ខេត្តបន្ទាយមានជ័យ៖មានករណីគ្រោះថ្នាក់ចរាចរណ៍មួយបានបង្កឡើងរវាងរយន្តកាមរីបាឡែនបើកទៅបុកនិងម៉ូតូសង់ពេញទំហឹងបណ្តាលឲ្យយុវជនម្នាក់ស្លាប់និងអ្នកបើករថយន្តបង្ករងរបួសធ្ងន់។គ្រោះថ្នាក់ចរាចរណ៍នេះកើតឡើងកាលពីវេលាម៉ោង៥និង៤០នាទីល្ងាចថ្ងៃទី៤ 
មិថុនា ២០១៥ នៅចំណុចភូមិគាប សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
លោកសួននីប៉ូនាយផ្នែកចរាចរណ៍ជើងគោកនៃស្នងការនគរបាលខេត្តបន្ទាយមានជ័យបានឲ្យដឹងថាយុវជនរងគ្រោះមានឈ្មោះ ខ រី ភេទប្រុស អាយុ១៤ឆ្នាំ មានទីលំនៅភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យបើកបរម៉ូតូមួយគ្រឿង ក្នុងទិសដៅពី កើត ទៅលិច លុះដល់ចំនុចកើតហេតុ ក៏ត្រូវរថយន្តកាមរីបាឡែនមួយគ្រឿង ពាក់ស្លាកលេខ បន្ទាយមានជ័យ ២A ៥៧៤៣បើកបរដោយឈ្មោះ លឹម សាម៉េត ភេទប្រុស អាយុ៤៩ឆ្នាំ 
ស្រវឹង ជោកចេញពីភោជនីយដ្ឋានមួយកន្លែងក្បែរកន្លែងកើតហេតុក៏បានរេចង្កូតទៅបុកម៉ូតូពេញទំហឹង ហើយបន្តទៅបុកដើមដូងនៅម្ខាងផ្លូវបណ្តាលឲ្យខ្ទេចរថយន្តផ្នែកខាងមុខ ផ្ទុះពោងសុវត្ថិភាពទាំង២និងរបួសធ្ងន់ខ្លួនឯង ។ក្រោយកើតហេតុរួចនគបាលចរាចរណ៍បាននិយាយថាគ្រោះថ្នាក់នេះបណ្តាលមកពីម្ចាស់រថយន្តបើកបរក្នុងស្ថានភាពស្រវឹងខ្លាំងព្យាមយាមបើកចេញដណ្ដើមយកផ្លូវអាទិភាព ទើបបណ្តាលឲ្យមានគ្រោះថ្នាក់ចរាចរណ៍យ៉ាងដូច្នេះនិងធ្វើឲ្យស្លាប់ជនរងគ្រោះយ៉ាងអាណោចអាធ័មដោយគ្នាគ្មានដឹងអីសោះ។ ចំណែកអ្នកបើកររថយន្តបង្កហេតុដោយសារតែ មានស្ថានភាពធ្ងន់ធ្ងរសមត្ថកិច្ចពុំបានធ្វើការឃាត់ខ្លួននោះទេ ដោយបញ្ជូនជនបង្កទៅសង្គ្រោះបន្ទាន់នៅមន្ទីរពេទ្យ។លោកបូ៊បាននិយាយបន្តថាម៉ូតូជនរងគ្រោះនិងរថយន្តបង្កត្រូវបាននាំយកមករក្សាទុកនៅស្នងការនគរបាលខេត្តបន្ទាយមានជ័យ រងចាំការដោះស្រាយតាមនីតិវិធីច្បាប់ពេលក្រោយ៕
