កំពង់ឆ្នាំង៖ កុមារាអាយុ១០ឆ្នាំម្នាក់បានរងរបួសដោយគ្រាប់កង់កាំភ្លើងខ្យល់បាញ់ត្រូវចំក្តោងច្រមុះខាងឆ្វេងបៀមជាប់ក្នុងឆ្អឹងច្រមុះ ហើយត្រូវបានក្រុមគ្រួសារនាំយកមកសង្គ្រោះព្យាបាលនៅមន្ទីរពេទ្យខេត្តកំពង់ឆ្នាំង។ ប៉ុន្តែដោយសារគ្រូពេទ្យខេត្តមិនអាចវះយកគ្រាប់កង់នោះបាន
ទើប សម្រេចអោយក្រុមគ្រួសារបញ្ជូនកុមាររងគ្រោះទៅវះកាត់មន្ទីរពេទ្យក្រុងភ្នំពេញជាបន្តទៀត ។ ហេតុការណ៏មិនគួរអោយកើតនេះបានកើតឡើងនៅវេលាម៉ោង ១២ និង៤៥នាទីរសៀលថ្ងៃទី២៥ ខែ ឧសភា ឆ្នាំ២០១៥ នៅភូមិស្វាយចេក ឃុំស្វាយជ្រុំ ស្រុករលាប្អៀរ ។
ក្រុមគ្រួសារកុមាររងគ្រោះបាននិយាយអោយដឹងនៅក្នុងមន្ទីរពេទ្យខេត្តថា៖កុមាររងគ្រោះមានឈ្មោះ ព្រុំ ធារ៉ា អាយុ១២ឆ្នាំ មានទីលំនៅក្នុងភូមិឃុំកើតហេតុខាងលើ។ មុនពេលកើតហេតុ មានកុមារាម្នាក់ទៀត ឈ្មោះ សាធ បូរមី អាយុ១២ ឆ្នាំនៅភូមិជាមួយគ្នាបានយកកាំភ្លើងខ្យល់បាញ់គ្រាប់កង់ របស់ក្រុមគ្រួសារកុមារ ព្រុំ ធារ៉ា មកសប់ស្នប់បំពេញខ្យល់ក្នុងកាំភ្លើងបាញ់លេង ដោយមិននឹកស្មានថាក្នុងកាណុងកាំភ្លើងមានគ្រាប់កង់ក្នុងនោះទេ។ បន្ទាប់មកក៏ជន្លរបាញ់ជនរងគ្រោះលេង ដោយស្មានតែគ្មានគ្រាប់ក្នុងកាំភ្លើង ក៏កាច់កៃឡើងផ្ទុះចេញគ្រាប់ពីកាណុងកាំភ្លើងត្រូចំវក្តោងច្រមុះកុមាររងគ្រោះ បណ្តាលអោយធ្លុះក្តោងច្រមុះ គ្រាប់កង់បានបៀមជាប់នៅឆ្អឹងនៃក្តោងច្រមុះ ហើយត្រូវបានក្រុមគ្រួសារប្រញាប់ប្រញាល់នាំយកមកអោយមន្ទីរពេទ្យខេត្តជួយសង្គ្រោះ ។
ក្រោយក្រុមពីគ្រូពេទ្យខេត្ត ពិនិត្យមើលមុខរបួសកុមាររងគ្រោះ បាននិយាយថា៖គ្រូពេទ្យខេត្ត មិនអាចវះយកគ្រាប់កង់នោះចេញបានទេ លុះត្រាប្រើថ្នាំសណ្តំហើយមានបច្ចេកទេសវះកាត់ឆ្អឹងច្រមុច្បាស់សាល់ទើបវះកាត់យកបាន។ ហេតុនេះត្រូវអោយក្រុមគ្រួសារប្រញាប់យកកុមាររងគ្រោះទៅពេទ្យក្រុងភ្នំ ពេញទើបមានលទ្ឋភាពវះកាត់យកបាន ចំណែកកុមាររងគ្រោះគឺអាចដើរនិងនិយាយបានជាធម្មតាគឺគ្រា ន់តែគ្រាប់កង់បៀមជាប់ក្នុងឆ្អឹងច្រុះតែប៉ុណ្ណោះ។
ករណីខាងលើននេះមានការរិៈគន់ថា៖ ម្ចាស់កាំភ្លើងកែឆ្នៃដែលអាចជាឪពុក ជាបងប្អូន និងជាសា ច់ញាត្តិកុមាររងគ្រោះ មិនគួទុកកាំភ្លើងកែឆ្នៃប្រហែសចោលក្នុងផ្ទះ បណ្តោយអោយក្មេងយកលេងបានបែបនេះឡើយ ហើយបើមានករណីនេះកើតឡើងហើយនោះ សមត្ថកិច្ចនៅមូលដ្ឋានគួរតែស្រាវជ្រាវរកម្ចាស់អាវុធនោះអោយមកទទួលខុសត្រូវចំពោះមុខច្បាប់ទើបជាការត្រឹមត្រូវ ៕
