ខេត្តស្ទឹងត្រែងៈស្ពានមិត្តភាពកម្ពុជាចិន-សេកុងដែលរងការប្រះស្រាំដោយមិនទាន់ដឹងពីមូហេតុច្បាស់លាស់នៅឡើយនោះ។នៅរសៀលថ្ងៃទី២៦ខែឧសភាឆ្នាំ២០១៥នេះ មន្ទីរសាធារណគារខេត្ត រួមនិងក្រុមជំនាញវិស្វ័ករចិនផ្នែកស្ពាន របស់ក្រុមហ៊ុនចិនសៀងហៃគ្រុប
ដឹកនាំដោយឯកឧត្តមលឹម ទ្រីដេនីនអនុរដ្ឋលេខាធិការក្រសួងសធារណៈការ និងដឹកជញ្ជួន បានចុះពិនិត្យមើលស្ពានកន្លែងដែលរងការប្រេះស្រាំដើម្បីវិភាគរកមូលហេតុជាក់លាក់។លោក ស គឹមណាត ប្រធានមន្ទីរសាធារណៈការនិងដឹកជញ្ជួនខេត្តបានឲ្យដឹងថាៈស្ពានមិត្តភាពកម្ពុជា-ចិនសេកុង បានស្ថាបនាឡើង ក្រោមកម្ចីឥន្ទទានពីរដ្ឋាភិបាលនៃសាធារណៈរដ្ឋប្រជាមានិតចិន ដែលការសាងសង់ ចំណាយទឹកប្រាក់អស់ជាច្រើនលានដុល្លារ ដោយក្រុមហ៊ុនស៊ាង ហៃ គ្រុប។
លោកបន្តថាស្ពាននេះបានចាប់ផ្តើមស្ថាបនានៅថ្ងៃ១៨មេសា២០០៤ ហើយបានបញ្ចប់ការសាងសង់ និងសម្ពោធដាក់ឲ្យប្រើប្រាស់ជាផ្លូវការ នៅថ្ងៃ២៩មេសា២០០៨ មានប្រវែង១ពាន០៥៧ម៉ែត្រ និងទំហំទទឹងមានប្រវែង១១ម៉ែត្រ ។
លោកប្រធាមន្ទីរបានបន្តថាចំពោះបញ្ហាស្ពានប្រេះស្រាំនេះលោកពុំទាន់អាចធ្វើការសន្និដ្ឋានបានថាមកពីការដឹកជញ្ជូនលើសទំម្ងន់ ឬមកបច្ចេកទេសនោះទេ ព្រោះហួសសមត្ថភាពរបស់លោក ទុកឲ្យក្រសួងជាអ្នកធ្វើការវិន្និច្ច័យ។លោកថាលោកបានរាយការណ៏ អំពីបញ្ហាខាងលើនេះជួនក្រសួងរួចហើយ ដើម្បីផ្តល់អ្នកជំនាញមកធ្វើការវិន្និច្ឆ័យរកមូលហេតុពិតប្រាកដ។លោកបន្តថានៅរសៀលថ្ងៃនេះ រដ្ឋលេខាធិការក្រសួងសាធារណៈការនិងដឹកជញ្ជូនរួមនិងមន្ត្រីក្រុមជំនាញវិស្វ័ករចិនផ្នែកស្ពាននិងចុះមកពិនិត្យ។
នៅក្នុងការចុះពិនិត្យមើលស្ថានភាពស្ពាន របស់ក្រុមវិស្វ័ករចិនផ្នែកស្ពានមិនបានបញ្ជាក់ពីមូលហេតុថាមកពីមូលហេតុអ្វីនោះទេ។តែដោយឡែកឯកឧត្តមលឹម ទ្រីដេនីនអនុរដ្ឋលេខាធិការក្រសួងសាធារណៈការនិងដឹកជញ្ជូន បានអះអាងថាស្ពាននេះ មិនជាមានការខូចខាតធ្ងន់ធ្ងរ ដែលថាមិនអាចដំណើរការបាននោះទេ តែយើងក៏ត្រូវការថែទាំវិញផងដែរ ដូច្នេះនៅតែបម្រើការងារបានរហូត ទោះជាមិនទាន់ថែទាំ ក៏នៅតែចរាចរណ៍ដឹកជញ្ជូនធម្មតា យើងត្រឡប់ទៅវិញនិងប្រជុំគ្រប់ជំនាញទាំងអស់ ដើម្បីរកវិធីសាស្ត្រថែទាំយ៉ាងម៉េចអោយវាស្អាតបាទ ហើយនិងផ្សព្វផ្សាយដល់មហាជនទាំអស់ អោយបានជ្រាបថាមិនមានការធ្ងន់ធ្ងរដល់វៃស្ពានចោលនោះទេ៕
