កំពង់ធំៈ បញ្ហាភ្លើងអគ្គិសនីក្នុងក្រុងស្ទឹងសែន ខេត្តកំពង់ធំ ជាបញ្ហាធំចំពោះចាំបាច់ត្រូវតែធ្វើការដោះស្រាយជាបន្ទាន់ បន្ទាប់ពីមានមន្ត្រីរាជការ សាលាខេត្តកំពង់ធំ និងប្រជាពលរដ្ឋ កើតការក្តៅក្រហាយ និងមិនពេញចិត្តចំពោះក្រុមហ៊ុន បំរើសេវាកម្មផ្តាល់ថាពលអគ្គីសនីយ៍ មិនគ្រប់គ្រាន់បង្ករឲ្យមានប្រតិកម្ម ខណៈពេលដែលសម្ភារៈប្រើប្រាស់អគ្គីសនីយ៍ បានខូចខាតជាបន្តបន្ទាប់ ។
កាលពីថ្មីកន្លងមកនេះ ឯកឧត្តអភិបាលខេត្តបានបើកកិច្ចប្រជុំកាលពី រសៀលថ្ងៃទី១៩ ខែឧសភា ឆ្នាំ២០១៥ ពិភាគក្សារកមូលហេតុដែលបង្ករឲ្យចរន្តអគ្គីនីយ៍ ដាច់ជាច្រើនលើកក្នុងមួយថ្ងៃ ដោយមានការ ចូលរូមពីក្រុមហ៊ុនទទួលខុសត្រូវ ក្នុងការផ្តល់ថាមពលអគ្គីសនីយ៍ ដោយមានភាពរអាក់រអួល តែត្រូវក្រុមហ៊ុនទាំងនេះ ឆ្លើយដាក់គ្នាទៅវិញទីមក ដោយបដិសេធភាពទទួលខុសត្រូវ ។
ចំណែកលោក តាត បូរ៉ា ប្រធានគ្រប់គ្រងអគ្គិសនីក្រុងស្ទឹងសែន លោកបានចោទទៅលើខ្យល់បក់បោកបាក់ដើមឈើចំខ្សែបណ្តាញវានិងធ្វើឲ្យដាច់ភ្លើង ការឆ្លើយតបបែបនេះ ត្រូវបានមហាជននិយាយថា គឺជាការឆ្លើយឲ្យផុតតែពីមាត់ និងបដិសេធភាពទទួលខុសត្រូវ ដែលពុំមានការរៀបចំប្រព័ន្ឋការពារ ភ្លៀង រន្ទះ ព្រមទាំងមែកឈើ ដែលជាឧបស័គ្គបង្ករឲ្យភ្លើងដាច់ ជាពិសេសនោះបញ្ហាចរន្តអគ្គីសនីយ៍ បានដាច់ ក្នុងមួយថ្ងៃពី២០ ទៅ៣០ដង ទាំងយប់ទាំងថ្ងៃ និងជារៀងរាល់ថ្ងៃទៀតផង ។
BVC Power DeveloPment Co,ltd និង ក្រុមហ៊ុនខេមជីលបូ អេឡិចទ្រិកផៅវើ កាត់ផ្តាច់ខ្សៃ បណ្តាញចេញពីគ្នា ដោយបែងចែកឲ្យក្រុមហ៊ុនទាំង២ ផ្គត់ផ្គង់ភ្លើងផ្សេងៗពីគ្នា កុំឲ្យនៅពេលដែលភ្លើងដាច់ឆ្លើយដាក់គ្នា !ហើយកាលថ្ងៃទី២៧ ខែឧសភា ឆ្នាំ២០១៥ ខាងអាជ្ញាធរអគ្គិសនីកម្ពុជា បានកោះហៅ ខាងតំណាងក្រុមហ៊ុនទាំង១៤ដែលបានទិញថាមពលអគ្គិសនីពីអាជ្ញាធរអគ្គិសនីកម្ពុជា ទៅលក់បន្តរនោះ សំនូមពរឲ្យដាក់បំពាក់នូវ អូតូរីក្លូសស័រ នៅតាមដំបន់និមួយៗដែលខ្លួនគ្រប់គ្រង ដើម្បីការពារនៅពេលណា មានការផ្ទុះសេនៅកន្លែងណាមួយនោះ គឺដាច់តែមួយកន្លែងហ្នឹងទេ មិនមែនដូចបច្ចុប្បន្ននេះ បើមានបញ្ហាកន្លែងណាមួយនោះ គឺដាច់ភ្លើងទាំងអស់គ្នា រាប់តាំងពីខេត្តកំពង់ចាមផងដែរ!លោកបន្តរថាសម្រាប់ អូតូរីក្លូសស័រ ១គ្រឿងតម្លៃជាង១ម៉ឺនដុល្លា ហើយលោកសម្ឃឹមថា នៅពេលដែលខាងភាគីក្រុមហ៊ុនទាំង១៤ បានបំពាក់នូវ អូតូរីក្លូសស័រ គ្រប់គ្នាហើយនោះ ចរន្តភ្លើងអគ្គិសនីនឹងប្រសើរឡើងជាងមុនធ្វេរដងថែមទៀត។
ប្រជាពលរដ្ឋមានសំណូមពរឲ្យមានការផ្លាស់ប្តូរ ក្រុមហ៊ុនថ្មី ដើម្បីផ្គត់ផ្គង់ថាមពលអគ្គីសនីយ៍ ដោយសារ តែក្រុមហ៊ុន BVC Power DeveloPment Co,ltd ឃើញតែពីយកលុយប្រជាពលរដ្ឋ ហួសថ្ងៃតែមួយថ្ងៃផាកពិន័យគ្មានការយកយោល រីឯថាមពលដាច់ដូចក្មេងលេង ដាច់ហើយដាច់ទៀត ដាច់រហូតដល់និយាយមិនត្រូវថា ជាខ្យល់ព្យុះ ភ្លៀង រន្ទះ ឬក៏ក្រុមហ៊ុន មានចេតនាផ្តាច់ចរន្តឲ្យកុងទ័រដើលឿន ដោយសារតែកាលពីភ្លើងនៅមួយគីឡូវ៉ាត់ ២០០០រៀល ក្នុងមួយខែបង់ត្រឹមតែ ៦ ០០០០រៀល ដល់ពេល ភ្លើងចុះថោកដល់ក្នុងមួយគីឡូវ៉ាត់ ១៣០០រៀល បែរជាត្រូវបង់លុយ ដល់ទៅ ១០០០០០រៀលទៅវិញ ។
ដោយ ប៊ុន រដ្ឋា
