ខេត្តបន្ទាយមានជ័យ៖លោកឧបនាយករដ្ឋមន្ត្រី កែគឹមយ៉ានជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ លោកគោស៊ុំសារឿតអភិបាលខេត្តបន្ទាយមានជ័យ លោកឧត្តមសេនីយ៍ត្រីអាត់ខែមស្នងការនគបាលខេត្តបន្ទាយមានជ័យនិងក្រុមការងារជាច្រើននាក់នៅ
រសៀលថ្ងទី៣១ខែឧសភាឆ្នាំ២០១៥បានចុះទៅពិនិត្យមើលស្ថានភាពទឹកស្ទឹងមង្គលបុរីនិងស្ទឹងបវេលក្នុងខេត្តបាត់ដំបង ក្រោយពីមានព័ត៌មានថាប្រជាពលរដ្ឋនៅតាមស្រុកមង្គលបូរីរស់នៅតាមដងស្ទឹងមានការខ្វះខាតទឹកសម្រាប់ការប្រើប្រាស់ប្រចាំថ្ងៃយ៉ាងខ្លាំង។ក្រោយចុះពិនិត្យស្ថានភាពទឹក នៅចំណុចទ្វារទឹកដើមពោធិ៍២ដើម ឃុំរហាត់ទឹក ស្រុកមង្គលបុរី រួចមកលោកកែគឹមយ៉ាននិងក្រុមការងារបានចុះទៅពិនិត្យទ្វារទឹកនៅស្ទឹងបរវេលដើម្បីរកមធ្យោបាយបន្ថែម ក្នុងការផ្តត់ផ្គង់ទឹកឲ្យដល់អ្នកស្រុកមង្គលបុរីដើម្បីឲ្យប្រជាពលរដ្ឋបានប្រើប្រាស់។ក្រោយទៅពិនិត្យស្ថានភាពទឹកស្ទឹងនោះលោកឧបនាយករដ្ឋមន្ត្រីកែគឹមយ៉ានក៏បានចែកអំណោយដល់ជនក្រីក្រខ្វះទីពឹងជាច្រើននាក់ រួមមានអង្ករ និងថវិកាមួយចំនួនធំផងដែរ។
គួរបញ្ជាក់ផងដែរថាលោកកែគឹមយ៉ានប្រធានក្រុមការងារថ្នាក់ជាតិចុះជួយខេត្តបន្ទាយមានជ័យរយះពេលកន្លងមកលោកតែងតែយកចិត្តទុកដាក់ជួយដល់គ្រួសារក្រីក្រគ្មានទីពឹងពិសេសប្រជាពលរដ្ឋដែលបានជួបប្រទះដោយគ្រោះធម្មជាតិដូចជា ជួបប្រទះគ្រោះទឹកជំនន់ ជួបគ្រោះរាំងស្ងួតជួបគ្រោះអគ្គីសភ័យ និងរងគ្រោះដោយខ្យល់កន្ត្រាក់ជាដើមលោកកែគឹមយ៉ានតែងតែយកអំណោយទៅចែកជូនជនរងគ្រោះទាំងអស់នោះដោយផ្ទាល់ដៃពិសេសទៀតនោះលោកក៏បានជួយធ្វើផ្ទះជូនជនរងគ្រោះទាំងអស់នោះផងដែរមិនប្រកាន់និនាការនយោបាលឡើយគឺលោកចែកឲ្យទាំងអស់ឲ្យតែជនរងគ្រោះដោយគ្រោះធម្មជាតិពិតប្រាកដ៕
