ខេត្តបន្ទាយមានជ័យ៖មន្ត្រីធនធានទឹកនិងឧតុនិយមខេត្តបាននិយាយថាលោកនិងមានវិធានការចំពោះអ្នកចាក់ដីរំលោភយកដីចំណីផ្លូវជាតិលេខ៥និងប្រព័ន្ធប្រឡាយមេនៅចំណុចស្ពានតាផាន់ស្ថិតភូមិក្បាលស្ពានសង្កាត់ព្រះពន្លាក្រុងសិរីសោភ័ណខេត្តបន្ទាយមានជ័យចាក់
ស្ទើរតែរួរាល់ហើយនោះ។សកម្មភាពចាក់ដីនេះគឺមានរយះពេលជិត១ខែមកហើយដែលភាគច្រើនលួចចាក់ដីពេលល្ងាចនិងពេលយប់ដែលអ្នកហ៊ានចាក់ដីរំលោភយកដីផ្លូវជាតិលេខ៥និងចាក់ដីរំលោភយកដីចំណីប្រឡាយមេដែលជាប្រព័ន្ធធារាសាស្ត្រ សម្រាប់ប្រើប្រាស់ទូរទាំងខេត្តបន្ទាយមានជ័យនោះមិនដឹងថាមានខ្នងក្រាស់ប៉ុណ្ណានោះទេទើបថ្លើមធំហ៊ានចាក់ដីផ្លូវជាតិនិងប្រឡាយមេយកធ្វើជាកម្មសិទ្ធបានយ៉ាងដូច្នេះ។ជាក់ស្តែងការចាក់ដីរំលោភចំណីផ្លូវជាតិលេខ៥និងប្រឡាយមេដែលជាប្រព័ន្ធទឹកនិងលុបព្រៃលិចទឹកដែលជម្រកត្រីពងនៅរដូវវស្សាទៀតផង។ការចាក់ដីរំលោភយកចំណីផ្លូវជាតិលេខ៥ចំណុចជាប់ខាងត្បូងស្ពានតាផាន់ដែលចាក់ដីជម្រៅប្រមាណ៣ទៅ៤ម៉ែត្រលើព្រៃលិចទឹកជាជម្រកត្រីពងនិងខាងត្បូងជាប់ប្រឡាយផ្នែកខាងលិចប្រវែងប្រមាណ៣០០ទៅ៤០០ម៉ែត្រត្រូវបានចាក់រំលោភទៅលើ
ប្រឡាយមេដែលជាប្រព័ន្ធទឹក។លោក វ៉ៃ គេងលី អភិបាលរងក្រុងសិរីសោភ័ណបានប្រាប់ថាពាក់ព័ន្ធនៃការចាក់ដីរំលោភទៅលើដីចំណីផ្លូវនិងប្រឡាយមេនោះលោកដូចជាមិនទាន់បានដឹងនៅឡើយទេបើបានទទួលព័ត៌មានហើយលោកនិងឲ្យមន្ត្រីជំនាញក្រុងចុះទៅពិនិត្យមើលបើមានមែនលោកនិងសុំគោលការលោក គោស៊ុំ សារឿត អភិបាលខេត្តដើម្បីចាត់វិធានការជាបន្ទាន់។លោក យឹម ប៊ុនរ៉ុម ប្រធានមន្ទីធន់ធានទឹកនិងឧតុនិយមខេត្តបន្ទាយមានជ័យបានប្រាប់ថាចំពោះអ្នកដែលចាក់ដីរំលោភទៅលើប្រព័ន្ធធារាសាស្ត្រ នៅចំណុចស្ពានតាផាន់ផ្នែកខាងលិចផ្លូវនិងខាងត្បូងប្រឡាយមេដែលមានប្រវែងប្រមាណជាង៤០០ម៉ែត្រគឺលោកបានសហការជាមួយមន្ត្រីសាលាក្រុងសិរីសោភ័ណត្រូវចុះឲ្យផ្អាកសកម្មភាពនាព្រឹកថ្ងៃទី២៧ឧសភា២០១៥នេះហើយ។លោកបានបញ្ជាក់ទៀតថាអ្នកដេលហ៊ានចាក់ដីរំលោភផ្លូវនិងប្រព័ន្ធទឹកនោះនិងឲ្យមន្ត្រីជំនាញចុះពិនិត្យនិងវាស់វែងបើមានការរំលោភបំពានហើយត្រូវមានវិធានការតាមច្បាប់ចំពោះអ្នកល្មើស៕
