ខេត្តបន្ទាយមានជ័យ៖ព្រឹកថ្ងៃទី៦ខែមិថុនាឆ្នាំ២០១៥នៅវិទ្យាល័យខ្លាកូន ស្ថិតនៅភូមិខ្លាកូន សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ បានរៀបចំធ្វើពិធីប្រារព្វទិវាបរិស្ថានជាតិនិងបរិស្ថានពិភពលោក៥មិថុនាឆ្នាំ២០១៥។ពិធីនេះមានការចូលរួមលោក គោស៊ុំ
សារឿតអភិបាលខេត្តបន្ទាយមានជ័យ លោកយឹមលីប្រធានមន្ទីរបរិស្ថានខេត្តបន្ទាយមានជ័យ អ្នកស្រីចាន់ថេងអភិបាលក្រុងសិរីសោភ័ណ មន្ត្រីរាជការ និងនិស្សិត និងសិស្សសាលាជាច្រើននាក់ទៀត។លោកយឹមលីបានមានប្រសាសន៍ក្នុងពិធីប្រារព្វទិវាបរិស្ថាននោះថាបរិស្ថានគឺជាអ្វីៗទាំងអស់ដែលមាននៅជុំវិញខ្លួនយើងការធ្វើប្រារព្វទិវាបរិស្ថាននេះវាមានសារះសំខាន់ណាស់គឺឲ្យប្រជាពលរដ្ឋទាំងអស់ផ្តោតជាចំបងលើការគិតគូរអំពីការប្រើប្រាស់ធនធានធម្មជាតិឲ្យបានសមស្របដើម្បីឆ្លើយតបទៅនិងតម្រូវការចំពោះមុខក្នុងការកសាងអភិវឌ្ឈប្រទេសជាតិឲ្យកាន់តែរីកចំរើនដោយធានារក្សាឲ្យបាននូវតុល្យភាពរវាងការអភិវឌ្ឈ។លោកយឹមលីបានបន្តទៀតថាបច្ចុប្បន្នពិភពលោកបាននិងកំពុងទទួលរងនូវឥទ្ធិពលអវិជ្ជមានពីការប្រែប្រួលអាកាសធាតុជាអាទ៍មានការកើនឡើងកំដៅភពផែនដីធ្វើឲ្យមានគ្រោះរាំងស្ងួត 
ដូចជា ក្រោះទឹកជំនន់ ខ្យល់ព្យុះ និងរលកកំដៅជាដើម។លោកបានបន្តទៀតថានៅប៉ុន្មានឆ្នាំចុងក្រោយនេះកម្ពុជាបានប្រឈមនិងគ្រោះទឹកជំនន់ ក្រោះរាំងស្ងួត និងខ្យល់កន្ត្រាក់ដែលបានបង្កឲ្យគ្រោះថ្នាក់ដល់អាយុជីវិតប្រជាពលរដ្ឋនិងបណ្តាលឲ្យខូចខាតហេដ្ឋារចនាសម្ព័ន្ធនិងខាតបង់ខាងសេដ្ឋកិច្ចជាដើម។លោកបានបញ្ជាក់ទៀតថានៅចំពោះមុខបញ្ហាប្រឈមទាំងអស់នោះរាជរដ្ឋាភិបាលបានប្រកាន់ខ្ជាប់នូវជំហជាអ្នកថែរក្សានិងការពារបរិស្ថាននិងធានាឲ្យបាននូវការប្រើប្រាស់ធនធានធម្មជាតិឲ្យបានសមស្រប។លោកស្រីចាន់ថេងក៏បានឲ្យប្រជាពលរដ្ឋនិងមន្ត្រីរាជការនិងសិស្សានុទាំងអស់ត្រូវចូលរួមនាំគ្នាធ្វើសកម្មភាពផ្សេងៗដូចជាដាំដើមឈើ ការប្រគំតន្ត្រី ការអប់រំផ្សព្វផ្សាយការគាំពារសុខភាពសហគមន៍ ការវេចខ្ចប់ទុកដាក់សំរាមឲ្យបានល្អនិងការកាត់បន្ថយការប្រើប្រាស់ថង់ប្លាស្ទិចជាដើម។លោកគោស៊ុំសារឿតក៏បានមានប្រសាសន៍ដែថាលោកបានឲ្យប្រជាពលរដ្ឋទាំងអស់ត្រូវចូលរួមទិវាបរស្ថាននេះឲ្យបានច្រើនព្រោះវាមានសារះសំខាន់ណាស់ក្នុងសកម្មភាពអភិវឌ្ឈន៍សង្គមក៏ដូចសកម្មភាព
យុទ្ធនាការអនាម័យបិស្ថានផងដែរ។ហើយលោកឲ្យចូលរួមដាំដើមឈើឡើងវិញ ការប្រគាំតន្ត្រី ការវេចខ្ចប់និងទុកដាក់សំរាមឲ្យបានល្អ ការញែកសំរាមតាមប្រភេទដើម្បីយកទៅកែច្នៃប្រើប្រាស់ឡើងវិញ និងត្រូវកាត់បន្ថយការប្រើប្រាស់ថង់ប្លាស្ទិចព្រោះថាជាតិប្លាស្ទិចទាំងអស់នេះបើនៅពាសវាលពាសកាលមិនយកទៅដុតចោលទេនោះ១០០ឆ្នាំទៀតក៏វាមិនរលាយដែរហើយវានិងបង្កឲ្យក្រោះថ្នាក់ប្រជាពលរដ្ឋយ៉ាងធ្ងន់ធ្ងទៀតផង៕
