ខេត្តបន្ទាយមានជ័យ៖នៅរសៀលថ្ងៃទី២ខែមិថុនាឆ្នាំ២០១៥ លោកវរៈសេនីយ៍ឯក ស៊ុនសម្បត្តិមេបញ្ជាការរងកងរាជអាវុធហត្ថខេត្តបន្ទាយមានជ័យនិងជាតំណាងដ៍ខ្ពង់ខ្ពស់របស់ឯកឧត្ដមឱបូរិន្ទមមេបញ្ជាការកងរាជអាវុធហត្ថខេត្តបន្ទាយមានជ័យបានដឹកនាំប្រតិភូនិងកង
កំលាំងអាវុធហត្ថព្រមទាំងក្រុមការងារស្រុក ឃុំ បានចុះជួយជួសជុលផ្ទះប្រជាពលរដ្ឋមួយខ្នងដែលមានឈ្មោះ ភានសារិន ភេទ ប្រុស អាយុ ៥៨ឆ្នាំ ប្រពន្ធ ឈ្មោះ ខុម ស្រី អាយុ ៥៧ ឆ្នាំដែលគ្រោះថ្នាក់ដោយខ្យល់កន្ត្រាក់កាលពីយប់ថ្ងៃទី១ ខែ មិថុនា ឆ្នាំ ២០១៥កន្លងមកនេះ ស្ថិតនៅភូមិ ស្រះរាំង ឃុំ ស្រះរាំង ស្រុកមង្គលបូរី ខេត្តបន្ទាយមានជ័យ។លោក ឱបូរិន្ទ និងក្រុមការងារខេត្តបានជួយឧប្បត្ថម្ភជាសម្ភារៈរួមមានៈឈើ ផ្លាន៥គុណ៥ប្រវែង៨ម៉ែត្រចំនួន៧ដើមស័ង្កសីប្រវែង២ម៉ែត្រ ចំនួន២៤សន្លឹកដែកគោលសំរាប់វ៉ៃឈើនិងស័ង្កសីមួយចំនួនសរុបជា
ថវិកា អស់ចំនួន ៨០៩.៥០០រៀលក្នុងឱកាសនោះដែរលោក វរៈសេនីយ៍ឯកស៊ុនសម្បត្តិបានប្រសាសន៍ថាពេលប្រជាពលរដ្ឋជួបការលំបាកឫគ្រោះថ្នាក់ធម្មជាតិដោយប្រការណាមួយអង្គភាពអាវុធហត្ថនិងក្រុមការងារគឺតែងតែចុះជួយដោយមិនប្រកាន់និនាការនយោបាយថាគណៈបក្សនេះគណបក្សនោះឡើយ៕
