ស្វាយរៀង៖លោក ណាល់ វិចិត្រ ដែលគេស្គាល់ជាអតីតមេកាំកុងត្រូល ខេត្តប៉លិន ហើយត្រូវបានផ្លាស់ប្ដូរមកកាន់តំណែងថ្មី ជាមេមេកាំកុងត្រូលខេត្តស្វាយរៀង បានរយះពេលប្រមាណ៣ទៅ៤ខែមកនេះ កំពុងតែបញ្ចេញរិទ្ធអំណាចរបស់ខ្លួន ដោយបានដាក់ពង្រាយកូនចៅ តាមច្រក
អន្តរជាតិ និង ច្រកទ្វេរភាគីរបៀង ក្នុងទឹកដីខេត្តស្វាយរៀង ដើម្បីគាបសង្កត់យកលុយ ពីអ្នករកស៊ីដឹកទំនិញបន្លែ សាច់ ត្រី គ្រប់ប្រភេទ ដោយមិនបានធ្វើការពិនិត្រទំនិញទាំងនោះ អោយបានត្រឹមត្រូវនោះទេ ជាហេតុធ្វើអោយប៉ៈពាល់ ដល់សុខភាពប្រជាពលរដ្ឋ យ៉ាងធ្ងន់ធ្ងរ ខណៈដែលប្រជាពលរដ្ឋ ទិញទៅប្រើប្រាស់ និងបរិភោគជារៀងរាល់ថ្ងៃ ។
យោងតាមប្រជាពលរដ្ឋ បានប្រាប់អោយដឹងថា នៅច្រកអន្តរជាតិបាវិតសព្វថ្ងៃនេះ មន្ត្រីកាំកុងត្រូលប្រចាំការនៅច្រកនេះ ដែលគ្រប់គ្រងរបស់លោក ណាល់ វិចិត្រ មេកាំកុងត្រូល កំពុងតែបណ្ដែតបណ្ដោយ អោយទំនិញគ្រប់ប្រភេទ នាំចូលពីប្រទេសជិតខាង ហូរចូលសេរី ដោយមិនបានធ្វើការត្រួតពិនិត្រ អោយបានត្រឹមត្រូវនោះទេ គឺបង់លុយគ្រប់ចំនួនទៅ អាចដំណើរការដឹកទំនិញបានហើយ ។
ប្រភពបន្តទៀតថា អ្វីជាការព្រួយបារម្មណ៏នោះ គឺបន្លែត្រីសាច់ផ្លែឈើ ដែលប្រជាពលរដ្ឋ បរិភោគសព្វថ្ងៃនេះ ដោយគ្រាន់តែត្រីចិញ្ចឹមស៊ីចំណីគីមី លក់ពេញផ្សារ នៅក្នុងខេត្តស្វាយរៀង ហើយក្រុមឈ្មួញទិញត្រីស្រែ ពីប្រជាពលរដ្ឋ ទៅលក់នៅប្រទេសគេវិញ ។ ចំណែកបន្លែផ្លែឈើវិញ គឺអាចរក្សាបានយូរណាស់ មិនដឹងដាក់គីមី ឬយ៉ាងណានោះទេ បើមន្ត្រីជំនាញ បណ្ដោយអោយនាំចូលយ៉ាងនេះ ។ ហើយចំពោះនៅច្រកបាវិតទំនិញគេចពន្ធនាំចូលតាមរថយន្តក្រុង មន្ត្រីកាំកុងត្រូល ក៏មិនដែរធ្វើការឆែកឆេរនោះដែរ រីឯរថយន្តកុងទីន័រ រាប់រយគ្រឿង ចេញចូលតាមច្រកនេះ ដោយក្នុងមួយគ្រឿង បង់អោយកាំកុងត្រូល ចំនួន១៥ដុល្លា ។ ដោយឡែកនៅច្រកទ្វេភាគីសំយ៉ោង ឃុំសំយ៉ោង ស្រុកកំពង់រោរន៏វិញ គឺមានក្រុមមន្ត្រីកាំកុងត្រូល ដាក់កង់ត្រូលចាំយកលុយយ៉ាងត្រជាក់សាច់ ដោយសង់ធ្វើជារោងស្លឹក និងមានមនុស្សម្នាក់ មិនមែនជាមន្ត្រីកាំកុងត្រូលចាំកាក់រថយន្ត ម៉ូតូ ដឹកទំនិញបន្លែផ្លែឈើ ត្រីសាច់ បង្ខំអោយបង់លុយទៅតាមអំពើចិត្ត ដោយមិនបានមកដើរពិនិត្រ អោយបានត្រឹមត្រូវអ្វីនោះទេ បង់លុយគឺបានទៅហើយ ។
ដូច្នេះប្រជាពលរដ្ឋខេត្តស្វាយរៀង សូមសំនូមពរទៅឯកឧត្តម ម៉ក់ ពេជ្យរិទ្ធ ប្រតិភូរដ្ឋាភិបាល និងជាប្រធានអគ្គនាយកដ្ឋានកាំកុងត្រូល មេត្តាពិនិត្រទៅលើលោក ណាល់ វិចិត្រផង ព្រោះកំពុងតែបណ្ដែតបណ្ដោយអោយកូនចៅ ធ្វើព្យុះភ្លៀងតាមតែអំពើចិត្ត ក្នុងទឹកដីខេត្តស្វាយរៀង ដោយមិនគិតពីសុខភាព របស់ប្រជាពលរដ្ឋនោះទេ ។
ពាក់ពន្ធ័និងករណីនេះ ភ្នាក់ងារយើងមិនអាចសុំការបំភ្លឺពីលោក ណាល់ វិចិត្រ ប្រធានកាំកុងត្រូល ខេត្តស្វាយរៀងបានទេ នៅថ្ងៃទី៥ ខែមិថុនា ឆ្នាំ២០១៥ម្សិលមិញនេះ ៕
