ពាក្យដែលអ្នកផងតែងតែនិយាយថាត្រីងៀតឆ្លៀតពងនេះ គឺវាពិតជាត្រឹមត្រូវណាស់ចំពោះសមត្ថ កិច្ចចរាចរណ៏របស់ស្នងការនៃស្នងការដ្ឋាននគរបាលខេត្តកំពង់ធំ!
ប្រជាពលរដ្ឋនៅក្នុងក្រុងស្ទឹងសែន និងអ្នកធ្វើដំណើរឆ្លងកាត់ខេត្តកំពង់ធំ នៅពេលដែលមកដល់ ចំនុចគល់ស្ពានកំពង់ធំ នៅពេលយប់ ពួកគាត់បានឃើញកំលាំងប៉ូលីសចរាចរណ៏ខេត្ត១ក្រុម មានគ្នាប្រ ហែលជា១០នាក់ កំពុងតែធ្វើសកម្មភាពឃាត់រថយន្ត មិនថារថយន្តទៅឬក៏មកនោះទេ!ដោយ អ្នកខ្លះមានកាន់ដំបងបញ្ជាចរាចរណ៏ឈរកាត់រថយន្តដឹកទំនិញមិនថារថយន្តធំឬតូចទេ!ធ្វើឲ្យពួកគាត់មានចម្ងល់យ៉ាងខ្លាំង នាំគ្នានិយាយថា!តើកំលាំងប៉ូលីសចរាចរណ៏ខេត្ត១ក្រុមនេះកំពុងតែបំពេញបេសកម្មអ្វីទៅ?កំពុងត្រួតពិនិត្យរថយន្តគ្មានផ្លាកលេខក៏មិនត្រូវ ត្រួតពិនិត្យរថយន្តដឹកទំនិញសំពីងសំពោងនិងរថយន្តដឹក
លើសទម្ងន់ក៏មិនមែន ត្រួតពិនិត្យជាតិស្រវឹងក៏មិនមែន! ពួកគាត់នាំគ្នារងចាំមើលដើម្បីឲ្យដឹងច្បាស់ថា! តើប៉ូលីសចរាចរណ៏ខេត្ត១ក្រុមដែលឈរជើងនៅចំនុចខាងត្បូងគល់ស្ពានកំពង់ធំជារៀងរាល់យប់នេះកំ ពុងធ្វើអ្វីខ្លះ?មួយសន្ទុះក្រោយមកទើបបានដឹងច្បាស់ថា!ប៉ូលីសចរាចរណ៏ខេត្ត១ក្រុមដែលឈរជើងនៅចំនុចខាងត្បូងគល់ស្ពានកំពង់ធំ គឺគ្មានអ្វីក្រៅពីកំពុងតែធ្វើសកម្មភាពកាក់រថយន្តតូចធំឲ្យឈប់ ចូលបង់
លុយនោះទេ!ព្រោះគ្មានសម្ភារៈសម្រាប់វាស់ជាតិអាលកុល!ពួកគាត់សួរថា តើសកម្មភាពទាំងអស់នេះ លោកស្នងការនគរបាលខេត្តនិងឯកឧត្តមអភិបាលខេត្តកំពង់ធំបានដឹងដែរឬទេ?អំពីបញ្ហាខាងលើនេះ?ពាក់ព័ន្ធករណីនេះដែរ!
លោកវរៈសេនីយ៏ឯក កែវ ហួ ស្នងការងនគរបាលខេត្តទទួលបន្ទុកការិយាល័យកណ្តាលសណ្តាប់ ធ្នាប់ បានឲ្យដឹងថា!លោកបានអនុញ្ញាតិឲ្យដាក់កំលាំង១ក្រុមនៅចំនុចគល់ស្ពានកំពង់ធំនេះគឺដើម្បីរងចាំ ជួយអន្តរាគមន៏នៅពេលដែលមានបញ្ហាផ្សេងៗកើតឡើងជាយត្ថាហេតុ ចំណែករឿងកាក់រថយន្តយក
លុយនោះ គឺលោកមិនបានអនុញ្ញាតិឲ្យធ្វើរបៀបនេះទេ!លោកចាត់ការពីបញ្ហានេះ!
លោកឧត្តមសេនីយ៏ត្រី ជូ សំអាន ស្នងការដ្ឋាននគរបាលខេត្តកំពង់ធំ បានឲ្យដឹងថា!លោកបាន
អនុញ្ញាតិឲ្យកំលាំងដាក់ត្រួតពិនិត្យតែគ្រឿងស្រវឹងប៉ុណ្ណោះ!ប្រសិនណាបើមានករណីកាក់រថយន្តយក
លុយមែននោះលោកនិងចាត់វិធានការជាបន្ទាន់!
ឯកឧត្តម អ៊ុត សំអន អភិបាលនៃគណៈអភិបាលខេត្តកំពង់ធំ មានប្រសាសន៏ប្រាប់ថា!អាជ្ញាធរ
ខេត្តបានអនុញ្ញាតិឲ្យដាក់កំលាំងត្រួតពិនិត្យតែគ្រឿងស្រវឹងមួយមុខគត់!តែបើពូតគាត់អនុវត្តខុសពីបទ
បញ្ជានេះ សូមឲ្យម្ចាស់រថយន្តទាំងអស់នោះ មកដាក់ពាក្យបណ្តឹងនៅសាលាខេត្តកំពង់ធំមក!កុំថាឡើយ ចាំមានគ្នាច្រើននាក់នោះ សូម្បីតែ១នាក់ ក៏ឯកឧត្តមចាត់ការជូនដែរ!
ជុំវិញបញ្ហាខាងលើនេះដែរ ក៏មានមតិប្រជាពលរដ្ឋរិះគន់ថា!ឲ្យពួកគាត់ទៅដាក់ពាក្យបណ្តឹងដល់ ខេត្តឯណាទៅ វានាំតែឲ្យខាតពេលវេលារកស៊ីនោះ!បើអាជ្ញាធរដឹងហើយមិនមានវិធានការទប់ស្កាត់ទេ ពួកគាត់ជាប្រជាពលរដ្ឋមានតែទ្រាំតាមកម្មវាសនាទៅ!ក្នុង១ជើងៗបង់លុយឲ្យគេពី១០០០០៛ ទៅ២០០០០៛បន្តរទៀតទៅ តែវាដូចជាអយុត្តិធម៌ណាស់សម្រាប់ពួកគាត់៕
