កំពង់ឆ្នាំង៖ជនសង្ស័យ៧នាក់ជាអ្នកប្រើប្រាស់ ជួញដូរ និងចែកចាយគ្រឿងញៀន ត្រូវបានសមត្ថកិច្ចនគរបាលស្រុក ក្រុង និងខេត្តសហការគ្នាចាប់ខ្លួនបាន នៅក្នុងករណី៣ផ្សេងគ្នានៅក្នុងរយៈពេលតែមួយថ្ងៃ។ករណីបង្ក្រាបនិងចាប់ខ្លួនជនសង្ស័យខាងលើនេះ បានធ្វើឡើងនៅ
ថ្ងៃទី០២ ខែមិថុនា ឆ្នាំ២០១៥ នៅក្នុងស្រុករលាប្អៀរ ស្រុកកំពង់ត្រឡាច និងក្នុងក្រុងកំពង់ឆ្នាំង ក្រោមការដឹកនាំបញ្ជារផ្ទាល់ពីលោក ឯក ស៊ុនរស្មី ព្រះរាជអាជ្ញារងសាលាដំបូងខេត្តកំពង់ឆ្នាំង។
សមត្ថកិច្ចក្នុងការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តបានអោយដឹងថា៖ករណីទី១ សមត្ថកិច្ចស្រាវជ្រាវចាប់ជនសង្ស័យ៣នាក់នៅម៉ោង១០និង១៥នាទីព្រឹកថ្ងៃទី០២ ខែមិថុនា ឆ្នាំ២០១៥ នៅក្នុងស្រុករលាប្អៀរ និងក្រុងកំពង់ឆ្នាំង ដកហូតបានថ្នាំញៀន១កញ្ចប់តូច ដាវសាំម៉ូរៃ១ដើម និងម៉ូតូ២គ្រឿង។ជនសង្ស័យទាំង៣នាក់នេះមាន ១.ឈ្មោះ សាត ភារៈ អាយុ១៩ឆ្នាំ រស់នៅក្នុងភូមិស្មែត ឃុំស្វាយជ្រុំ ស្រុករលាប្អៀរ ២.ឈ្មោះ ខៀន ញៀន អាយុ៣៩ឆ្នាំ ស្នាក់នៅភូមិត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ទី៣ឈ្មោះ ស៊ុំ តុង អាយុ៣០ឆ្នាំ រស់នៅភូមិជីប្រង ឃុំជៀប ស្រុកទឹកផុស។
ករណីទី២ សមត្ថកិច្ចនគរបាលស្រុកកំពង់ត្រឡាចនៅម៉ោង១និង១៥នាទី ស្រាវជ្រាវចាប់បាន ជនសង្ស័យម្នាក់នៅចំណុចភូមិព្រៃពីស ដកហូតថ្នាំបានញៀន២កញ្ចប់តូច និងម៉ូតូ១គ្រឿង គេមាន ឈ្មោះ សុះម៉ាត់លី អាយុ១៧ឆ្នាំ រស់នៅភូមិព្រៃពីស ឃុំច្រេស។
ករណីទី៣ សមត្ថកិច្ចស្រាវជ្រាវចាប់ខ្លួនបានជនសង្ស័យចំនួន៣នាក់ តាមការទាក់ទងសុំទិញថ្នាំញៀនតាមទូសព្ទ័ នៅម៉ោង៤និង១០នាទី ចំណុចជើងភ្នំក្រាំងដីមាស ឃុំស្រែថ្មី ស្រុករលាប្អៀរ ពួកគេទី១.ឈ្មោះ ជី សុខធា អាយុ២៦ឆ្នាំ ទី២.ឈ្មោះ ម៉ៅ មករា អាយុ២៣ឆ្នាំ និងទី៣.ឈ្មោះ អ៊ឹម សុភារី អាយុ៣៥ឆ្នាំ ពួកគេទាំង៣នាក់រស់នៅក្នុងភូមិត្រពាំងពោធិ ឃុំពង្រ ស្រុករលាប្អៀរ និងដកហូតបានម៉ូតូ១គ្រឿង។
សរុបក្នុងការបង្ក្រាបនិងចាប់ខ្លួនជនសង្ស័យទាំង៧នាក់ នៅក្នុងករណី៣ផ្សេងគ្នាខាងលើនេះសម ត្ថកិច្ចដកហូតបានថ្នាំម៉ាទឹកកចំនួន៣កញ្ចប់តូច ដាវសាំម៉ូរៃ១ដើម ម៉ូតូ៤គ្រឿង ទូរសព្ទ័ដៃ៤គ្រឿង និងឧប ករណ៍ជក់គ្រឿងញៀនមួយចំនួនទៀត។
ជនសង្ស័យទាំង៧នាក់ខាងលើនេះ គឺជាអ្នកប្រើប្រាស់គ្រឿងញៀនផង ជួញដូរផង និងចែកចាយផង ត្រូវបានសមត្ថកិច្ចជំនាញកសាងសំណុំរឿង ដោយឡែកៗគីគ្នា បញ្ជូនខ្លួននិងវត្ថុតាងទៅកាន់សាលាដំបូងខេត្ត ដើម្បីចាត់ការបន្តនិងផ្តន្ទាទោសពួកគេតាមផ្លូវច្បាប់។
គួរបញ្ជាក់ផងដែរថា ការបង្ក្រាបនិងចាប់ខ្លួនមុខសញ្ញាគ្រឿងញៀនខាងលើនេះ បានឆ្លុះបញ្ចាំងនិងបញ្ជាក់អោយដឹងថា គ្រឿងញៀននៅក្នុងខេត្តកំពង់ឆ្នាំងកំពុងវាយលុកគ្រប់ទីកន្លែងតាំងពីទីក្រុង រហូតដល់ជនបទដែលគួរអោយព្រួយបារម្ភ ដើម្បីទប់ស្កាត់បានករណីទាំងអស់នេះ លោក ឈួរ ចន្ទ័ឌឿន អភិ បាលខេត្តបានលើកឡើងនៅក្នុងទិវាពលកម្មកុមារអន្តជាតិ១មិថុនា ក្នុងវិទ្យាល័យហ៊ុនសែនរលាប្អៀរថា៖សូមកុំអោយប៉ូសីសចិញ្ចឹមចោរ ចិញ្ចឹម
គ្រឿងញៀន មានន័យថាពេលសមត្ថកិច្ចមើលឃើញបទល្មើសហើ យមិនបង្ក្រាប ឃុបឃិតយកលុយពីជនល្មើសដែលតាមលោកដឹងគឺមាន បើមានធ្វើបែបនេះគឺបទល្មើសនៅតាមមូលដ្ឋានមិនថយចុះនោះឡើយ។ហេតុនេះស្នើសុំគណៈបញ្ជាការឯកភាពគ្រប់ស្រុកក្រុងនិងអាជ្ញាធរមានសមត្ថកិច្ចគ្រប់មូលដ្ឋាន ត្រូវសកម្មនាំគ្នាពង្រឹងការអនុវត្តន៍គោលនយោបាយភូមិឃុំមានសុវត្តិភាពអោយបានខ្លាំងក្លានិងព្រមៗគ្នា ទើបបង្ក្រាបបានគ្រឿងញៀនដែលកំពុងគួរអោយព្រួយបារម្ភនេះ៕
