សៀមរាប៖ ម្ចាសដីទំនាស់មួយកន្លែងដែលស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀមរាប បានសំដែលការមិនពេញចិត្តចំពោះចៅក្រមសាលាដំបូងខេត្តសៀមរាប លោកឈុន ច័ន្ចសីហា ដែលចេញដីការក្សាការពារមិនអោយគាត់មានសិទ្ធិចាត់ចែងលើដីរបស់គាត់
លោកស្រី ឡាយ សុភី បាននិយាយថាទីតាំងដីខាងលើនេះគាត់បានកាន់កាប់អស់ពេលជិត២០ឆ្នាំមកហើយ ពុំដែលមានបុគ្គលណាមកទាមទាឬតវ៉ាចំពោះកាន់កាប់ដីខាងលើនោះឡើយ។អ្នកស្រីបន្តថាក្នុងពេលដែលកំពុងស្រាប់តែមានបុរសម្នាក់ឈ្មោះ អ្នកសារ៉េត ដាក់ពាក្យប្តឹងទៅតុលាការនៅថ្ងៃទី២២ខែឧសភាឆ្នាំ២០១៥ ហើយនៅថ្ងៃទី២៧ខែឆ្នាំដដែល លោចៅក្រមតុលាការដំបូងខេត្តសៀមរាបលោកឈុនច័ន្ច សីហា ចេញដីការក្សាការពារមិនអោយអ្នកស្រីចាត់ចែងលើដីខាងលើ។
អ្នកស្រី ឡាយ សុភី បានបន្តថាដីដែលមានទំនាស់អ្នកស្រីបានទិញពីប្រជាពលរដ្ឋក្នុងអំឡុងឆ្នាំ២០០២។
គួបញ្ជាក់ថាចៅក្រមសាលាដំបូងខេត្តសៀមរាប លោកឈុន ច័ន្ចសីហា បានចេញដីការក្សាការពារលេខ២៥២ចុះថ្ងៃទី២៧ខែឧសភាឆ្នាំ២០១៥ដោយហាមឃាត់កូនបំណុលឈ្មោះ អ៊ុត ថាន និងភរិយាឈ្មោះ ឡាយ សុភី មិនអោយលក់ ដូរ ជួល បញ្ចាំ ផ្ទេកម្មសិទ្ធិកាន់កាប់បន្ត ធ្វើបណ្ណកម្មសិទ្ធិ ធ្វើអំណោយអោយទៅអ្នកដទៃ ឈូសឆាយសាងសង់ ឬធ្វើសកម្មភាពៗនៅលើដីទំហំ៨០ម៉ែត្រគុណនិង៥០ម៉ែត្រ ព្រំប្រទល់ខាងជើងទល់និងផ្លូវ ខាងត្បូងទល់និងដីប្រជាពលរដ្ឋ ខាងកើតទល់និងផ្លូវ ខាងលិចទល់និងដីប្រជាពលរដ្ឋ ស្ថិតនៅភូមិចុងកៅស៊ូ សង្កាត់ស្លក្រាម ក្រុងសៀរាប ខេត្តសៀរាប ដោយរក្សាស្ថានភាពដើមរហូតដល់ តុលាការសម្រេចដល់អង្គសេចក្តីចប់ជាស្ថាពរ៕
ដោយ ខេងឧត្តម
