ខេត្តបន្ទាយមានជ័យ៖នៅព្រលប់ថ្ងៃទី២៥ខែឧសភាឆ្នាំ២០១៥អគ្គនាយកដ្ឋានគយ និងរដ្ឋាករកម្ពុជាបានចេញសេចក្តីប្រកាសព័ត៌មានមួយដោយថ្កោលទោសហើយត្រូវវែកមុខជនអ្នកប្រព្រឹត្តដៃដល់ក្រុមឆ្លៀតឱកាសជននៅពីក្រោយមកទទួលខុសត្រូវផ្តន្ទាទោសចំពោះមុខច្បាប់
។ឯប្រភពពីប៉ោយប៉ែតអោយដឹងថាចលនាបាតុកម្មបែបនេះត្រូវតែស្រាវជ្រាវរកមូលហេតុស្នូលពិតឬឈ្នួននៃបញ្ហាមានទុក្ខលំបាកនៃជីវភាពពិតរបស់កម្មករក្នុងនោះត្រូវនាំមកនូវឈ្មួញពីក្រោយខ្នងជាង១០នាក់មន្ត្រីគយនិងមន្ត្រីឬអ្នកពាក់ព័ន្ធ ជាដង្កូវចេញពីសាច់ ព្រមទាំងសន្ទុះជម្រុញពីមន្ត្រីគណបក្សប្រឆាំង មន្ត្រីអង្គការក្រៅរដ្ឋាភិបាលផងដែរ។
អគ្គនាយកដ្ឋានគយនិងរដ្ឋាករកម្ពុជាបានឲ្យដឹងថា: ករណីបាតុកម្មរបស់កម្មករអូសរទេះដឹកទំនិញនាំចូលនៅច្រកទ្វារព្រំដែនប៉ោយប៉ែតខេត្តបន្ទាយមានជ័យដោយទាមទារមិនអោយបង់ពន្ធលើទំនិញនាំចូលមួយចំនួនព្រមទាំងអោយនគរបាលអន្តោប្រវេសន៍មាត់ច្រកព្រំដែននោះឈប់យកកម្រៃចេញ-ចូល គឺហេតុការណ៍ដំបូងគ្មានអំពើហិង្សាទេប៉ុន្តែបន្ទាប់មកដោយមានការញុះញង់ពីក្រុមមួយក្រុមឆ្លៀតឱកាសបានធ្វើឲ្យការតវ៉ា ក្លាយជាអំពើហិង្សា ឈានដល់ប៉ះទង្គិចគ្នា បណ្តាលអោយមានរបួសទាំងសងខាង។អគ្កនាយកដ្ឋានគយបានបន្តទៀតថាលើសពីនោះហេតុការណ៍ដ៏ប្រទូស្តរាយនេះបានបង្កឲ្យមានការខូចខាត ទ្រព្យសម្បត្តិ
សាធារណ: និងឯកជនមួយចំនួន និងធ្វើអោយប៉ះពាល់ធ្ងន់ធ្ងរ ដល់ដល់ការប្រមូលពន្ធ និងអាកររបស់គយ។ការទាមទាររបៀបនេះ មិនមែនជាលើកទី១ទេ ដែលក្រុមឆ្លៀតឱកាស បានប្រើរូបភាពកម្មករអូសរទេះ ធ្វើជាឧបករណ៍សម្រាប់ បម្រើផលប្រយោជន៍របស់ក្រុមខ្លួន ហើយការទាមទារមិនបង់ពន្ធ និងអាករគឺ ជាទង្វើផ្ទុយនឹងបទប្បញ្ញត្តិច្បាប់ ជាធរមាន។អគ្គនាយកដ្ឋានគយ បានបញ្ជាក់ថា:”គណៈកម្មការចម្រុះមួយ ដែលរួមមានតំណាងអាជ្ញាធរដែនដី ស្ថាប័នតុលាការ សមត្ថកិច្ចគយ និងស្ថាប័នសមត្ថកិច្ចពាក់ព័ន្ធ នឹងចុះស៊ើបអង្កេត ស្រាវជ្រាវ ស្វែងរកការពិត ដែលនៅពីក្រោយអំពើហិង្សានេះ ជូនសាធារណជន បានជ្រាប នាពេលខាងមុខនេះ”លោកបានបន្តទៀតថាក្រុងប៉ោយប៉ែតជាតំបន់មជ្ឈមណ្ឌលបាតុកម្ម លំដាប់ទី១ក្នុងខេត្តដែលផុយស្រួយនឹងមានបាតុភាព បាតុកម្ម ដូចជា គ្រាន់តែកម្មករអូររទេះ និងម្ចាស់ទំនិញជ្រែអ្នកប្រកបរបរនៅផ្សារថៃ អ្នកចូលឡានដឹកហ្គាស តែងប្រមូលផ្តុំ តវ៉ាច្រើនយ៉ាង ទាំងចំពោះភាគីកម្ពុជា និងថៃ ដូចជា ការចាប់មនុស្ស ឬពលករ ចាប់ទំនិញបង់ពន្ធ ទំនិញខូចគុណភាព ទំនិញរំលោភកម្មសិទ្ធិបញ្ញាជាដើម។បាតុកម្មតវ៉ារបស់កម្មករអូសរទេះកម្ពុជាបង្កហិង្សា
និងបំផ្លិចបំផ្លាញលើកនេះអាចជាកាតវ៉ាចុងក្រោយឬបញ្ចប់ជីវិតត្រឹមនេះហើយមើលទៅព្រោះមន្ត្រីសមត្ថកិច្ចអាជ្ញាធរប្រទេសកម្ពុជានិងថៃអាចលើកយកករណីមិនអនុញ្ញាតឲ្យប្រជាជនកម្ពុជាអូសរទេះដឹកទំនិញឆ្លងកាត់ព្រំដែនតទៅទៀតព្រោះចេះតែកើតបញ្ហាតវ៉ានិងកកស្ទះចរាចរណ៍ សណ្តាប់ធ្នាប់ សន្តិសុខ នៅច្រកព្រំដែនឥតឈប់ឈរ៕
