ក្រចេះ៖ សមត្ថកិច្ចចម្រុះដែលដឹកនាំដោយលោក ធុច បញ្ជៈសន្តិភាព ព្រះរាជអាជ្ញារងអមសាលាដំបូងខេត្តក្រចេះ បានធ្វើការចាប់ឃាត់រថយន្តយីឌុបដឹក មួយគ្រឿង កាលពីវេលាម៉ោង ២យប់ ថ្ងៃទី៣ឈានចូលថ្ងៃទី៤ នេះ នៅចំនុចកំពង់ចម្លងកំពង់គរ ស្ថិតក្នុងស្រុកព្រែកប្រសព្វ 
ខេត្តក្រចេះ ។រថយន្តដឹកឈើមួយគ្រឿងដែលសមត្ថកិច្ចចាប់បាននោះត្រូវបានគេដឹងថា ជាកម្មសិទ្ឋិរបស់មេឈ្មួញដ៍ល្បីម្នាក់ ឈ្មោះ ឆាយ ជ្រាយ ដែលដឹកចេញពីតំបន់ព្រៃឡង់ ជាប់ព្រំប្រទល់ខេត្តកំពង់ធំ ក្រចេះ និងខេត្តស្ទឹងត្រែង នាំឆ្ពោះ ទៅស្រុកដំបែរនៃទឹកដីខេត្តត្បូងឃ្មុំ តែត្រូវសមត្ថកិច្ចធ្វើការបង្ក្រាបបានខណះ រថយន្តមួយគ្រឿងរៀបនិងបើកឡើងដរចម្លង់ ពីឃុំកំពង់គរ ឆ្ពោះទៅស្រុកឆ្លូង ដើម្បីបន្តរទៅខេត្តត្បូងឃ្មុំនោះ ។
រថយន្តយីឌុបប្រាំភ្លៅខាងលើមាន ផ្ទុកឈើអារនិង ឈើធ្នង់ពេញប្រៀប ត្រូវបានមន្ត្រីជំនាញ រដ្ឋបាលព្រៃឈើ បញ្ជូនយកទៅរក្សារទុកនៅផ្នែករដ្ឋបាលព្រៃឈើ ព្រែកប្រសព្វ ដើម្បីធ្វើការវ៉ា់ស់វែង និងកសាងសំណុំរឿងបញ្ជូនទៅស្ថាប័នតុលាការ ។ ជាមួយនិងការចាប់បង្ក្រាបរថយន្តដឹកឈើខាងលើនេះ សមត្ថកិច្ចក៍ បានឃាត់ខ្លួនអ្នកបើកបរនិងកម្មករចំនួន៧នាក់ បញ្ជូនទោខេត្តក្រចេះ ដើម្បីធ្វើការសាកសួរ ។
ប្រភពពីប្រជាពលរដ្ឋ លក់ដូរនៅចំណុចកំពង់ចម្លង់ខាងលើ បានបង្ហើបអោយដឹងថា រថយន្តដឹកឈើរបស់មេឈ្មួញឆាយ ជ្រាយ បានដឹកឆ្លងតាមកំពង់ចម្លងកំពង់គរ ឆ្ពោះទៅស្រុកឆ្លូង ស្ទើតែជារៀងរាល់យប់ទៅហើយដែលសុទ្ឋសឹងជា ប្រភេទ រថយន្តធំៗបែបនេះ កន្លងមកសមត្ថកិច្ចជំនាញមិនហ៊ានធ្វើការបង្ក្រាប នោះឡើយ ដោយសាឈ្មួញម្នាក់នេះមានខ្នងបង្អែកពីក្រោយខ្នង ទើបតែលើកនេះដោយមានការបញ្ជារដឹកផ្ទាល់ពីសំណាក់លោក ធុច បញ្ជៈសន្តិភាព ព្រះរាជអាជ្ញារង អមសាលាដំបូងខេត្ត ទើបអាចធ្វើការបង្ក្រាបបាន ។
ប្រជាពលរដ្ឋនៅក្នុងឃុំំពង់គរ មានការអរសាទរចំពោះប្រតិបត្តិបង្ក្រាបខាងលើនេះ ដោយពួកគាត់បានលើកឡើងថា កន្លងមករថយន្តដឹកឈើរបស់ក្រុម ឈ្មួញ ឈ្មោះ ឆាយ ជ្រាយ បានផ្ទុកលើសទំងន់បង្ករអោយផ្លូវមួយចំនួននៅក្នុងតំបន់នោះបានរងការខូចខាតជាប្រចាំ ។ ដោយពួកគាត់ស្នើរមន្ត្រីជំនាញសាធារះការ ត្រួតពិនិត្យមើល ចំពោះកំពង់ចម្លងកំពង់គរ ឆ្ពោះទៅស្រុកឆ្លូងនេះ ដែលតែងតែលួចចម្លងប្រភេទរថយន្តធំៗដែលមានផ្ទុកលើសទំងន់បែបនេះ រាល់យប់ បង្ករអោយផ្លូវរងការខូចខាតក៍ដោយសារក្រុមរថយន្តដឹកឈើ បែបនេះឯង ៕
