កំពង់ឆ្នាំង៖ក្បាលដីចំនួន៥៥៣របស់ប្រជាពលរដ្ឋត្រូវបានប្តឹងជំនាស់ពីខ័ណ្ឌព្រៃឈើនិងបរិស្ថានមិនអោយចេញប្លង់កម្មសិទ្ធិ ត្រូវបានឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបានចាត់តាំងក្រុមការងារចំរុះថ្នាក់ខេត្តដែលដឹកនាំដោយលោក លី សុភា អនុប្រធានមន្ទីរ
សុរិយោដីខេត្ត បានធ្វើការចុះពិនិត្យជាក់ស្តែងចាប់ពីថៃ្ងទី១៨ដល់ថ្ងៃទី២៥ ខែឧសភា ឆ្នាំ២០១៥ លើក្បាលដីចំនួន៥៥៣ក្បាលដីរួចរាល់ហើយ ក្នុងរយៈពេលជាង១សប្តាហ៍កន្លងមកនេះ និងបានបើកកិច្ចប្រជុំធ្វើរបាយការណ៍ជូនឯកឧត្តមអភិបាលខេត្ត និងគណៈកម្មាធិការគ្រប់គ្រងដីរដ្ឋថ្នាក់ខេត្តពិនិត្យនិងដោះស្រាយសំរេចជូនប្រជាពលរដ្ឋ ។
នៅព្រឹកថ្ងៃទី២៦ ខែឧសភា ឆ្នាំ២០១៥ លោក លី សុភា ប្រធានក្រុមការងារចំរុះថ្នាក់ខេត្តចុះពិនិត្យ និងដីធ្លីរបស់ប្រជាពលរដ្ឋ៣ភូមិ គឺក្នុងភូមិដំណាក់ខ្លុង ភូមិដំណាក់អំពិល និងភូមិអូរល្ពៅ ឃុំក្រាំងស្គារ បានមាននិយាយអោយដឹងថា៖ គិតមកដល់ថ្ងៃទី២៥ ខែឧសភា ឆ្នាំ២០១៥ គឺមានរយៈពេលជាង១សប្តាហ៍នេះ ដែល ក្រុមការងារចំរុះថ្នាក់ខេត្តបានចុះពិនិត្យមើលលើក្បាលដីទំនាស់របស់ប្រជាពលរដ្ឋនៅក្នុងភូមិទាំង៣នៃឃុំក្រាំងស្គារ ស្រុកទឹកផុស។ ជាលទ្ធផលក្នុងការពិនិត្យ គឺក្បាលដីចំនួន៥៥៣ក្បាលដី ត្រូវបានពិនិត្យរួច
រាល់ និងបានធ្វើរបាយការណ៍ដាក់ជូនឯកឧត្តមអភិបាលខេត្ត និងគណៈកម្មាធិការគ្រប់គ្រងដីរដ្ឋថ្នាក់ខេត្តដើម្បីធ្វើការពិនិត្យនិងសំរេចជូនប្រជាពលរដ្ឋ។
នៅក្នុង៥៥៣ក្បាលដីនោះគឺមានប្រភេទដីភូមិ ដីស្រែ ដីចំការ ជាក្បាលដីដែលមានផ្ទះសំបែង ការដាំដុះដំណាំ ស្រែចំការ អាស្រ័យផលជាក់ស្តែងនៅក្នុងភូមិដំណាក់ខ្លុង និងភូមិដំណាក់អំពិលចំនួន១៣៧ក្បា លដី ស្មើនឹង៦៩២,៦០ហិកតា ដោយត្រូវស្នសុំផ្តល់ប័ណ្ណកម្មសិទ្ធិស្របច្បាប់ជូនប្រជាពលរដ្ឋ។ចំពោះក្បាលដីប្រភេទដីព្រៃកាប់រានថ្មី និងភ្ជួររួចខ្លះក្នុងឆ្នាំ២០១២ តែមិនទាន់បានអាស្រ័យផលនៅក្នុងភូមិដំណាក់ខ្លុង និងភូមិដំណាក់អំពិលចំនួន៨៨ក្បាលដី ស្មើនឹង៥៦៩,២៤ហិកតា គឺសំណើសុំផ្តល់ប័ណ្ណកម្មសិទ្ធស្របច្បាប់ជូនប្រជាពលរដ្ឋ ដើម្បីអោយពួកគាត់មានលទ្ធភាពបង្កបង្កើនផលក្នុងគ្រួសារស្របច្បាប់។
ដោយឡែកដីព្រៃរបោះចំនួន២៦៨ក្បាលដីស្មើនឹង១១៤០,៤៦ហិកតា នៅក្នុងភូមិដំណាក់ខ្លុង ភូមិអូរល្ពៅ ភូមិដំណាក់អំពិល និងដីព្រៃក្រាស់មានចំនួន៤០ក្បាលដី ស្មើនឹង២៩០,៤៧ហិកតា នៅក្នុងភូមិដំណាក់ខ្លុងនឹងដំណាក់អំពិល គឺក្រុមការងារចំរុះថ្នាក់ខេត្តដាក់ជូនឯកឧត្តមអភិបាលខេត្ត និងគណៈកម្មាធិការគ្រប់ គ្រងដីរដ្ឋថ្នាក់ខេត្តពិនិត្យនិងសំរេចជាក់ស្តែង។
លោក លី សុភា បានអោយដឹងទៀតថា៖នៅក្នុងរយៈពេលនៃការវាស់វែង ពិនិត្យមើលលើក្បាលដីទាំង៥៥៣ក្បាលដីនោះ ប្រជាពលរដ្ឋដែលមានក្បាលដីទាំងអស់បានស្ម័គ្រចិត្តចូលរួមសហការជាមួយក្រុមការងារចំរុះថ្នាក់ខេត្ត ក្នុងទឹកចិត្តរីករាយ និងសង្ឃឹម មិនមានប្រតិកម្មណាមួយគួរអោយកត់សម្គាល់នោះឡើយ ហើយក្រុមការងារចំរុះថ្នាក់ខេត្តសង្ឃឹមថា លោក
អភិបាលខេត្ត និងគណៈកម្មាធិការគ្រប់គ្រងដីរដ្ឋថ្នាក់ខេត្តពិនិត្យ និងសំរេចតាមការស្នើសុំរបស់ក្រុមការងារចំរុះថ្នាក់ខេត្តរបស់លោកដែលបានឯកភាពគ្នាធ្វើរបាយការណ៍ខាងលើនេះ៕
