សៀមរាប : ក្រុមសមត្ថកិច្ចបាននិយាយថាទីតាំងចិញ្ចឹមត្រីឆ្តោក្នុងខេត្តសៀមរាបមានជាង៣០០ កន្លែងដែលកន្លែងខ្លះជនល្មើសបានលួចចិញ្ចឹមហើយនិងត្រូវរូវជាមួយជំនាញផងទើបពួកជនល្មើសអាចចិញ្ចឹមត្រីឆ្តោដែលគ្មានច្បាប់អនុញ្ញាតបានយ៉ាងច្រើនកន្លែងក្នុងភូមិសាស្ត្រខេត្តសៀមរាបបែបនេះ ។ ការដែលក្រុមសមត្ថកិច្ចនិយាយបែបនេះខណះពេលដែលលោក សុខ កែវបណ្ឌិត ព្រះរាជអាជ្ញារងសាលាដំបូងខេត្តសៀមរាបបានដឹកនាំកម្លាំងសមត្ថកិច្ចនៃការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាបចុះធ្វើការបង្ក្រាបទីតាំងលួចចិញ្ចឹមត្រីឆ្តោខុសច្បាប់មួយកន្លែងស្ថិតនៅក្នុងភូមិភ្នំក្រោម សង្កាត់សៀមរាប ក្រុងសៀមរាប ខេត្តសៀមរាប ។ លោកវរសេនីយ៍ឯក សឿន សេន នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តសៀមរាបបាននិយាយអោយដឹងថាកន្លងមកកម្លាំងនគរបាលក្នុងការិយាល័យរបស់លោកបានអនុវត្តជាប្រចាំតាមការយកចិត្តទុកដាក់ខ្ពស់ពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាលោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលប្រឆាំងបទល្មើសនៃស្នងការដ្ឋាននគរបាលខេត្តសៀមរាបទើបជាក់ស្តែងបន្ទាប់ពីកម្លាំងនគរបាលប្រឆាំងបទល្មើសសេដ្ឋកិច្ចបានធ្វើការតាមដានស្រាវជ្រាវរួចមកនៅថ្ងៃទី០៤ ខែ មិថុនា ឆ្នាំ ២០១៥ កន្លងទៅ កម្លាំងសមត្ថកិច្ចបានទៅធ្វើការត្រួតពិនិត្យទីតាំងចិញ្ចឹមត្រីឆ្តោ ស្ថិតនៅក្នុងភូមិសាស្ត្រខាងលើនិងបានហៅខាងជំនាញជលផលប្រចាំតំបន់នោះអោយមកចូលរួមត្រួតពិនិត្យជាក់ស្តែងទាំងអស់គ្នាថាទីតាំងនេះបានលួចចិញ្ចឹមត្រីឆ្តោខុសច្បាប់ពិតប្រាកដមែនដោយមានម្ចាស់ជាជនជាតិវៀតណាម ។ ដោយជំនាញជលផលប្រចាំតំបន់ខាងលើពេលមកដល់កន្លែងដែលជនជាតិវៀតណាមបានលួចចិញ្ចឹមត្រីឆ្តោខុសច្បាប់ហើយនោះបាននិយាយថាពួកគាត់ធ្លាប់បានធ្វើកិច្ចសន្យាអោយម្ចាស់ត្រីនេះឈប់ចិញ្ចឹមត្រីឆ្តោម្តងរួចមកហើយតែមកដល់ពេលនេះជនល្មើសបានលួចចិញ្ចឹមទៀតខាងជំនាញរបស់លោកមិន
បានដឹងនោះទេ ទើបតែពេលក្រុមសមត្ថកិច្ចនគរបាលប្រឆាំងបទល្មើសសេដ្ឋកិច្ចចុះមកធ្វើការត្រួតពិនិត្យនូវពេលនេះបានដឹងថាម្ចាស់ស្រះនេះបានលួចចិញ្ចឹមត្រីឆ្តោ ខុសច្បាប់ពិតប្រាកដមែន ។ បច្ចុប្បន្នសមត្ថកិច្ចបានយកកូនត្រីឆ្តោ និង ត្រីឆ្តោ ក្នុងមួយក្បាលមានចំនួនត្រឹម ៣ ទៅ ៤ ខាំ រាប់ម៉ឺនក្បាលនេះទៅប្រលេងចូលក្នុងទឹកបឹងទន្លេសាបភ្នំក្រោម ចំណែកឯ ម្ចាស់ត្រីត្រូវបានជំនាញជលផលចំណាត់ការទៅតាមនីតិវិធីបន្ត ៕ ដោយ លោក ខេង ខេមរា
