ខេត្តព្រះសីហនុ
ជនសង្ស័យមុខសញ្ញាជួញដូរគ្រឿងញៀនយ៉ាងសកម្មចំនួន២នាក់ត្រូវកម្លាំងកងរាជអាវុធហត្ថក្រុងព្រះសីហនុធ្វើការបង្ក្រាបនិងឃាត់ខ្លួនបានភ្លាមៗនៅនិងកន្លែងដោយក្នុងនោះក្រុមសមត្ថកិច្ចដកហូតបានម្សៅពណ៏សថ្លា និងសម្ភារះមួយចំនួនទៀត។ក្នុងយុទ្ធនាការឆ្មក់ចុះបង្ក្រាប់របស់សមត្ថកិច្ចនេះបានធ្វើឡើងកាលពីវេលាម៉ោង០០ និង៣០នាទី ថ្ងៃទី០៥ ខែមិថុនា ឆ្នាំ២០១៥ នៅចំណុចក្រុមទី០១ ភូមិ០១ សង្កាត់០១ ក្រុង ខេត្តព្រះសីហនុ ។
លោកវរសេនីយត្រី ហ៊ត សីហា មេបញ្ជាការកងរាជអាវុធហត្ថក្រុងព្រះសីហនុ បានមានប្រសាសន៌ថា ដោយអនុវត្តតាមបទបញ្ជារ និងមានការចង្អុលបង្ហាញរបស់លោកឧត្តមសេនីយ ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ ក្នុងការទប់ស្កាត់និងបង្ក្រាប់រាល់បទល្មើសគ្រប់ប្រភេទនៅក្នុងមូលដ្ឋាន កម្លាំងជុំនាញបានតាមដានឃ្លាំមើលរាល់មុខសញ្ញាដែលសង្ស័យរហូតឈានទៅធ្វើការឃាត់ខ្លួនមនុស្ស២នាក់ដែលជាប់ពាក់ព័ន្ធនិងករណីជួញដូរគ្រឿងញៀន។
លោកមេបញ្ជាការក្រុងព្រះសីហនុបានបន្តថា ជនសង្ស័យទី១មានឈ្មោះ ឪប សុវណ្ណសារ ភេទប្រុស អាយុ ២៦ឆ្នាំ ជនជាតិខ្មែរ មុខរបររត់ម៉ូតូឌុប មានទីលំនៅក្រុមទី១២ ភូមិ០១ សង្កាត់២ ក្រុងព្រះសីហនុ ទី២ ឈ្មោះ ទី ពេជ្រ ភេទប្រុស អាយុ២៧ឆ្នាំ ជនជាតិខ្មែរ មុខរបរត់ម៉ួតូឌុប មានទីលំនៅក្រុម២៧ ភូមិ១ សង្កាត់៤ក្រុង ខេត្តព្រះសីហនុ ។
វត្ថុតាងដកហូតបានរួមមាន ម្សៅពណ៌សថ្លា (Ice)ទឹកកក ចំនួន ០៣កញ្ចប់តូចប្រាក់ដុល្លាចំនួន២៥ ប្រាក់រៀលចំនួន ១៥១.០០០រៀល អត្តញ្ញាណបណ្ណសញ្ជាតិខ្មែរ ០១សន្លឹក ទូរសព្ទ័ដៃចំនួន ០២គ្រឿង នាឡិការ០១ ម៉ូតូចំនួន ០២គ្រឿង ។
លោកវរសេនីយត្រី ហ៊ត សីហា បានបន្តទៀតថា បច្ចុប្បន្នជនសង្ស័យទាំង០២នាក់ កំពុងធ្វើការសាកសួរ និងបញ្ជូនទៅទីបញ្ជាការកងរាជអាវុធហត្ថខេត្តព្រះសីហនុ ដើម្បីកសាងសំណុំរឿងបញ្ជូនទៅសាលាដំបូងខេត្តព្រះសីហនុ ៕
