ខេត្តព្រះសីហនុ៖ជនសង្ស័យចំនួន២នាក់ត្រូវបានកម្លាំងប៉ូលិសស្នងការចាប់ឃាត់ខ្លួននិងដកហូតបានដុំកញ្ឆារក្រៀមចំនួន២ស្បោងធំមានទម្ងន់សរុបជិត១០គីឡូក្រាមកាលពីម៉ោងជិត៨យប់ថ្ងៃទី៣០ឧសភាស្ថិតនៅភូមិ៥សង្កាត់លេខ៤ក្រុង-ខេត្តព្រះសីហនុ។លោកវរសេនីយ៌ត្រី
តាកសារិទ្ទនាយការិយាល័យប្រឆាំងការជួញដូរគ្រឿងញៀនបានឲ្យដឹងថាជនសង្ស័យដែលសមត្ថកិច្ចចាប់ឃាត់ខ្លួននេះមានឈ្មោះ១/អមវិទូ ភេទប្រុសអាយុ២៣មានមុខរបរជាងជួសជុលទូរស័ព្ទមានស្រុកនៅភូមិជ្រោលឃុំព្រះបាទជាន់ជុំស្រុកគីរីវង្សខេត្តតាកែវទី២/ឈ្មោះដីល ចន្ថនភេទប្រុសអាយុ៣៣ឆ្នាំមានមុខរបររត់តាក់ស៉ីមានស្រុកកំណើតនៅភូមិគងជ័យស្រុកអូររាំងឱខេត្តត្បូងឃ្មុំ។លោកតាកសារិទ្ទបានឲ្យដឹងទៀតថាវត្ថុតាងបទល្មើសដែលក្រុមសមត្ថកិច្ចឆែករកឃើញមានដុំកញ្ឆារក្រៀម២ស្បោងធំមានទម្ងន់ជិត១០គីឡូក្រាមទូរស័ព្ទដៃ៤គ្រឿង
កាបូបលុយ២។លោកតាកសារិទ្ធបានឲ្យដឹងបន្ថែមទៀតថាជនសង្ស័យ២នាក់នេះជាមុខសញ្ញាចាស់ដែលកន្លងមកសមត្ថកិច្ចជុំនាញក៌ដូចជាក្រុមភ្នាក់ងារសម្ងាត់បានតាមដានជាយូរមកហើយ។បច្ចុប្បន្នជនសង្ស័យរួមនិងវត្ថុតាំងប៉ូលិសកំពុងធ្វើការសាកសួរបន្តដើម្បីកសាងសំណុំរឿងបញ្ជូនទៅសាលាដំបូងខេត្តព្រះសីហនុផ្តន្ទាទោសទៅតាមផ្លូវច្បាប់៕
