ខេត្តបន្ទាយមានជ័យ៖អាជីវករម្នាក់បានដឹកអង្កររបស់ខ្មែរចូលទៅលក់ក្នុងដីថៃប៉ុន្តែថៃមិនទិញក៏ត្រូវដឹកអង្កនោះចូលមកខេត្តបន្ទាយមានជ័យវិញក៏ត្រូវមន្ត្រីគយច្រកតំបន់ព្រំដែនបឹងត្រកួនឃាត់រួចធ្វើការចោទប្រកាន់ថាអាជីវករនោះបាននាំអង្ករថៃចូលគ្មានច្បាប់ទៅវិញហើយបញ្ជូនមកសាខាគយនិងរដ្ឋាករខេត្តបន្ទាយមានជ័យដើម្បីធ្វើការត្រួតពិនិត្យ។ក្រោយពេលដែលគយរដ្ឋាករខេត្តធ្វើការពិនិត្យរួចឃើញថាអង្ករនេះពិតជាអង្កររបស់ខែ្មរត្រូវបានដោះលែងនៅថ្ងៃទី៣១ឧសភា២០១៥វិញ។លោក សាំង អ៊ាងម្ចាស់អង្ករនោះបានប្រាប់ថានៅខេត្តបន្ទាយមានជ័យមានឈ្មួញកណ្តាលដែលរកស៊ីទិញស្រូវអង្ករពីប្រជាពលរដ្ឋនាំចេញទៅលក់បន្តនៅថៃតាមព្រំដែនចំនួន៣០នាក់។ ជាក់ស្តែងកាលពីខែមីនា២០១៥គាត់បានទិញអង្ករចំនួន៣៥តោនពីរោងម៉ាស៊ីនឈ្មោះ ហ្វាង វ៉ុន ហើយនាំចេញទៅលក់ឲ្យថៃនៅស្រុកថាបប្រយ៉ាខេត្តស្រះកែវតាមច្រករបៀងអូរសាយស្ថិតនៅភូមិវល្លិ៍ព្រីងឃុំគោករមៀតស្រុកថ្មពួក។ លោកបានបន្តថាក្រោយពេលដែលអង្ករលក់មិនដាច់ថៃមិនទិញបានដឹញអង្ករនោះចូលមកវិញកាលពីថ្ងៃទី២៩ឧសភាឆ្នាំ២០១៥នៅវេលាម៉ោង៧យប់ស្រាប់តែត្រូវលោកជាប៊ុនថន ប្រធានការិយ៉ាល័យគយនិងរដ្ឋាករច្រកតំបន់ព្រំដែនបឹងត្រកួននិងលោក ម៉ៃសុហេងអនុប្រធានបានឃាត់រថយន្តដឹកអង្កនោះហើយចោទថា ដឹកអង្ករថៃចូលដោយគ្មានច្បាប់ហើយនាំយកទៅ
ការិយាល័យ។ ទោះជាម្ចាស់អង្ករខិតខំធ្វើការបកស្រាយប្រាប់ថាអង្ករនាំចូលពីខ្មែរទៅលក់ឲ្យថៃមិនដាច់ឈ្មួញថៃមិនទិញក៏ដឹកអង្ករនេះមកផ្ទះវិយយ៉ាងណាក៍ដោយក៏គយនៅច្រកបឹងត្រកួននោះចាប់យកមកសាខាឲ្យទាល់តែបាន។ លោកសាំងអ៊ាងបានបន្តទៀតថា ក្រោយពេលមន្ត្រីគយបឹងត្រកួនឃាត់ហើយលោកម៉ៃសុហេង អនុប្រធានការិយាល័យគយនិងរដ្ឋាករបឹងត្រកួនបានបោះពាក្យសំដីថាបើបង់៥លានរៀលគឺចប់រឿងបាត់ទៅហើយនេះជាសំដីគយក្រៅផ្លូវការ។ក្រោយមកបានបញ្ជូនមកសាខាគយនិងរដ្ឋាករខេត្តបន្ទាយមានជ័យត្រូវបានលោកថោងសុខាំភូប្រធានសាខាគយនិងរដ្ឋាករខេត្តបន្ទាយមានជ័យបានឲ្យមន្ត្រីជំនាញធ្វើកាត្រួតពិនិត្យឃើញថាអង្ករនេះពិតជាអង្ករខ្មែរពិតប្រាកដមែនក៏ប្រគល់ជូនម្ចាស់ដើមវិញលោកបានបន្តទៀតថាលោកប្រធានសាខាគយធ្វើការត្រួតពិនិត្យនេះពិតជាត្រឹមត្រូវតែចំពោះកូនចៅនៅតាមច្រកវិញឆ្អិនក្បាលសីុក្បាលដូចច្រកបឹងត្រកួននេះឧទាហ៍រស្រាប់បើមិនបញ្ជូនអង្ករនោះមកសាខាគយទាន់ពេលវេលាកុំអីលុយ៥លានត្រូវគយច្រកបឹងត្រកួននោះសីុដាច់បាត់ទៅហើយ៕ គង្គា
