បន្ទាយមានជ័យ៖ លោកយាយនិងចៅម្នាក់ ត្រូវបានរថយន្តបុកស្លាប់ដាច់ជាពីរកំណាត់ និងអូសជាង១០០ម៉ែត្រ ខណៈកំពុងដឹកដៃចៅដើរតាមចញ្ចើមផ្លូវ កាលពីវេលាម៉ោង៧ព្រឹកថ្ងៃទី០១ខែមិថុនា ឆ្នាំ២០១៥ ក្នុងស្រុកមង្គលបុរី ខេត្តបន្ទាយមានជ័យ
ប្រភព័ត៌មានពីកន្លែងកើតហេតុបានអោយដឹងថា នៅមុនពេលកើតលោកយាយម្នាក់មានឈ្មោះ ហម ឡាប អាយុ៦៧ឆ្នាំ និងចៅស្រីម្នាក់ឈ្មោះ សុល ដីកា អាយុ៥ឆ្នាំ បានដឹកដៃគ្នាដើរតាមចិញ្ចើមផ្លូវ ស្រាប់តែរថយន្តទំនើបមួយគ្រឿងម៉ាកលុចស៊ី៤៧០ ពណ៌ខ្មៅពាក់ស្លាកលេខភ្នំពេញ 2L 7689 បើកបរពីជើងទៅត្បូងក្នុងល្បឿនលឿន បានរ៉េចង្កូតទៅបុកយ៉ាងពេញទំហឹងបណ្តាលអោយយាយចៅស្លាប់ភ្លាមៗ និងអូសជាង១០០ម៉ែត្រ រហូតធ្លាក់ក្នុងប្រឡាយទើបរថយន្តទៅមុខលែងរួច ។
ក្រោយពេលកើតហេតុភ្លាម ៗ សមត្ថកិច្ចនគរបាលចរាចរណ៍បានឃាត់ខ្លួន អ្នកបើករថយន្តម្នាក់ឈ្មោះ ប៊ុន រតនា ភេទប្រុស អាយុ៣១ឆ្នាំ មានទីលំនៅ ភូមិ២ ឃុំរកា ស្រុកក្រូចឆ្មា ខេត្តកំពុងចាម និងបានវេចខ្ចប់សាកសពយាយចៅទាំងពីរនាក់យកទៅប្រគល់ជូនគ្រួសារដើម្បីធ្វើបុណ្យ ។
សូមបញ្ចាក់ថា ចំពោះករណីគ្រោះថ្នាក់ចរាចរខាងលើ សមត្ថកិច្ចប៉ូលីសហាក់ព្យាយាមលាក់លៀមមិនអោយអ្នកសាព័ត៍មានដឹងពីរឿងលំអិត តែក៏មានរឿងលេចលឺថា រថយន្តដែលបង្ករគ្រោះថ្នាក់នេះ ជារថយន្តដែលមានដឹកឈើគ្រញូងចំនួន២សន្លឹក ៕
