សៀមរាបៈ មានការភ្ញាក់ផ្អើលមួយ បានកើតឡើងស្ថិតនៅភូមិ ព្រៃធំ សង្កាត់ស្រង៉ែ ក្រុងសៀមរាប ខេត្តសៀមរាប កាលពីព្រឹកថ្ងៃទី ៨ ខែ មិថុនា ឆ្នាំ ២០១៥ ខណៈពេលដែល ម្ចាស់លំនៅដ្ឋានបាន ជីករណ្តៅធ្វើបង្គន់ ក៏បានប្រទះឃើញ ឆ្អឹងដែលមានលក្ខណៈធំជាងឆ្អឹងមនុស្សធម្មតា ទើបបង្ករឲ្យមានប្រជាពលរដ្ឋ សណ្ឋានថាជាឆ្អឹងកប់សម័យ បុរាណតែពុំដឹងថាសម័យណាពិតប្រាកដនោះទេ។
លោក ជន ខែត ភេទ ប្រុស អាយុ ៣១ឆ្នាំ ប្រពន្ឋឈ្មោះ កែត ខែត អាយុ ៣១ឆ្នាំ រស់នៅភូមិឃុំខាងលើ បានរាប់រៀប ប្រាប់ថា នៅថ្ងៃម្សិលមិញ ខ្លួនបានជីករណ្តៅមានគ្នា ២នាក់ ក្រោយមកម្នាក់ឈប់សំរាក តែម្នាក់ទៀតបានបង្ខំឲ្យជីក បន្តថែមទាំងនិយាយថា ឯងជីកតែកន្លះម៉ែត្រទៀតនឹងប៉ះកំណប់ហើយ ដោយលោកបាននិយាយលេងៗ ក្រោយមក លោក ជន ខែត ក៏បានជីកបន្ត ក៏ប៉ះឆ្អឹងលលាដ៍ក្បាល ក៏ស្មានថាជាក្អម ក្រោយក៏ជីកបន្តទៀត ក៏ស្រាប់តែប៉ះឆ្អឹងដៃ ជើង ឆ្អឹងជំនី និងឆ្អឹងត្រគៀក ហើយក៏នាំគ្នាជីកលូងយកមកដាក់នៅក្នុងកញ្ជើរ ដោយក្រាលកំណាតសរពីក្រោយ ខណៈនោះមានប្រជាពលរដ្ឋជាច្រើនបានមកចោមរោមមើល ហើយគិតថា ជាឆ្អឹងមនុស្សសម័យបុរាណ ដោយសារតែ ឆ្អឹងមានលក្ខណៈធំៗចម្លែក។
លោកយាយ ឡង់ អាយុ ៩២ឆ្នាំ រស់នៅភូមិខាងលើបានឲ្យដឹងថា លោកយាយរស់នៅទីនេះយូរហើយ ពុំដែលមាន សាកសពមកកប់នៅទីនេះឡើយ ម្យ៉ាងទៀតទីធ្លាបរិវេណផ្ទះនេះគឺជាទួលបុរាណ នៅថ្ងៃកើតហេតុនេះ លោកយាយ បានឲ្យលុយកូនរបស់គាត់១០០ដុល្លា ដើម្បីទិញលូទឹកជីករណ្តៅធ្វើបង្គន់ តែដល់ជីកទៅក៏ប៉ះលលាដ៍ក្បាល នឹងឆ្អឹង លោកយាយក៍ក៏បានប្រាប់ឲ្យកូនគាត់ដែលជាអ្នកជីក ឲ្យប្រមូលឆ្អឹងយកមករក្សាទុក ហើយមានការអុជធូប បន់ស្រន់ បម្រុងនឹងយកឆ្អឹងទៅបញ្ជុះ និងធ្វើបុណ្យបន្តិចបន្តួចជូនជាកុសលផលបុណ្យដល់អ្នកស្លាប់ តែក្រោយមកបានទីពិភាក្សាជាមួយមេភូមិ លោកបានឃាត់មិនទាន់ឲ្យយកឆ្អឹងនេះទៅណាទេ ដោយរងចាំឲ្យសមត្ថកិច្ចជំនាញមកធ្វើ កុសល់វិឆ្ឆ័យត្រឹមត្រូវសិន ថាសាកសពនេះជាមនុស្សសម័យណា ក្រែងមានអំពើឃាត់កម្មកន្លងមក ។
ចំណែកលោក នាយប៉ុស្តិ៍រដ្ឋបាល អ្នកសាពត៌មានយើងព្យាយាមសួរនាំ ថាមានករណីថា មានប្រជាពលរដ្ឋផ្អើលថា បានប្រទះឃើញឆ្អឹងខ្មោច ខណៈពេលដែលជីករណ្តៅធ្វើបង្គន់ទេ លោកបានឆ្លើយថា លោកមិនបានដឹងអ្វីទាំងអស់ ហើយក៏គ្មានហេតុការណ៍នេះកើតឡើងដែរ ខណៈពេលដែលមានប្រជាពលរដ្ឋនាំគ្នាសំរុកទៅមើលជាបន្តបន្ទាប់ លោកពុំបានដឹងរឿងអ្វីទាល់តែសោះ ។
ចំណែកឆ្អឹងខ្មោចនេះ ពុំទាន់មានសមត្ថកិច្ចណាចុះមកធ្វើកុសល់វិឆ័យនៅឡើយទេ ជាហេតុមិនអាចបញ្ជាក់ថា ឆ្អឹងនេះ ត្រូវបានគេកបនៅសម័យណា ។
ដោយ ខេង ឧត្តម 
