ខេត្តប៉ៃលិន៖ អាជ្ញាធរខេត្តប៉ៃលិន ក្រោមការដឹកនាំរបស់លោក កើត សុធា អភិបាលនៃគណៈអភិបាលខេត្ត ព្រមទាំងមន្ទីរអភិវឌ្ឍន៏ជនបទ បាននិងកំពុងខិតខំកសាងផ្លូវជនបទចំនួន២ខ្សែរ ព្រមទាំងធ្វើការចុះពិនិត្យទីតាំងដែលកំពុងដំណើរការជាបណ្តើរៗ ដើម្បីឲ្យប្រជាពលរដ្ឋធ្វើ
ដំណើរនិងដឹកជញ្ជូនកសិផលផ្សេងៗបានស្រួល ។ ជាក់ស្តែងកាលពីថ្ងៃទី៣១ ខែឧសភា ឆ្នាំ២០១៥ ឯកឧត្តម ឡី ចាន់ឆាយ ប្រធានក្រុមប្រឹក្សាខេត្តប៉ៃលិន ឯកឧត្តម កើត សុធា អភិបាលខេត្តប៉ៃលិន ,លោកស្រី សោ មុន្នីរ័ត្ន ប្រធានមន្ទីរអភិវឌ្ឍន៍ជនបទ និងមន្ត្រីសាលាស្រុក មេឃុំអូរអណ្តូង បានចុះពិនិត្យការសាងសង់ផ្លូវចំនួន២ខ្សែ ស្ថិតក្នុងភូមិអូរទឹកភ្លាវ និងភូមិអូរ៧៥ ឃុំអូរអណ្តូង ស្រុកសាលាក្រៅ ខេត្តប៉ៃលិន ។
លោកស្រី សោ មុន្នីរ័ត្ន ប្រធានមន្ទីរអភិវឌ្ឍន៍ជនបទបានឲ្យដឹងថាៈផ្លូវលំជនបទដែលកំពុងដំណើរការសាងសង់ពេលនេះគឺមានចំនួន២ខ្សែរ ដោយខ្សែទី១ មានប្រវែង៦៩០០ម៉ែត្រ ដំណើរការចាប់ពីភូមិស្រះ២ រហូតដល់ ភូមិអូរ៧៥ ដោយមានដាក់លូមូលចំនួន១២ លូ ហើយលូប្រអប់ចំនួន៤ ដែលមានការកសាងក្រោមគំរោងរបស់មន្ទីរអភិឌ្ឍន៍ជនបទខេត្តប៉ៃលិន ,ចំណែកខ្សែទី២ មានប្រវែង៨០០០ម៉ែត្រ ដំណើរការចាប់ពី ភូមិអូរទឹកភ្លាវរហូតដល់ភូមិអូរ៧៥ ដោយមានដាក់លូមូលចំនួន៦ កន្លែង ហើយលូប្រអប់ចំនួន៣កន្លែង ដែលជាគំរោងរបស់ខេត្តតែម្តង ។
ឯកឧត្តម កើត សុធា អភិបាលនៃគណៈអភិបាលខេត្តប៉ៃលិន បានមានប្រសាសន៍ថា៖ ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ប្រមុខនៃរាជរដ្ឋាភិបាលកម្ពុជា យើងមានផ្លូវ មានសាលារៀន មានវត្តអារាម ព្រមទាំងហេចដ្ឋារចនាសម្ពន័តាមជនបទ និងទីក្រុង មានសិទ្ធិសេរីភាពពេញលិញ ។ ជាក់ស្តែងក្រោមនយោបាយឈ្នះ! ឈ្នះ! របស់សម្តេច ហ៊ុន សែន ខេត្តប៉ៃលិនកំពុងដំណើរការកសាងជាបណ្តើរៗ ដោយស្របតាមគោលនយោបាយរបស់រាជរដ្ឋាភិបាលកម្ពុជា នាពេលក្នុងពេលនេះផ្លូវលំជនបទចំនួន២ខ្សែរ កំពុងដំណើរការ ផងដែរ ។ ឯកឧត្តម មានប្រសាសន៏បន្តថា ផ្លូវលំទាំង២ខ្សែនេះមានសារៈសំខាន់ខ្លាំណាស់ ព្រោះវាបានតភ្ជាប់ពីតំបន់មួយទៅតំបន់មួយទៀត ហើយវាក៏ជាសសៃឈាម
សេដ្ឋកិច្ចរបស់បងប្អូនប្រជាពលរដ្ឋ និងអាជ្ញាធរ យ៉ាងសំខាន់ទៀតផង ។ ដោយពិនិត្យឃើញតម្រូវការជាក់ស្តែងរបស់ប្រជាពលរដ្ឋអាជ្ញាធរខេត្ត បានខិតខំយកចិត្តទុកដាក់លើកគំរោងនិងជំរុញឲ្យមន្ទីរជំនាញ មានការកសាងផ្លូវនេះដើម្បីដោះស្រាយទុកលំបាករបស់បងប្អូនប្រជាពលរដ្ឋឲ្យទាន់ពេលវេលា ។ ឯកឧត្តមបន្តទៀតថា៖ កាលពីមុនផ្លូវទាំងពីរខ្សែនេះជាផ្លូវលំដីភក់ មានអូរច្រើនកន្លែង ដែលធ្វើឲ្យបងប្អូនប្រជាពលរដ្ឋមានការលំបាកក្នុងការធ្វើដំណើ និងដឹកកសិផលទៅកាន់ទីផ្សា នាៗទូទាំងខេត្ត ហេតុដូច្នោះទើបអាជ្ញាធរខេត្ត សហការជាមួយមន្ទីរជំនាញ ចុះធ្វើការកសាងផ្លូវនេះឡើង ដោយមានចំនួន២ខ្សែរ ទី១ មានប្រវែង៦៩០០ម៉ែត្រ ចាប់ពីភូមិស្រះ២ដល់ភូមិអូរ៧៥ ដែលជាការកសាងក្រោមគំរោងរបស់មន្ទីរអភិឌ្ឍន៍ជនបទ
ខេត្តប៉ៃលិន និងខ្សែទី២/មានប្រវែង៨០០០ម៉ែត្រ ចាប់ ពីអូរទឹកភ្លាវ ដល់ភូមិអូរ៧៥ ជាគំរោងរបស់ខេត្តប៉ៃលិន ។ ឯកឧត្តមក៏បានសំណូមពរដល់ បងប្អូនប្រជាពលរដ្ឋ ក្រោមពីបានទទួលផ្លូវទាំងពីរខ្សែរនេះហើយ មេត្តាជួយថែរក្សាឲ្យបានល្អ ធ្វើយ៉ាងណាកុំឲ្យមានការបាត់បង់ រហូតធ្វើដំណើរលែងកើតផងដែរ ៕
