ក្រចេះ៖ អាជ្ញាធរស្រុកឆ្លូងដឹកនាំ ដោយលោក អភិបាលស្រុក ហេង ស៊ីថា កាលពីរសៀលថ្ងៃទី២១ ខែឧសភា ឆ្នាំ២០១៥ បានបើកកិច្ចប្រជុំជាមួយ បងប្អូនក្រុម អាជីវករដែលរងគ្រោះ ដោយអគ្គីយ៍ឆេះតូបនៅផ្សារឆ្លូង កាលពីពេលកន្លងទៅ ។
នៅក្នុងជំនួបជារវាងអាជ្ញាធរនិងក្រុមអាជីវករ គឺដើម្បីស្វែងរកដំណោះស្រាយ ក្នុងការសាងសងតូបលក់ដូរឡើងវិញ ធ្វើយ៉ាងណាដើម្បីរៀបចំអោយសោភ័ណភាព និងអណាម័យត្រឹមត្រូវ ។ ហើយនេះជាលើកទី២ហើយដែលអាជ្ញាធរ ស្រុកបើកកិច្ចប្រជុំរកដណោះស្រាយជូនក្រុម អាជីវករដែលរងគ្រោះដោយសារភ្លើងឆេះតូប ខណះដែលនៅមានខ្វែងគំនិតគ្នានៅឡើយនោះ ។
មានប្រសាសន៍នៅក្នុងកិច្ចប្រជុំនោះ លោក ហេង ស៊ីថា អភិបាលស្រុកឆ្លូង បានអះអាងថាក្នុងនាមអាជ្ញាធរលោកខិតខំជួយសម្របសម្រួលអោយមានសណ្តាប់ធ្នាប់ មិនឲ្យសាងសងបែប អនាធិបតេយ្យ ត្ររូវរក្សាអនាម័យ សោភណភាព ល្អស្អាត ជានិច្ច។
ដោយឡែកប្លង់ផ្សារអាជ្ញាធរជាអ្នកចេញឲ្យបងប្អូនអាជីវករដើម្បីធ្វើតាម តែប្រសិន បើបង ប្អូនអាជីវករមិនយល់ព្រមតាមប្លង់របស់អាជ្ញាធរ អាចធ្វើដោយខ្លួនឯងបាន ដោយមិន មានការ បង្ខិតបង្ខំឲ្យធ្វើតាមនោះឡើយ ។
ទន្ទឹមជាមួយនឹងការព្រមព្រៀងឲ្យអាជីវករសាងសងតូបដោយខ្លួនឯងតាមប្លង់គោលស្រុកឬសម្រេចធ្វើដោយខ្លួនឯងនោះផងដែរ ប៉ុន្តែក្រុមអាជីវករសម្តែងនូវការបារម្ភខ្លាច បាត់បង់ទំហំតូប ព្រោះតែការយកចំណីដីតូបនោះទៅធ្វើជាផ្លូវសម្រាប់ ឲ្យអ្នកទិញចេញចូល ស្រួលធ្វើដំណើរ៕ គួរបញ្ជាក់ថា ទីតាំងឆេះតូបខាងលើនេះ គឺជារបស់រដ្ឋដែលជាកម្មសិទ្ឋិរបស់គណះបក្ស តែត្រូវបានប្រជាពលរដ្ឋសង់តូបលក់អ៊ីវ៉ាន់ ប៉ុន្តែបន្ទាប់ពីឆេះតូបរួមមក បងប្អូនអាជីវករបានស្នើរដល់អាជ្ញាធរស្រុក សុំជាកម្មសិទ្ឋិស្របច្បាប់ដើម្បីសាងសង់តូបថ្មីនោះ តែត្រូវបានអាជ្ញាធរខេត្តបានសម្រេចប្រគល់អោយទៅបងប្អូនក្រុមអាជីវករ តែត្រូវសាង់ខ្លួនឯង បង់ពន្ឋភាស៊ីតាមធម្មតា ។
