> បាត់ដំបង: ស្នៀតឆរបោករបស់ក្រុមជនសង្ស័យដ៏ចាស់គំរិល បានយកមកអនុវត្តសារជាថ្មីនៅលើទឹកដីថៃ ត្រង់ចំនុចក្នុងផ្សារសាប់តាលី កាលពីវេលាម៉ោងជិត11ថ្ងៃត្រង់ នាថ្ងៃទី5-6-15 នោះគឺជា ល្បិចធ្វើជាជ្រុះកាបូបលុយ ដោយបក្ខពួកគេធ្វើជារើសបានក្នុងគោលបំនងបបួលជនរងគ្រោះចែកគ្នា
> ឬក៏បបួលដោះដូរទៅនឹងគ្រឿងអល័ង្កាដែលជនរងគ្រោះពាក់នៅជាប់នឹងខ្លួន ប៉ុន្តែខណ:ដែលក្រុមនេះកំពុងធ្វើសកម្មភាពក៏ត្រូវសមត្ថកិច្ចក្របួចបានតែម្តង។
> លោក សារ៉េត វិសេដ្ឋ អធិការរងនគរបាលស្រុកភ្នំព្រឹក បានបញ្ជាក់ប្រាប់ថានៅមុនពេ កើតហេតុគឺមានមុខសញ្ញាឆរបោកចំនួន4នាក់ ដែលក្នុងនោះមានស្រីពីរនាក់និងប្រុសពីរនាក់ បាន
> ប្រើប្រាស់ម៉ូតូចំនួនពីរគ្រឿងជិះចូលទៅក្នុងទឹកដីថៃ ត្រង់ចំនុចផ្សារសាប់តាលី ដោយទំនងជាភាគី ប្រុសៗជាអ្នកធ្វើជ្រុះកូនកាបូប ហើយភាគីស្រីៗពីរនាក់ទៀតគឺជាអ្នករើសបាន ដោយការរើសនេះ
> គេធ្វើឡើងនៅក្បែនិងជនរងគ្រោះដែលមានពាក់នូវគ្រឿងអល័ង្កាផហដែរ។
> ជាធម្មតាការរើសរបស់ទាំងនេះគឺគេត្រូវធ្វើយ៉ាងណាអោយជនរងគ្រោះបានឃើញ ព្រោះ
> នៅពេលដែលគេធ្វើសកម្មភាពនោះគឺនៅជិតនឹងស្ត្រីរងគ្រោះម្នាក់ឈ្មោះ ង៉ែត ញ៉ អាយុ70ឆ្នាំ រស់នៅ ភូមិភ្នំតូច ឃុំពេជ្រចិន្តា ស្រុកភ្នំព្រឹក ដោយគេបានបបួលជនរងគ្រោះទៅចែកគ្នាក្នុងទឹកដីខ្មែរវិញដើម្បី ការពារកុំអោយម្ចាស់លុយគេមកទាន់ ដោយសារតែក្នុងកូនកាបូបនោះមានទឹកប្រាក់រហូតដល់ទៅ 6.000ដុល្លារឯណោះ នៅពេលនោះដែរស្ត្រីរងគ្រោះក៏បានវិលត្រឡប់ចូលមកដីខ្មែរវិញតាមការបបួលរបស់ពួកគេ។លោកអធិការរងបានបន្តថា ជាសំណាងល្អនៅពេលដែលស្ត្រីរងគ្រោះធ្វើដំណើរមកដល់ មាត់ច្រកព្រំដែនអូររំដួល ក្នុងភូមិសាស្ត្រភូមិអូរ ឃុំពេជ្រចិន្តា ក៏ស្រាប់តែបានជួបនឹងកូនប្រុសរបស់គាត់ឈ្មោះធន់ សំអុល ដែលមានមុខរបរជាអ្នករត់ម៉ូតូឌុប ទើបស្ត្រីនោះបានរៀបរាប់ប្រាប់ពីដំណើរដើមទង
> ប៉ុន្តែកូនប្រុសហាក់ដូចជាដឹងរឿងក៏បានជិះម៉ូតូដេញតាម។ទោះបីជាពេលនោះស្ត្រីពីរនាក់ដែលជាមុខសញ្ញាឆរបោកប្រឹងបើកម៉ូតូរត់យ៉ាងណាក៏ដោយក៏មានស្ត្រីម្នាក់ដែលឡើងម៉ូតូមិនទាន់ត្រូវបាន ចាប់ខ្លួនដើម្បីយកមកប្រគល់អោយសមត្ថកិច្ចស្រុកភ្នំព្រឹកធ្វើការសាកសួរដែរ គឺមុខសញ្ញានោះមានឈ្មោះប៊ុន វី ភេទស្រី អាយុ28ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង ដោយគេមានពាក់ខ្សែកមួយខ្សែយ៉ាងធំផងដែរដែលជារបស់កាឡៃ សម្រាប់ទាក់ទាញចិត្តជនរងគ្រោះអោយមានជំនឿទៅលើរូបគេ។លោកសារ៉េត វិសេដ្ឋ ក៏បានរំលឹកដែរថា ជនមួយក្រុមនេះគឺជាមុខសញ្ញាចាស់ដែលកន្លងមកគែធ្លាប់បានប្រព្រឹត្រនៅក្នុងស្រុកភ្នំព្រឹកបានសម្រេចចំនួនពីរដង មិនបានសម្រេចចំនួនមួយដង និងនៅ
> ចំនុចផ្សារស្តៅចំនួនមួយដង ប៉ុន្តែនៅពេលនេះទើបសមត្ថកិច្ចឃាត់ខ្លួនបានម្នាក់ ដោយឡែកបក្ខពួកគេចំនួន3នាក់ទៀតបានរត់គេចខ្លួនបាត់អស់ហើយ ប៉ុន្តែពេលនេះសមត្ថកិច្ចបាន និងកំពុងតាមស្រាវជ្រាវដើម្បីចាប់ខ្លួន ដោយឡែកមុខសញ្ញាម្នាក់នេះត្រូវបានសមត្ថកិច្ចស្រុកភ្នំព្រឹករៀបចំធ្វើការបញ្ជូនខ្លួនតាមផ្លូវច្បាប់ទៅស្នងការដ្ឋាននគរបាលខេត្តហើយ ចំណែកគ្រឿងអល័ង្ការបស់ជនរងគ្រោះមិនទាន់បាត់បង់ឡើយ
