ខេត្តព្រះសីហនុ=មនុស្ស២នាក់បានឆេះភ្លើងប្រកាច់ស្លាប់ភ្លាមៗយ៉ាងអាណោចអាធម៌នៅកន្លែងកើតហេតុក្នុងករណីគ្រោះថ្នាក់ចរាចរណ៌រថយន្តដឹកប្រេងបុកជាមួយម៉ូតូបណ្តាលឲ្យបែកផ្កាភ្លើងផ្ទុះឆេះយ៉ាងសន្ធោរសន្ធៅ។ករណីគ្រោះថ្នាក់ចរាចរនេះបានកើតមានកាលពីម៉ោង១០និង២៥នាទីយប់ថ្ងៃទី២៥ឧសភានៅលើផ្លូវជាតិលេខ៤ខាងកើតស្ពានទឹកសាបប្រមាណ១០០ម៉ែត្រត្រង់ចន្លោះបង្កោលគីឡូម៉ែត្រលេខ២០៤-២០៥ស្ថិតនៅភូមិទឹកសាបឃុំរាមស្រុកព្រៃនប់ខេត្តព្រះសីហនុ។បន្ទាប់ពីកើតហេតុភ្លាមគេឃើញរថយន្តពន្លត់អគ្គីភ័យរបស់កងរាជអាវុធហត្ថដឹកនាំបញ្ជារផ្ទាល់ពីលោកឧតនតមសេនីយ៌ហេងប៊ុនទី មេបញ្ជាការនិងរថយន្តពន្លត់អគ្គីភ័យរបស់ស្នងការនគរបាលខេត្តព្រះសីហនុបានចេញទៅអន្តរាគមន៌បាញ់ទឹកពន្លត់ភ្លើងដែលកំពុងឆេះរថយន្តនិងម៉ូតូមានអណ្តាតភ្លើងឆេះយ៉ាងខ្មូលខ្មាញ់ផងដែរ។នៅកន្លែងកើតហេតុសមត្ថកិច្ចបានទាញយកសាកសពយុវជនចំនួន២នាក់ដែលម្នាក់បានស្លាប់នៅក្រោមរថយន្តឆេះក្បាល.សក់.ដងខ្លូននិងជើងចំនែកសពម្នាក់ទៀតត្រូវភ្លើងឆេះមុខនិងក្បាលរោលខ្មៅ។សមត្ថកិច្ចកងរាជអាវុធហត្ថបាននិយាយថារថយន្តដឹកប្រេងរបស់ក្រុមហ៊ុនសូគីម៉ិចនេះមិនមានប្រេងផ្ទុកនៅក្នុងស៉ីទែននៅឡើយទេព្រោះថាពេលកើតហេតុរថយន្តបានធ្វើដំណើរពីភ្នំពេញមកបូមប្រេងនៅខេត្តព្រះសីហនុ។សមត្ថកិច្ចបានឲ្យដឹងទៀតថានៅកន្លែងកើតហេតុគេពិនិត្យឃើញម៉ូតូម៉ាកត្រៃឆេះម៉ត់នៅជាប់ក្រោមរថយន្ត ខណ:ដែលរថយន្តឆេះអស់កង់ចំនួន៦គ្រាប់ចំនែកស៉ីទែនប្រេងវិញភ្លើងបានឆេះធ្លុសធ្លាយខូចខាតធ្ងន់ធ្ងរ។រថយន្តដឹកប្រេងចំណុះរាប់ម៉ឺនលិត្រនេះពាក់ស្លាកលេខភ្នំពេញ៣A៩៧៨៥។ក្រោយកើតហេតុអ្នកបើកបររថយន្តបានរត់គេចខ្លួនបាត់ស្រមោល។សពជនរងគ្រោះមានឈ្មោះ១/អីម សុទ្ធាភេទប្រុសអាយុ២២ឆ្នាំ
ស្នាក់នៅក្រុម១១ភូមិ៤សង្កាត់លេខ៤ក្រុង-ខេត្តព្រះសីហនុទី២ឈ្មោះ/សាត សាមិត្ត ភេទប្រុសអាយុ១៩ឆ្នាំមានស្រុកកំណើតនៅភូមិក្តីតាកុយសង្កាត់វាលស្បូវខ័ណ្ឌច្បារអំពៅក្រុងភ្នំពេញ។យោងតាមប្រភពព័ត៌បាននិយាយថាមុនពេលកើតហេតុគេបានឃើញរថយន្តសូគីម៉ិចបើកបរក្នុងទឹសដៅពីភ្នំពេញមកខេត្តព្រះសីហនុចំនែកម៉ូតូត្រៃបើកបញ្ច្រាស់ទឹសគ្នាជិះឌុបគ្នា២នាក់ក្នុង ល្បឿនលឿនមកដល់កន្លែងកើតហេតុក៌បុកគ្នាផ្ទុះបែកផ្កាភ្លើងឆេះរថយន្តម៉ូតូនិងមនុស្សស្លាប់យ៉ាងអាណោចអាធម៌។បច្ចុប្បន្នសពត្រូវបានក្រុមគ្រួសារមកទទួលយកទៅធ្វើបុណ្យតាមប្រពៃណីដោយឡែករថយន្តនិងសាកសពម៉ូតូត្រូវបានប៉ូលិសអួសយកទៅរក្សាទុករងចាំដោះស្រាយតាមផ្លូវច្បាប់៕
