កំពង់ឆ្នាំង៖ប្រជាពលរដ្ឋ៥គ្រួសារ ដែល៣គ្រួសាររងគ្រោះដោយភ្លើងឆេះផ្ទះ និង២គ្រួសារត្រូវប្តីស្លាប់ដោ យគ្រោះថ្នាក់ចរាចរណ៍ នៅព្រឹកថ្ងៃទី០២ ខែមិថុនា ឆ្នាំ២០១៥នេះ ឯកឧត្តមអភិបាលខេត្តកំពង់ឆ្នាំង និងគណៈកម្មាធិការសាខាកាកបាទក្រហមខេត្ត បាននាំយកអំណោយសង្គ្រោះរបស់កាកបាទក្រហមខេត្តទៅផ្តល់ជូន ពួកគាត់ដល់លំនៅដ្ឋាន ក្នុងពេលនោះដែរក៏មានការអញ្ជើញចូលរួមពីលោកជំទាវ ជូ ប៊ុនអេង រដ្ឋលេខាអិការក្រសួងមហាផ្ទៃ និងជាប្រធានក្រុមការងារចុះជួយក្រុងកំពង់ឆ្នាំង។
លោក ហៃ មនោរម្យ អភិបាលក្រុងកំពង់ឆ្នាំង បានអោយដឹងថា៖អំណោយរបស់សាខាកាកបាទក្រហមកម្ពុជា ខេត្តកំពង់ឆ្នាំង ដែលបានផ្តល់ជូនប្រជាពលរដ្ឋទាំង៣គ្រួសារដែលរងគ្រោះដោយភ្លើងឆេះផ្ទះ កាលពីយប់ថ្ងៃទី៣១ ខែឧសភា ឆ្នាំ២០១៥ នៅក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង រួមមាន អង្ករ៥០គីឡូ ខីត១កញ្ចប់មានមុងភួយខោអាវ ត្រីខ១យួរ ឆ្នាំងបាយសម្លមួយកំប្លេ កន្ទេល១ និងថ
វិកា ២.៣៥០.០០០រៀល ( ២៣៥ម៉ឺនរៀល ) សំរាប់គ្រួសារ២ដែលផ្ទះឆេះអស់ទាំងស្រុង ចំណែកមួយគ្រួសារទៀតដែលផ្ទះឆេះតែជញ្ជាំង១ជំហៀងនោះ ទទួលបានថវិកាចំនួន៥០ម៉ឺនរៀល ឯអង្ករនិងសំភារៈទទួលបានដូចគ្នា។
ដោយឡែក២គ្រួសារទៀត ដែលប្តី ឈ្មោះ លោក សេង ចន្ថា អាយុ៥២ឆ្នាំ រស់នៅភូមិកណ្តាលសង្កាត់កំពង់ឆ្នាំង ក្រុងកំពង់ឆ្នាំង ជាគ្រូបង្រៀនវិទ្យាល័យព្រះបាទសុរាម្រឹត ដែលបានរងគ្រោះថ្នាក់ចរា ចរណ៍ស្លាប់កាលពីយប់ថ្ងៃទី០១ ខែមិថុនា ឆ្នាំ២០១៥ និងលោក ប៉ិច ថៃ ជាប្រជាពលរដ្ឋរស់នៅក្នុងភូមិឡទឹកត្រី សង្កាត់កំពង់ឆ្នាំង ក្រុងកំពង់ឆ្នាំង ដែលបានស្លាប់ដោយគ្រោះថ្នាក់ចរារចរណ៍ កាលពីថ្ងៃទី២៩
ខែឧសភា ឆ្នាំ២០១៥ ក្នុងមួយគ្រួសារៗ ក៏ទទួលបានថវិកាចំនួន៥០ម៉ឺនរៀលផងដែរ ពីគណៈកម្មាធិការ
សាខាកាកបាទក្រហមខេត្តកំពង់ឆ្នាំង។
នៅព្រឹកថ្ងៃទី០២ ខែមិថុនា ឆ្នាំ២០១៥ នេះកងកម្លាំងនគរបាលប៉ុស្តិមូលដ្ឋាន នគរបាលក្រុង នគរ បាលខេត្តកំពង់ឆ្នាំង នាយទាហ៊ាន ពលទាហ៊ានក្នុងតំបន់ប្រតិបត្តិការសឹករងកំពង់ឆ្នាំង និងកងរាជអាវុធហត្ថខេត្ត បាននាំគ្នាជួយរុះរើឥវ៉ាន់ និងសរសរផ្ទះដែលនៅសល់ពីគំនរនៃផេះផង់ភ្លើងឆេះផ្ទះ ទុកដាក់ជូនជនរងគ្រោះទាំង៣គ្រួសារ អោយបានត្រឹមត្រូវផងដែរ ដើម្បីអោយជនរងគ្រោះងាយស្រួលក្នុងការធ្វើជំរកស្នាក់នៅ។
លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃនិងឯកឧត្តម ឈូរ ច័ន្ទឌឿន អភិបាលខេត្តកំពង់ឆ្នាំងបានមានប្រសាសន៍ទៅកាន់ប្រជាពលរដ្ឋរងគ្រោះទាំងអស់ថា៖អំណោយដែលផ្តល់ជូននៅពេ លនេះ គឺជាអំណោយមនុស្សធម៌របស់កាកក្របាទក្រហមកម្ពុជា ដែលដឹកនាំដោយ សម្តេចគតិព្រឹទ្ធបណ្ឌិត ប៊ុនរ៉ានី ហ៊ុនសែន ដែលជានិច្ចជាកាលសម្តេចតែងតែផ្តល់អំណោយមនុស្សធម៌ ជួយសង្គ្រោះដល់ប្រជាពលរដ្ឋរងគ្រោះគ្រប់ទីកន្លែងដោយមិនប្រកាន់និន្នាការនយោការណ៍អ្វីឡើយ។ដោយឡែកថវិកាដែលជាអំណោយទាំងអស់ខាងលើនេះ គឺជាអំណោយរបស់សប្បុរសជនតាមមន្ទីរអង្គភាពជុំវិញខេត្ត ដែលបានរៃអង្គាស់គ្នាដោយទឹកចិត្តមនុស្សធម៌ដើម្បីជួយគ្នាក្នុងគ្រារងគ្រោះ។
លោកជំទាវនិងឯកឧត្តមក៍បានផ្តាំផ្ញើផងដែរដល់ប្រជាពលរដ្ឋរងគ្រោះទាំងអស់ សូមយកស្មារតីខិតខំប្រឹងប្រែងឡើងវិញ នៅក្នុងកិច្ចការងារនិងមុខរបរអាជីវកម្មរបស់ខ្លួន ដើម្បីរកប្រាក់ចំណូលផ្គត់ផ្គងកូនចៅនិងគ្រូសារអោយមានជីវភាពធូរធា ទោះបីអំណោយខាងលើមានចំនួនតិចតួចក៍ដោយតែ ក៍អាចជួយដោះស្រាយការខ្វះខាតបានមួយគ្រាដែរ៕
