ខេត្តបន្ទាយមានជ័យ៖ កម្លាំងមូលដ្ឋានអាវុធហត្ថក្រុងប៉ោយប៉ែតដឹកនាំដោយលោកជាដាបានចុះឃាត់ខ្លួនជនសង្ស័យប្រុសស្រីចំនួន៣នាក់រួមទាំងវត្ថុតាងគ្រឿងញៀនប្រភេទ មេតំហ្វេតាមីន ទឹកកក ចំនួន២ថង់តូច និងវត្ថុតាងមួយចំនួនទៀត។ការឃាត់ខ្លួនអ្នកជួញដូគ្រឿងញៀន
ទាំង៣នាក់នេះក្នុងបន្ទប់ជួលផ្ទះសំណាក់យីហោផ្ទះសំណាក់មនោរម្យ នៅវេលាម៉ោង២និង២០នាទីរសៀលថ្ងៃទី៣០ខែឧសភា ឆ្នាំ២០១៥ ស្ថិតនៅភូមិបាលិលេយ្យ សង្កាត់-ក្រុងប៉ោយប៉ែត ខេត្តបន្ទាយមានជ័យ។លោកជាដាមេបញ្ជាការកងរាជអាវុធហត្ថក្រុងប៉ោយប៉ែត បានប្រាប់ឱ្យដឹងថាដោយមានការចង្អុលបង្ហាញពីលោកឧត្តមសេនីយ៍ត្រីឪបូរិន្ទមេបញ្ជាការកងរាជអាវុធហត្ថខេត្តបន្ទាយមាមជ័យលោកបានដាក់បញជាឲ្យកម្លាំងសម្ងាត់តាមស្រាវជ្រាវនិងកំណត់មុខសញ្ញា រហូតឈានមកដល់ការឃាត់ខ្លួនបានជនសង្ស័យប្រុសស្រី ៣នាក់រួមទាំងវត្ថុតាងគ្រឿងញៀនប្រភេទមេតំហ្វេតាមីនទឹកកកចំនួន២ថង់តូចម៉ូតូ២គ្រឿងឃ្លិចពណ៌ក្រហម១គ្រឿងគ្មានស្លាកលេខ ផលិតឆ្នាំ២០១៣ និងឌ្រីមសង់១គ្រឿង ពណ៌ខ្មៅ ។លោកជាដាបានបន្តថាជនសង្ស័យទី១.ឈ្មោះ ភន សុណាង ភេទប្រុស អាយុ២៥ឆ្នាំ រស់នៅបន្ទប់ជួល ខាងជើងវត្តថ្មី ស្ថិតក្នុងភូមិបាលិលេយ្យ១ សង្កាត់ក្រុងប៉ោយប៉ែត ទី២.ឈ្មោះ យិញ ប៊ុនថេត ភេទប្រុស អាយុ២៣ឆ្នាំ រស់នៅបន្ទប់ជួលជាមួយភនសំណាង និង៣.ឈ្មោះ មឿន ចាន់ធី ភេទស្រី
អាយុ ២៥ឆ្នាំ រស់នៅបន្ទប់ជួល។លោកបានបន្ថែមថា ក្រោយពីទទួលបានព័ត៌មានពីមហាជនថា នៅចំណុចកើតហេតុ មានការជួញដូរគ្រឿងញៀន កម្លាំងអាវុធហត្ថក៏បានចុះធ្វើប្រតិបត្តិការភ្លាមៗឈានដល់ការឃាត់បានជនសង្ស័យខាងលើនិងវត្ថុតាងនាំមកកាន់មូលដ្ឋាន ដើម្បីធ្វើការសាកសួរ។នៅមុខអាវុធហត្ថជនសង្ស័យទាំង៣នាក់បានឆ្លើយសារភាពថារយះពេលកន្លងមកខ្លួនទាំង៣នាក់ពិតជាបានជួញដូរគ្រឿងញៀនពិតប្រាកដដូចការចោតប្រកាន់របស់កងកំលាំងអាវុធហត្ថពិតមែន។ជនសង្ស័យទាំង៣នាក់និងវត្ថុតាងកំលាំងអាវុធហត្ថកំពុងកសាងសំណុំរឿងបញ្ជូនទៅទីបញ្ជាការអាវុធហត្ថខេត្តដើម្បីចាត់ការបន្តតាមនីតិវិធីនិងធ្វើរបញ្ជូនទៅតុលាការដើម្បីដាក់ទោសទៅតាមផ្លូវច្បាប់ផងដែរ៕
