ខេត្តស្ទឹងត្រែងៈជំនាញរដ្ឋបាលព្រៃឈើខេត្តស្ទាក់ចាប់បានរថយន្តម៉ាកសាំយ៉ុងព័ណស អត់ស្លាកលេខមួយគ្រឿង នៅចំណុចមុខវត្តហាងខូសួន សង្កាត់សាមគ្គី ក្រុងស្ទឹងត្រែង កាលពីប្រលប់ថ្ងៃ ទី២ ខែឧសភា ឆ្នាំ២០១៥ ខណៈដែលរថយន្តនេះបានលួចដឹ កឈើប្រណីតប្រភេទធ្នង់ចេញពីស្រុកសៀមប៉ាងចូលមកទីរួមខេត្តស្ទឹងត្រែ។
លោកសុខ ស៊ីដា មន្ត្រីផ្នែករដ្ឋបាលព្រៃឈើស្ទឹងត្រែងបានឲ្យដឹងថាៈម្ចាស់រថយន្តឈ្មោះ ប្រាក់ សុភាព (ហៅចែភាព)ភេទស្រីអាយុជាង៤០ឆ្នាំ មានទីលំនៅភូមិស្ពានថ្ម ក្រុងស្ទឹងត្រែង។
លោកបន្តថារថយន្តសាំយ៉ុងដឹកឈើខាងលើបានលបលួចធ្វើចរាចរណ៍ចេញពីស្រុកសៀមប៉ាងឆ្ពោះមកកាន់ខេត្តស្ទឹងត្រែង លក់អោយឈ្មួញវៀតណាម ហើយដឹកបន្តទៅកាន់ព្រំដែន ស្រុកមេមុត ខេត្តត្បូងឃ្មុំ ព្រំប្រទល់ប្រទេសវោតណាម។
ឈើដែលសមត្ថកិច្ចបង្ក្រាបនោះជាប្រភេទធ្នង់មានចំនួន៦សន្លឹកមានមុខកាត់៦តឹកទៅ៨តឹក កំរាស់១តឹក ប្រវែង៣ម៉ែត្រ ឈើនេះមួយសន្លឹកត្រូវបានឈ្មួញនិយាយថា មានតម្លៃរហូតទៅជាង២ពាន់ដុល្លាហើយឈើទាំង៦សន្លឹកនេះមានតម្លៃរហូតទៅជាង១ម៉ឺដុល្លាឯណ្ណោះ។
លោកបន្តថារថយន្តរួមនិងឈើប្រណីតទាំងនោះ ត្រូវបានបញ្ជូនយកមករក្សាទុក នៅខណ្ឌរដ្ឋបាលព្រៃឈើខេត្ត ដើម្បីចាត់ការបន្តតាមច្បាប់ស្តីពីព្រៃឈើ។ ចំណែកមនុស្សពុំបានឃាត់ខ្លួនទេ ទុកឲ្យចូលខ្លួនមកពិន័យអន្តរកាល។
គួររំឭកថានៅប៉ុន្មាថ្ងៃថ្មីនេះ រថយន្តសេរីទំនើបចំនួន២គ្រឿង ដឹកឈើប្រណិតចេញពីភូមិគរនិងភូមិស្រែសាមី ឆ្ពោះទៅកាន់ច្រកអន្តជាតិអូយ៉ាដាវខេត្តរតនៈគីរីត្រូវបានបង្ក្រាប និងនៅថ្ងៃខាងលើត្រូវបានបង្ក្រាបរថយន្តសាំយ៉ុង មួយគ្រឿងទៀត។តែទោះជាយ៉ាងណាការដឹកជញ្ជូនឈើ តាមរថយន្តដឹកអ្នកដំណើរចេញពីស្រុកសៀមប៉ាង និងចេញពីស្ទឹងត្រែង ឆ្ពោះទៅកាន់ខេត្តត្បូងឃ្មុំ និងព្រំប្រទល់ប្រទេសវៀតណាម នៅតែកើតមានដោយមិនទាន់បានបង្ក្រាបនៅឡើយ៕
