាបងប្អូនដែលមានលំនៅដ្ឋានដីធ្លីដែលកំពុងអាស្រ័យផល
ក៏ដោយ ក៏ពួកគេពុំអនុញ្ញាតិអោយជំនាញវាស់វែងជូនឡើយដោយទុកដីចែកអោយតែប្រជាពលរដ្ឋ ដែលមានឈ្មោះនៅក្នុងបញ្ចី៣៥០គ្រួសារនិងរបស់គេតែប៉ុណ្ណោះ។ហើយពួកគេបានបន្ថែមថា បើសិនបងប្អូនមានដី មានផ្ទះនិងបានអាស្រ័យផលជាក់ស្តែងក៏ដោយ ក៏ជំនាញពុំបានវាស់វែងអោយដែល កំបន្ទោសខ្ញុំអោយសោះ(ឈ្មោះឃួន វិន. ហៅរ៉ែម)។ស្ថានការថ្ងៃចុះវាស់វែងដីធ្លីជូនប្រជាពលរដ្ឋ មានភាពច្របូកប្របល់ចាប់ពីខាងជើងស្នាក់ការបវិស្ថាន.រហូតដល់ផ្លូវចូលទៅទីទួលវសុតិ្ថភាព ចំណែកខាងត្បូងស្នាក់ការបវិស្ថានមានភាពរលូននិងបានវាស់វែងបាន២១ក្បាលដី។ហើយក្រុមការងារត្រូវប្រចាំការនៅទីស្នាក់ការបវិស្ថានអូរអំបិល ចំនួន២៤នាក់ ដែលប្រចាំការម្ភៃបួនម៉ោងដល់ម្ភៃបួនម៉ោង ដើម្បីវាស់វែងដីធ្លីជូនប្រជាពលរដ្ឋ៕
