កំពង់ឆ្នាំង៖រថយន្តតាកូម៉ា១បាំងកន្លះមួយគ្រឿងបានក្រឡាប់បះជើងធ្លាក់ពីផ្លូវក្រាលកៅ ស៊ូ ខណះពេលដែលអ្នកបើកបរលេបថ្នាំផ្តាស់សាយ ងុយដេកបើកបរទាំងងោកងុយ និងបណ្តាលអោយអ្នកបើកបររងរបួសស្រាលផងដែរ។ហេតុការណ៏នេះបានកើតឡើងនៅវេលាម៉ោង១០
និង៤៥នាទី ថ្ងៃទី០៣ ខែមិថុនា ឆ្នាំ២០១៥នៅចំណុចភូមិអូររោង ឃុំជ្រៃបាក់ ស្រុ ករលារប្អៀរ។ ប្រជាពលរដ្ឋនៅកន្លែងកើតហេតុបាននិយាយអោយដឹងថា៖ជនរងគ្រោះដែលបើកបររថយន្តខាងលើ ជានាយរងខណ្ឌ័រដ្ឋបាលជលផលកំពង់ឆ្នាំង រស់នៅក្នុងភូមិផ្សារលើសង្កាត់ផ្សារឆ្នាំង ក្រុងកំពង់ឆ្នាំង ។ មុនពេលកើតហេតុគេឃើញគាត់បានបើកបររថយន្តតាកូម៉ាពណ៌ស្ករពាក់ស្លាកលេខភ្នំពេញ 2Q . 6963 បើកបរក្នុងទិសដៅពីក្រុងកំពង់ឆ្នាំងទៅមើលចំការនៅស្រុកទឹកផុស លុះមកដល់ចំណុចកើតហេតុ ដោយសាររូបគាត់បានលេបថ្នាំផ្តាសសាយមានភាពងោកងុយក៏បានបើករថយន្តធ្លាក់ពីលើផ្លូវជាតិមកផ្នែកខាងស្តាំ ប៊ិសបុករបងផ្ទះអ្នកស្រុក ខណះនោះរូបគាត់បានដឹងខ្លួន ក៏បានបួងចង្កូតមកខាងឆ្វេងវិញ ហើយក៏ធ្វើអោយរថយន្តក្រឡាប់ពីរបីត្រឡប់បះជើងឡើងលើ ធ្លាក់ពីលើផ្លូវជាតិនិងបណ្តាលអោយគាត់រងរបួសស្រាលផងដែរ។
ក្រោយពេលកើតហេតុ ម្ចាស់រថយន្តបានជួលរថយន្តបែនដឹកដីអោយជួយអូសរថយន្តរបស់គាត់អោយផ្ងារឡើងវិញ ដើម្បីសណ្តោងយកទៅជួសជុលប្រើប្រាស់វិញ។នៅក្នុងហេតុការណ៍ខាងលើនេះ គេមិនបានឃើញសមត្ថកិច្ចមកធ្វើការវាស់វែងអ្វីឡើយ ព្រោះមិនបង្កគ្រោះថ្នាក់ដល់អ្នកដ៏ទៃ។ករណីខាងលើនេះគឺកើតឡើងដោយសារតែខ្វះការប្រុងប្រយ័ត្ន បើកបរក្នុងភាពងោកងុយ និងក៏មានសំណាងល្អផងដែរ ដោយសារតែមានគ្រោះថ្នាក់តែម្នាក់ឯងមិនប៉ះពាល់ដល់ផ្ទះអ្នកស្រុក និងអ្នកធ្វើចរាចរណ៍តាមដងផ្លូវជាតិ៕
