សៀមរាប ៖ ក្នុងកិច្ចចុះប្រិត្តិការណ៍តាមដានស្រាវជ្រាវនិងឈានដល់ការចាប់ឃាត់ខ្លួនជនសង្ស័យទាំងពីរនាក់នេះត្រូវបានសមត្ថកិច្ចជំនាញធ្វើឡើងកាលពី ថ្ងៃទី ២៨ ខែ ឩសភា ឆ្នាំ ២០១៥ កន្លងទៅ នៅក្នុងភូមិ ចុងកៅស៊ូ សង្កាត់ ស្លក្រាម ក្រុង និង ខេត្តសៀមរាប ។ លោក វ
រសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់។ ទើបជាក់ស្តែងជនសង្ស័យទាំងពីរនាក់នេះ ១មាន ឈ្មោះ វ៉ាន់ ធី ហៅ ថា ភេទប្រុស អាយុ ១៧ ឆ្នាំ ២មាន ឈ្មោះ យ៉ាន់ បូរី ហៅ វី សាវុធ ភេទ ប្រុស អាយុ ២៨ ឆ្នាំ បានប្រព្រឹត្តក្នុងករណី
ចាត់ចែងអោយប្រើប្រាស់នូវសារធាតុញៀនខុសច្បាប់និងករណីអំពើលួច នេះមិនអាចរត់គេចពីសមត្ថកិច្ចជំនាញបានឡើយ ។ លោក វរសេនីយ៍ទោ អ៊ុំ សាអាត បានបន្តអោយដឹងទៀតថា បន្ទាប់ពីបានធ្វើការឃាត់ខ្លួននិងបានសួរនាំជនសង្ស័យជាប់ពាក់ព័ន្ធក្នុងករណីខាងលើហើយនោះនៅមុខសមត្ថកិច្ចជនសង្ស័យបានឆ្លើយសារភាពថាគេពិតជាបានប្រព្រឹត្តនៅករណីខាងលើពិតប្រាកដមែន ក្នុងនោះសមត្ថកិច្ចបានបញ្ជាក់ដល់ក្រុមអ្នកយកព័ត៍ថាជនសង្ស័យដែលមាន ឈ្មោះ វ៉ាន់ ធី ហៅ ថា ភេទប្រុស អាយុ ១៧ ឆ្នាំ ជាមុខសញ្ញាលួចម៉ូតូកាលពីថ្ងៃទី ១៣ ខែ ឩសភា ឆ្នាំ ២០១៥ កន្លងទៅ នៅក្នុងភូមិ គ្រួស សង្កាត់ស្វាយដង្គំ ក្រុងសៀមរាប ។ បច្ចុប្បន្នជនសង្ស័យត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលថ្ងៃទី២៩ នេះ ដើម្បីចំណាត់ការទៅតាមផ្លូវច្បាប់បន្ត ៕
