សៀមរាប មនុស្សម្នាក់បានស្លាប់បាត់បង់ជីវិត និងម្នាក់ទៀតរងរបួសយ៉ាងធ្ងន់ធ្ងូដោយសារឧបតិហេតុគ្រោះថ្នាក់ចរាចរណ៏ មួយដ៏ សែន រន្ធ រវាងរថយន្តដឹកដី និង ម៉ូតូសេ១២៥នៅចំណុចផ្លូវជាតិលេខ៦ចំណ្តាលក្រុងសៀមរាបកាលពីវេលាម៉ោង១២ និង៥នាទីស្ថិតនៅក្នុងភូមិសាលាកន្សែងសង្កាត់ស្វាយដង្គំក្រុងខេត្តសៀមរាប ហើយអ្នកបើកបររថយន្តបង្ករហេតុនោះក៏បានចុះពីរថយន្តគេចខ្លួនបាត់ ស្រមោលដោយសុវត្តិភាព ។
តាមប្រជាពលរដ្ឋបានឃើញហេតុការណ៍នេះបានឲ្យដឹងថា នៅក្នុងពេលវេលាដូចម៉ោងខាងលើ គាត់បាន ឃើញរថយន្តដឹកដីពេញ ដែលមានពាក់ស្លាកលេខ សៀមរាប ៣A ០២៦២ បានបើកបរចេញពីផ្លូវផ្សារដើមក្រឡាញ់ ស្រាប់តែមកដល់ផ្លូវបំបែកមុខស៊ុបរំដួល កន្លែងកើតហេតុដោយបានឆ្លងកាត់ដល់ពាក់កណ្តាលផ្លូវភ្លោះ ក៏មានម៉ូតូ របស់ជនរងគ្រោះដែលជឹះគ្នាពីរនាក់ បានបើកបរយ៉ាងលឿនមកពីទិសខាងកើតតាមផ្លូវភ្លោះនោះ ហើយក៏បានមក ចូល
ក្រោមរថយន្តដឹកដីនេះ នៅពេលដែលរថយន្តបានបទឆ្វេង ក៏បានបណ្តាលឲ្យម៉ូតូ និង អ្នកជឹះទាំងពីរនាក់ចូល ទៅចំពាក់កណ្តាលក្រោមរថយន្ត បណ្តាលធ្វើឲ្យកង់រថយន្តកិនបាក់ដៃបាក់ជើង និងធ្លាយចេញសួត ស្លាប់អ្នកេជឹះខាង ក្រោយ នៅនឹងកន្លែងកើតហេតុ និង អ្នកបើកម៉ូតូនៅក្រោមរថយន្តរងរបួសធ្ងន់ធ្ងរ មានឈ្មោះ ខឹម ប៊ុនសែន ភេទប្រុស អាយុ ៤៣ឆ្នាំ រស់នៅភូមិតាភុល សង្កាត់ស្វាយដង្គំ ក្រុង ខេត្តសៀមរាប ត្រូវរថយន្តសង្គ្រោះគ្លីនិចរស្មីសៀមរាប ដឹកនាំ យកទៅកាន់មន្ទីរពេទ្យសង្គ្រោះជាបន្ទាន់ ចំពោះម៉ូតូត្រូវកង់រថយន្តកិនខូចខាតទាំងស្រុង ។
ក្រោយពេលកម្លាំងនគរបាលចរាចរណ៍ធ្វើការត្រួតពិនិត្យវាស់វែងរួចរាល់ហើយនោះ ចំពោះសាកសពជនរង គ្រោះ ត្រូវបានរថយន្តសង្គ្រោះដឹនយកទៅរក្សាទុកនៅសាលសពនៃមន្ទីរពេទ្យខេត្ត ដើម្បីរងចាំប្រគល់ជូនដល់ក្រុម គ្រួសារជនរងគ្រោះយកទៅធ្វើបុណ្យ ទៅតាមប្រពៃណីព្រះពុទ្ធសាសនា រីឯចំណែករថយន្តបង្ក និង ម៉ូតូជនរងគ្រោះ ត្រូវបានកម្លាំងសមត្ថកិច្ចយកទៅរក្សាទុកនៅស្នងការដ្ឋាននគរបាលខេត្ត រងចាំធ្វើការដោះស្រាយទៅតាមផ្លូវច្បាប់ ។
សូមបញ្ជាក់ផងដែរថា កន្លងមកអាជ្ញាធរខេត្ត បានចេញនូវសេចក្តីណែនាំ មិនអនុញ្ញាតឲ្យគ្រប់បណ្តាយានយន្ត ធនធំ ដឹកដី ទំនិញ ចូលក្នុងក្រុងនៅពេលថ្ងៃឡើយ ព្រមទាំងដឹកជញ្ជូនដីត្រូវមានធ្វើការគ្រប ក្នុងការការពារបរិស្ថាន តែហាក់បីដូចជាឥតប្រយោជន៍នៅតែដដែល បានធ្វើឲ្យដីជ្រុះធ្លាក់នៅតាមដងផ្លូវក្នុងក្រុង ព្រមទាំងបានបើកបរលឿនៗ មិនគោរពតាមច្បាប់ចរាចរណ៍ដែលបានកំណត់ឡើយ ពីព្រោះអ្នកបើកបរមួយចំនួន ស៊ីឈ្មួលបើកឲ្យគេ មិនបានគិត ពីហានីភ័យអី្វដល់អ្នកដទៃឡើយ។ក្នុងនាមប្រជាពលរដ្ឋមួយរូបសុំឲ្យកម្លាំងសមត្ថកិច្ចចរាចរណ៍ ត្រូវធ្វើការលើកកម្ពស់នូវការអនុវត្តច្បាប់ចរាចរណ៍ថ្មីឲ្យកាន់តែមានប្រសិទ្ធភាព ទោះបីមានការរឹះគន់ពីសំណាក់ក៏ដោយ គឺដើម្បីប្រសិទ្ធភាព សុវត្ថិភាពក្នុងការបើកបររបស់យើងទាំងអស់គ្នាផងដែរ ៕ ដោយគឿនវ៉េត
