កំពង់ឆ្នាំង៖ កត្តាគ្រោះថ្នាក់ចរាចរណ៏នៅតែបន្តឆក់យកជីវិតមនុស្ស អោយស្លាប់និងរងរបួសជារៀងរាល់ថ្ងៃ និងបាបកើតឡើងឥតឈប់ឈរ ករណីនេះដើម្បីទប់ស្កាត់គ្រោះថ្នាក់ចរាចរណ៍ សមត្ថកិច្ចចរាចរណ៏ផ្លូវគោកនៃស្នងការដ្ឋាននគរបាលខេត្ត បានរិតបណ្តឹងនិងពង្រឹងការអនុវត្ត
ច្បាប់ចរាចរណ៏ជាប្រចាំ ដោយត្រូវធ្វើការផាកពិន័យ ការមិនពាក់មួកសុវត្ថិភាព ត្រួតពិនិត្យជាតិអាកុល ត្រួតពិនិត្យយានយន្ត ធ្វើការអប់រំដល់សិស្ស និសិត្ស គ្រប់គ្រិៈស្ថានសិក្សា និងពិសេសត្រួតពិនិត្យល្បឿន យានយន្តឆ្លងកាត់ខេត្តតាមផ្លូវជាតិលេខ៥ ដើម្បីទប់ស្កាត់និងកាត់បន្ថយគ្រោះថ្នាក់។នៅក្នុងរបាយការណ៍ការិយាល័យចរាចរណ៏ផ្លូវគោកនៃស្នងការដ្ឋាន នគរបាលខេត្តកំពង់ឆ្នាំងបានអោយដឹងថាៈ ក្នុងឆមាស ឆ្នាំ២០១៤និង២០១៥ នេះ នគរបាលចរាចរណ៏ផ្លូវគោកខេត្ត បានដាក់គោលដៅត្រួតពិនិត្យល្បឿន នៅតាមផ្លូវជាតិលេខ៥ មានស្រុកបរិបូរណ៌ ស្រុករលាប្អៀរ ផ្នែកខាងជើងនិងខាងត្បូងខេត្ត និងស្រុកកំពង់ត្រឡាច ដោយបានចាប់ឃាត់ផាកពិន័យ រថយន្តបើកបរហួសល្បឿន កំណត់បានចំនួន ៤.៣៩២គ្រឿង ក្នុងនោះរថយន្តធន់ធំមានចំនួន ៧៦៣គ្រឿង។ក្រៅពីនោះបានផាកពិន័យលើអ្នកបើកបរយានយន្ត ដែលមិនពាក់ខ្សែក្រវ៉ាត់សុវត្ថិភាព ចំនួន៦៥គ្រឿង (រថយន្តធំ២៤គ្រឿង) ,ផាកពិន័ យ
រថយន្តដឹកសំពីងសំពងចំនួន៣២០គ្រឿង (រថយន្តធន់ធំ៥៥គ្រឿង) ,រថយន្តមានស្លាកលេខរលុបបាត់ខុសលក្ខណៈដើម ២០គ្រឿង (រថយន្តធំ៥គ្រឿង) ,រថយន្តគ្មានឈៀកអាជីវកម្ម ៧០២គ្រឿង (រថ យន្តធំ៩១គ្រឿង ,រថយន្តគ្មានអាជីវកម្ម៥២២គ្រឿង, បណ្ណ័បើកបរហួសសុពលភាព១២គ្រឿង, បណ្ណ័បើកបរខុសប្រភេទ៣៥០គ្រឿង ,និងផ្ទុកមនុស្សលើសចំណុះ៧១គ្រឿងុ។ ក្នុងរបាយការណ៏នេះបានបញ្ជាក់អោយដឹងថា៖ ដោយសារការរិតបណ្តឹង និងវិធានការណ៍ខាងលើនេះ បានធ្វើអោយកត្តាគ្រោះថ្នាក់ចរាចរណ៏ក្នុងឆមាស២០១៤-២០១៥ នេះបានថយចុះ ២៧ករណី ៨៩លើកលើ១១៧ ករណី។ ក្នុងគ្រោះថ្នាក់ចរាចរណ៏ទាំង៨៩ករណី គឺបានកើតឡើងនៅស្រុក សាមគ្គីមានជ័យ១៤ករណី ស្រុកកំពង់ត្រឡាច១០ករណី ស្រុករលាប្អៀរ៣០ករណី ក្រុងកំពង់ឆ្នាំង១០ករណី ស្រុកបរិបូរណ៏១៦ករណី ស្រុកទឹកផុស៦ករណី និងស្រុកកំពង់លែង៣ករណី ។នៅក្នុងករណីគ្រោះថ្នាក់ខាងលើនេះបានបង្កអោយមនុស្សស្លាប់ចំនួន៥២នាក់ (ស្រី១២នាក់) រងរបួស
រួម១១៧នាក់ ក្នុងនោះរបួសធ្ងន់៧៣នាក់ រងរបួសស្រាល៩៤នាក់ ខូចខាតរថយន្ត៥០គ្រឿង ខូចម៉ូតូ៨២គ្រឿង ខូចយានយន្តកែឆ្នៃ១០គ្រឿង និងខូចកង់៤គ្រឿង ។ហេតុបណ្តាលអោយគ្រោះថ្នាក់ចរាចរណ៏ខាងលើនេះគឺបណ្តាលមកពី បើកបរហួសល្បឿនកំណត់៣០ករណី បើកបរក្នុងស្ថានភាពស្រវឹង១១ករណី បើកជែងក្នុងស្ថានភាពគ្រោះថ្នាក់១៧ករណី មិនគោរពសិទ្ធអទិភាព១២ករណី បើកបរប្តូរគន្លងមិនប្រយ័ត្ន៤ករណី បើកបរមិនប្រកាន់ស្តាំ៥ករណី បញ្ហាសុខភាព(បើកងោក) ២ករណី កត្តាយាន៦ករណី ក្នុងនោះ គ្មានភ្លើងបំភ្លឺ៣ករណី បែកកង់២ករណី និងខូចចង្កូត១ករណី និងកត្តាផ្លូវ២ករណី និងក្នុងករណីគ្រោះថ្នាក់ចរាចរណ៏ខាងលើនេះបានរកឃើញអ្នកបើកម៉ូតូមិនពាក់មួកសុវត្ថិភាពចំនួន៦៣នាក់ផងដែរ ៕
