ព្រឹកថ្ងៃទី០៤ខែមិថុនាឆ្នាំ២០១៥នេះនៅមូលដ្ឋានសមុទ្ររាមនៃបញ្ជាការដ្ឋានមានរៀបចំពិធីប្រកាសតែងតាំងផ្លាស់ប្តូរមុខងារបំពាក់ឋានន្តរសក្តិនិងសំណេះសំណាលជាមួយនាយពលនាវីកងទ័ពជើងទឹកដែលពិធីនេះបានប្រព្រឹតទៅស្ថិតក្រោមអធិបតីភាពឯកឧត្តមនាយឧត្តមប៉ុល
សារឿនអគ្គមេបញ្ជាការនៃកងយោធពលខេមរភូមិន្ទនិងជាអនុប្រធានគណៈកម្មការជាតិសន្តិសុខលម្ហសមុទ្រព្រមទាំងឯកឧត្តមអស់លោកជានាយទាហានជាន់ខ្ពស់ក្នុងកងយោធពលខេមរភូមិន្ទជាច្រើនរូបទៀត។
ក្នុងសុន្ទរកថាស្វាគមន៍របស់ឯកឧត្តមនាយឧត្តមនាវីទៀវិញមេបញ្ជាការកងទ័ពជើងទឹកនិងជាអគ្គលេខាធិការជាតិសន្តិសុខលម្ហសមុទ្របានលើកឡើងថា៖កងទ័ពជើងទឹកជាប្រភេទទ័ពជំនាញស្ថិតនៅក្រោមការដឹកនាំបញ្ជាផ្ទាល់របស់អគ្គមេបញ្ជាការនៃកងយោធពលខេមរភូមិន្ទមានភារកិច្ចស្នូលគឺការពារបូរណភាពដែនដីដែនទឹកដែនអាកាសដែនកោះឆ្នេរនិងសម្បត្តិធម្មជាតិក្នុងសមុទ្រក្នុងទន្លេនៃព្រះរាជាណាចក្រកម្ពុជាដូចនេះភាពរីកចម្រើនលូតលាស់ជាលំដាប់នៃកងទ័ពជើងទឹកបានផ្តើមចេញពីការខិតខំប្រឹងប្រែងរបស់នាយនាយនាវីនាយនាវីរងនិងពលនាវឹកទាំងអស់និងដោយមានការជួយជ្រុំជ្រាញឧបត្តម្ភគាំទ្រពីរាជរដ្ឋាភិបាលក្រសួងការពារជាតិអគ្គបញ្ជាការនិងបណ្តាប្រទេសជាមិត្តបានធ្វើអោយកងទ័ពជើងទឹកកសាងបាននូវសមិទ្ធិផលជាច្រើនហើយសមិទ្ធិផលទាំងអស់នេះបាននឹងកំពុងក្លាយជាមូលដ្ឋានដ៏រឹងមាំដល់ភារកិច្ចពង្រឹងនិងអភិវឌ្ឍកងទ័ពជើងទឹកទាំងបរិមាណគុណភាពដើម្បីក្លាយជាប្រភេទទ័ព
ជំនាញមួយរបស់កងយោធពលខេមរភូមិន្ទ។កងទ័ពជើងទឹកបានរួមចំណែកយ៉ាងសំខាន់ក្នុងកិច្ចការពារសន្តិសុខសុវត្ថិភាពនៅក្នុងភូមិសាស្ត្ររបស់ខ្លួននិងនៅបណ្តាតំបន់ដែលស្ថិតនៅជាប់ព្រំដែនទឹកព្រមជាមួយនឹងកិច្ចសហការចុះបង្រាបបទល្មើសដូចជាការកាប់បំផ្លាញព្រៃឈើការនេសាទខុសច្បាប់ការបង្រាបនិងទប់ស្កាត់បទល្មើសឆ្លងដែននានា។ជាមួយនេះដែរកងទ័ពជើងទឹកក៏បានលើកកម្ពស់សមត្ថភាពជាប្រចាំហើយបានចូលរួមចំណែកយ៉ាងសកម្មនៅក្នុងវេទិការកងនាវាប្រចាំតំបន់និងសកលលោកដែលឆ្លើយតបបានទៅនឹងកិច្ចការសមាហរណកម្មទៅក្នុងកិច្ចសហប្រតិ្តការអន្តរជាតិ។ទន្ទឹមនឹងនេះកងទ័ពជើងទឹកក៏បានយកចិត្តទុកដាក់អប់រំរៀនសូត្រដើម្បីលើកកម្ពស់ស្មារតីសាមគ្គីភាពសំដៅពង្រឹងគុណភាពធានាបាននូវភាពស្មោះត្រង់ចំពោះជាតិគ្រប់កាលៈទេសៈ។
បន្ទាប់មកទៀតលោកឧត្តមសេនីយត្រីចាន់សារ៉េតនាយករងទីចាត់ការបុគ្គលិកអគ្គបញ្ជាការបានឡើងអានអនុក្រឹត្យសេចក្តីប្រកាសស្តីពីការការតម្លើងឋានន្តរសក្តិនិងតែងតាំងផ្លាស់ប្តូរមុខងារតម្លើងឋានន្តរសក្តិដល់នាយនាវីតាមក្របខណ្ខចាត់តាំងចំនួន៧រូបក្នុងនោះថ្នាក់វសេនីយ៍ឯកចំនួន២រូបផ្លាស់ប្តូរមុខងារនាយទានាហានកងទ័ពជើងទឹកចំនួន៥រូបនិងផ្ទេរកងនាវាដឹកជញ្ជូននៃបញ្ជាការដ្ឋានកងទ័ពជើងទឹកអោយមកចំណុះកងឯកភាពមូលដ្ឋានសមុទ្ររាមគ្រប់គ្រងវិញ។
ក្នុងឱកាសដ៏ឧត្តុង្គឧត្តម្ភនេះឯកឧត្តមនាយឧត្តមប៉ុលសារឿនបាននាំមកនូវការផ្តាំផ្ញើរសាកសួរសុខទុកនឹងរលឹកយ៉ាងជ្រាលជ្រៅបំផុតនិងការកោតសសើរពីសំណាក់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជានិងសម្តេចគតិព្រឹទ្ធបណ្ឌិតឯកឧត្តមឧបនាយករដ្ឋមន្ត្រីរដ្ឋមន្រី្តក្រសួងការពារជាតិនិងថ្នាក់ដឹកនាំអគ្គបញ្ជាការនៃកងយោធពលខេមរភូមិន្ទជូនចំពោះមេបញ្ជាការមេបញ្ជាការរងនាយនាវីនាវីរងនិងពលនាវឹកទាំងអស់នៃកងទ័ពជើងទឹកដែលក្នុងរយៈពេលកន្លងមកបានខិតខំយកចិត្តទុកដាក់ពុះពារគ្រប់ឧបសគ្គក្នុងការកសាងនិងអភិវឌ្ឍអង្គភាពរបស់ខ្លួនអោយបានកាន់តែរឹងមាំក្នុងបុព្វហេតុនៃកិច្ចការពារជាតិរួមចំណែកក្នុងការអភិវឌ្ឍប្រទេសជាតិ។ដើម្បីឆ្លើយតបទៅនឹងសកម្មភាពដ៏មានសារៈសំខាន់នេះរាជរដ្ឋាភិបាលក្រសួងការពារជាតិនិងអគ្គមេបញ្ជាការនៃកងយោធពលខេមរភូមិន្ទបានយកចិត្តទុកដាក់ផ្តល់កិត្តិយសដ៏ខ្ពស់ខ្ពស់ក្នុងការតម្លើងឋានន្តរសក្តិនិងតែងតាំងផ្លាស់ប្តូរមុខងារនាយនាវីកងទ័ពជើងទឹកដែលមានលក្ខណៈសម្បត្តិចំពោះអង្គភាពផ្ទាល់ខ្លួននិងចំពោះកងយោធពលខេមរភូមិន្ទនិងប្រទេសជាតិ។ឯកឧត្តមអគ្គមេបញ្ជាការក៏បានមានប្រសាសន៍បន្តទៀតថាអស់លោកក្រោយពីបានតម្លើងឋានន្តរសក្តិនិងតែងតាំងមុខងារថ្មីត្រូវបន្តខិតខំយកចិត្តទុកដាក់ប្រឹងប្រែងអោយបានខ្លាំងក្លាយបន្ថែមទៀតប្រកបដោយស្មារតីទទួលខុសត្រូវដើម្បីពង្រឹងសមត្ថភាពជំនាញអោយមានប្រសិទ្ធភាពក្នុងកិច្ចការការពារបូរណភាពការពារបូរណភាពដែនដីដែនទឹកដែនអាកាសដែនកោះឆ្នេរនិងសម្បត្តិធម្មជាតិក្នុងសមុទ្រក្នុងទន្លេនៃព្រះរាជាណាចក្រកម្ពុជាអោយបានរឹងមាំជាមួយនោះដែរត្រូវយកចិត្តទុកដាក់ពង្រឹងវិន័យកងទ័ពដើម្បីអោយយោធិនទាំងអស់គោរពច្បាប់ដើម្បីជាប្រយោជន៍ក្នុងការកសាងអង្គភាពអោយកាន់តែរឹងមាំ។
ឯកឧត្តមនាយឧត្តមនាវីទៀវិញជំនួសមុខអោយនាយនាវីកងទ័ពជើងទឹកបានសន្យានិងប្តេជ្ញាគោរពអោយបាននូវបទបញ្ជារបស់ប្រមុខរាជរដ្ឋាភិបាលក្រសួងការពារជាតិនិងអគ្គបញ្ជាការនៃកងយោធពលខេមរភូមិន្ទក្នុងការលុបបំបាត់អោយបានដាច់ខាតនូវរាល់ភាពអសកម្មទាំងឡាយដែលកើតមានឡើងនៅក្នុងកងឯកភាពកងទ័ពជើងទឹក ៕
