កំពង់ធំៈ ផ្សារកន្ទុយលេខនៅក្នុងផ្សារកំពង់ធំ កំពុងតែរីកពាស់ពេញ រហូតបង្កើតឲ្យមានទីតាំងសម្រាប់ លក់យ៉ាងរំភើយដោយពុំមានការ ទប់ស្កាត់និងបង្ក្រាប ពីសំណាក់នាយប៉ុស្តិ៍រដ្ឋបាលកំពង់ធំនោះឡើយ ជាហេតុធ្វើឲ្យមានការសង្ស័យថា ប៉ុស្តិ៍រដ្ឋបាលកំពង់ធំ និងស្នងការងទទួលបន្ទុកពាក់ព័ន្ឋបទល្មើសបានទទួលលាភស្ការៈពីមេកន្ទុយលេខហើយមើលទៅបានជា បើកដៃឲ្យលក់ត្រៀបត្រា ។
ល្បែងកន្ទុយលេខត្រូវបានគេឃើញមានការដាក់តុលក់ ដោយពុំមានការខ្លាចញញើតសូម្បីតែបន្តិចនិងកំពុងតែតែរីរាលដាលដូចផ្សឹតនៅក្នុងក្រុងស្ទឹងសែន មេកន្ទុយលេខ ប្រមូលលុយរាប់ម៉ឺនដុល្លា ក្នុងមួយថ្ងៃដែលត្រូវបានគេដឹងថា កំពុងតែធ្វើសកម្មភាព លក់ឆ្នោតនៅក្នុងផ្សារត្រី ផ្សារកំពង់ធំ មានឈ្មោះ គ្រូ ហ៊ួន ចែមុំ និងឈ្មោះ ហុក ហេង និងស្រីអូន ក្រុមទាំងនេះបានអះអាងថា បានបង់លុយជូបមេប៉ុស្តិ៍ កំពង់ធំ និងស្នងការអស់ហើយ គេមិនខ្ចីខ្លាចញញើតអីទេ ។
ចំណែអ្នកលក់ឆ្នោតឯទៀត មានឈ្មោះ ទី១.ឈ្មោះណន រ៉ែន ភេទប្រុសអាយុ ៣៥ឆ្នាំ និងប្រពន្ធឈ្មោះ ហៅថា ក្អិតៗ អ្នកទាំង២រស់នៅភូមិអូរកន្ធរត្បូង សង្កាត់អូរកន្ធរ ក្រុងស្ទឹងសែន ទី២.ឈ្មោះ សែម ពុធវិសាល ភេទប្រុសអាយុ ៣២ឆ្នាំ និងប្រពន្ធឈ្មោះ ហួន ស៊ីណា អាយុ៣០ឆ្នាំ រស់នៅភូមិ ស្នែងក្របី សង្កាត់កំពង់ក្របៅក្រុងស្ទឹងសែន និងទី៣.ពិសេសជាងគេនោះគឺឈ្មោះ ចាន់ ប៊ុន ដែលមាន ឋានៈជាចៅសង្កាត់កំពង់ក្របៅនិងប្រពន្ធឈ្មោះ លី សុខហ៊ាត់ គឺជាមេកន្ទុយលេខដ៏ល្បីប្រចាំខេត្តកំពង់ធំ និងបានយកតួនាទីជាមេឃុំមកលក់ឆ្នោតឡើងដុះស្លែរ។
ស្របតាមគោលនយោបាយរបស់ ប្រមុខរាជរដ្ឋាភិបាល បានប្រកាស់ឲ្យប្រជាពលរដ្ឋ ចូលរួមគោរពនូវ គោលនយោបាយភូមិឃុំមានសុវត្តិភាព ទាំង៩ចំនុច ក្នុងនោះមានហាមមិនឲ្យមានការលេងល្បែងស៊ី សងផងដែរ ដែលបង្ករឲ្យមានអំពើហឹង្សា រករឿងវាយប្រពន្ធ និងវ៉ៃកូនជាដើម ល!ធ្វើយ៉ាងណាឲ្យតែបានលុយយក លួច ឆក់ ប្លន់ កាប់សំលាប់ ដើម្បីយកលុយទៅលេងល្បែង មិនតែប៉ុណ្ណោះធ្វើឲ្យមានការ បែកបាក់គ្រួសារជាច្រើនមកហើយ ក្នុងនោះដែរប្រជាពលរដ្ឋ បានសំណូមពរឲ្យ ឯកឧត្តម អភិបាលខេត្ត កំពង់ធំ និងលោក ឧត្តមសេនីយ៍ត្រី ជូ សំអាន ស្នងការនគរបាល ខេត្តកំពង់ធំ មេត្តាមានវិធានការលុប បំបាត់ល្បែងស៊ីសងនេះផង ដើម្បីកាត់បន្ថយចោរលួច ចោរប្លន់ និងអំពើហឹង្សាកើតមាននៅក្នុង គ្រួសារ ។
ដោយ ប៊ុន រដ្ឋា
