ខេត្តបន្ទាយមានជ័យ៖មានករណីគ្រោះថ្នាក់ចរាចរណ៍មួយបានកើតឡើងរវាងម៉ូតូមួយគ្រឿងជិះគ្នា៣នាក់ចេញពីផឹកសីុសំដៅមកផ្ទះបើកទៅបុកគោយន្តកន្ត្រៃពីក្រោយបណ្តា លឲ្យបាក់កស្លាប់ម្នាក់និង២នាក់ទៀតរបួសធ្ងន់ត្រូវបញ្ជូនទៅសង្គ្រោះនៅមន្ទីរកាលពីយប់នៅថ្ងៃទី៣ ខែមិថុនា ឆ្នាំ២០១៥នៅលើកំណាត់ផ្លូវជាតិលេខ៦ ក្នុងភូមិភ្នំលៀប ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។លោកមាសឬទ្ធីអធិការនគរបាលស្រុកព្រះនេត្រព្រះបានឲ្យដឹងថា កាលពីវេលាម៉ោង៩យប់មិញនេះមានពលរដ្ឋ៣នាក់ជិះម៉ូតូឌុបគ្នាយ៉ាងលឿនចេញមកពីកន្លែងផឹកស៊ីក្នុងទិសដៅពីកើតមកលិចលុះបើកមកដល់ចំណុចកើតហេតុក៍រេទៅបុកពីក្រោយរថយន្តកន្ត្រៃមួយគ្រឿងគ្មានភ្លើងឬចំណាំងផ្លាតបំភ្លឺពេញទំហឹងបណ្តាលឲ្យអ្នកបើកម៉ូតូហុងដាម្នាក់ឈ្មោះ ហៀ រ៉េត ភេទប្រុស អាយុ២៦ឆ្នាំ បាក់កស្លាប់ភ្លាមៗ និងអ្នករួមដំណើរ២នាក់ផ្សេងទៀត រងរបួសធ្ងន់ស្រាលត្រូវបានប្រជាពលរដ្ឋដឹកបញ្ជូនទៅសង្គ្រោះជីវិតនៅមន្ទីរ
ពេទ្យ។នៅកន្លែងកើតហេតុប្រជាពលរដ្ឋបានធ្វើការរិះគន់ថាគោយន្តកន្ត្រៃដែលធ្វើដំណើរលើដងផ្លូវនាពេលបច្ចុប្បន្ននេះ ពុំដែលឃើញមានដាក់ភ្លើងបំភ្លឺ ឬចំណាំងផ្លាតទេធ្វើឲ្យអ្នកធ្វើចរាចរណ៍នៅពេលយប់បុកស្លាប់ស្ទើររាល់ថ្ងៃគេពុំដែលឃើញសមត្ថកិច្ចធ្វើការទប់ស្កាត់ទេពិសេសគឺនគរបាលសណ្តាប់ធ្នាប់និងនគរបាលចរាចរណ៍ហាក់មានភាពធូររលុងចំពោះករណីនេះពេក។គោយន្តកន្ត្រៃនិងមូ៉តូត្រូវបាននគបាលស្រុកព្រះនេត្រព្រះយកទៅរក្សាទុកនៅអធិការនគបាលស្រុកព្រះនេត្រព្រះដើម្បីដោះស្រាយនៅថ្ងៃក្រោយ៕
