កំពត ៖ បុរសម្នាក់ដាច់ចិត្តចងក ធ្វើអត្តឃាត ចោលក្រុមគ្រួសារ ដោយមិនដឹងមូលហេតុ នៅវេលាម៉ោង ៣ទៅម៉ោង ៤រសៀល ថ្ងៃទី០២ ខែមិថុនា ឆ្នាំ២០១៥នេះ ចំណុចក្នុងផ្ទះជនរងគ្រោះ នៅជាន់ទី១ ស្ថិតក្នុងភូមិ ១ ឧសភា សង្កាត់កំពង់កណ្តាល ក្រុងកំពត ។
តាមសំដីលោកអធិការនគរបាលក្រុងកំពត បានប្រាប់ឲ្យដឹងថា ជនរងគ្រោះមានឈ្មោះអ៊ូរ សុភ័ក្ត្រ ភេទប្រុស អាយុ២៧ឆ្នាំ នៅលីវ រស់នៅក្នុងភូមិ សង្កាត់កើតហេតុខាងលើ ។
ក្រុមគ្រួសារសព បានឲ្យដឹងដែរថា÷ នៅវេលាម៉ោង ៣រសៀលនេះ ជនរងគ្រោះនៅផ្ទះតែម្នាក់ឯងទេ ដោយក្រុមគ្រួសារ ជាប់រវល់ចេញទៅលក់ដូរអស់ លុះដល់វេលាម៉ោង ៤រសៀល បងប្អូនត្រឡប់មកដល់ផ្ទះវិញ ឃើញផ្ទះខ្ទាស់ទ្វារ និង បង្អួចអស់ ហើយមានការសង្ស័យក៏ស្រែកហៅជនរងគ្រោះ តែគ្មានលឺសំឡេងឆ្លើយសោះ បន្ទាប់មកក្រុមគ្រួសារដាក់ ជណ្តើរគាស់បង្អួចមើល ស្រាប់ឃើញជនរងគ្រោះបានចងក នៅលើថ្នឹមដំបូលផ្ទះបន្ទាប់មកក្រុមគ្រួសារបានគាស់ទ្វាផ្ទះចូលទៅកាត់ខ្សែរទម្លាក់ចុះប៉ុន្តែជាអកុសល់ជនរងគ្រោះបានស្លាប់បាត់បង់ជីវិតបាត់ទៅហើយ។
កម្លាំងសមត្ថកិច្ចអធិការនរគបាលក្រុងកំពតនិងកម្លាំងការិយាល័យនគរបាលបច្ចេកទេសខេត្ត បានធ្វើកោសល្យវិច្ច័យ រកមូលហេតុ នៃការស្លាប់របស់ជនរងគ្រោះខាងលើនេះដោយបញ្ជាក់ថា÷ជនរងគ្រោះពិតជាស្លាប់ដោយចងកធ្វេីអត្តឃាតពិតប្រាកដមែន៕
