កំពង់ឆ្នាំង៖ ជនសង្ស័យម្នាក់ ត្រូវបានសមត្ថកិច្ចនគរបាល ស្រុកជលគីរី ធ្វើការចាប់ខ្លួន ដោយចោទប្រ កាន់ ពីបទចាប់រំលោភ ក្មេងស្រីអាយុ១៤ ឆ្នាំ ដែលបានប្រពឹត្តឡើងកាលពីវេលម៉ោង១០ និង១០នាទីយប់ ថ្ងៃទី០២ ខែមិថុនា ឆ្នាំ២០១៥ នៅវាលស្រែក្នុងភូមិព្រៃគ្រីជើង ឃុំព្រៃគ្រី
ស្រុកជលគីរី ។នៅព្រឹកថ្ងៃទី ០៤ ខែមិថុនា ឆ្នាំ២០១៥ សមត្ថកិច្ចបានបញ្ជូនជនសង្ស័យមកការិយាល័យនគរបាលព្រហ្មទណ្ឌ័ធ្ងន់នៃស្នងការដ្ឋាននគរបាលខេត្ត។
លោក ឌុច ចំរើន នាយការិយាល័យនគរបាលព្រហ្មទ័ណ្ឌកំរិតធ្ងន់ នៃស្នងការដ្ឋាននគរបាលខេត្តបានអោយដឹងថាៈ៖ជនសង្ស័យរូបនោះ មានឈ្មោះ ហយ សំណាង អាយុ២៣ ឆ្នាំ មានទីលំនៅភូមិឃុំកើតហេតុខាងលើ ចំណែកនារីរងគ្រោះមានអាយុ១៤ ឆ្នាំ មានទីលំនៅភូមិឃុំជាមួយគ្នា ។
លោកអោយដឹងថាៈនៅយប់ថ្ងៃកើតហេតុ ក្មេងស្រីរងគ្រោះបានរងគ្រោះបានត្រឡប់មកពីផ្ទះជីដូនឈ្មោះ យាយ ភីតាស៊ីម មកផ្ទះ នៅពេលដើរមកជិតដល់ផ្ទះឈ្មោះ ហាក់ ក៏បានជួបជនសង្ស័យឈ្មោះ ហយ សំណាង ពេលនោះឈ្មោះ ហយ សំណាង បានចាប់ក្មេងស្រីរងគ្រោះខ្ទប់មាត់ រូចបីយកទៅក្នុងស្រែ និងចាប់រំលោភតែម្តង។ក្រោយពេលចាប់ក្មេងស្រីរំលោភហើយ ជនសង្ស័យបានគេចទៅផ្ទះ បាត់ចំណែកក្មេងស្រីរងគ្រោះពេលដើរត្រឡប់មកផ្ទះវិញ បានជួបឪពុកបង្កើតដែលកំពុងតាមរកហើយនាងបានរៀបរាប់រឿងរ៉ាវខាងលើប្រាប់ឪពុកនាង និងបានប្តឹងសមត្ថកិច្ចអោយចាប់ខ្លួនជនសង្ស័យតែម្តង។
នៅចំពោះមុខសមត្ថកិច្ចជនសង្ស័យបានសារភាពថា៖ ខ្លួនពិតជាបានរួមភេទជាមួយក្មេងស្រីខាងលើនេះមែន ព្រោះពួកយើងស្រលាញ់គ្នា ។ សមត្ថកិច្ចនគរបាល ព្រហ្មទ័ណ្ឌកំរិតធ្ងន់ នៃស្នងការដ្ឋាននគ របាលខេត្ត បានកសាងសំណុំរឿងបញ្ជូនជនសង្ស័យទៅតុលាការតាមនិតិវិធី ព្រោះថាការរួមភេទជាមួយអនិតិជន ទោះក្នុងរូបភាពត្រូវគ្នា ឬក៏ស្រឡាញ់គ្នាដោយក៏ត្រូវមានទោសទណ្ឌ័ដែរ ច្បាប់មិនលើកលែងឡើយ ៕
