កំពង់ឆ្នាំ៖នៅម៉ោង៩និង០៥នាទីយប់ ថ្ងៃទី០៣ ខែមិថុនា ឆ្នាំ២០១៥នៅចំណុចផ្លូវបែកជា៤ ស្ថិតក្នុងភូមិស្រែព្រីង សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ថ្នាំញៀនម៉ាទឹកកក៣កញ្ចប់ធំនិង១កញ្ចប់តូច ត្រូវបានសមត្ថកិច្ចចំរុះខេត្តត្រួតពិនិត្យអាវុធជាតិផ្ទុះពេលយប់ ឆែករកឃើញពីជន
សង្ស័យចំនួន៣នាក់ជាមុខសញ្ញាអ្នកជូញដូរគ្រឿង។
នគរបាលការិយាល័យប្រឆាំងគ្រឿងញៀនខេត្តបានអោយដឹងថា៖ជនល្មើសទាំង៣នាក់ដែលត្រូវបានសមត្ថកិច្ចចំរុះឆែករកឃើញគ្រឿងញៀន ធ្វើការចាប់ខ្លួនខាងលើនេះមាន ១-ឈ្មោះ ទុំ សុវណ្ណា អាយុ៣៤ឆ្នាំ រស់នៅភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង ២-ឈ្មោះ ឈួន សុភ័ស្ត អាយុ២០ឆ្នាំ ទើបតែចេញពីពន្ធនាគារខេត្តដោយជាប់ទោពីបទចែកចាយថ្នាំញៀន ៣-ឈ្មោះ សុខប៊ុនធឿន អាយុ១៧ឆ្នាំ ពួកគេទាំង២នាក់រស់នៅភូមិត្រពាំងចឹកសារ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង។
វត្ថុតាងដែលសមត្ថកិច្ចឆែករកឃើញ និងរឹបអូសបានមាន៖ថ្នាំញៀនម៉ាទឹកក៣កញ្ចប់ធំនិង១កញ្ចប់តូច ជញ្ជីងគ្រឿងញៀន១គ្រឿង ទូរសព្ទ័ដៃ២គ្រឿង និងម៉ូតូម៉ាកស្មាស់រីវូ១គ្រឿង ពណ៌ខ្មៅពាក់ស្លាកលេខ កំពង់ឆ្នាំង 1D-1678 ។
ជនល្មើសទាំង៣នាក់រួមនិងវត្ថុតាង ត្រូវបានសមត្ថកិច្ចការិយាល័យនគរបាលប្រឆាំងគ្រឿ ងញៀននៃស្នងការដ្ឋាននគរបាលខេត្ត កសាងសំណុំរឿង បញ្ជូនខ្លួនទៅកាន់សាលាដំបូងខេត្តនៅរសៀលថ្ងៃទី៤ ខែមិថុនា ឆ្នាំ២០១៥នេះ ចាត់ការតាមនីតិវិធីច្បាប់៕
