ខេត្តបន្ទាយមានជ័យ
អាជីវករផ្សាហ៊ុយឡេងដែលជាកូនតុងទីនប្រមាណជិត៥០នាក់បាននាំគ្នាព័ទ្ធផ្ទះមេតុងទីនដែលបានកើបលុយជាង៣០ម៉ឺនដុល្លារត់បាត់។ការតវ៉ានេះនៅវេលាម៉ោង៤ល្ងាចថ្ងៃទី៨មិថុនា២០១៥ដែលស្ថិតនៅភូមិចំការលោកឃុំអូរប្រាសាទស្រុកមង្គលបូរី ខេត្តបន្ទាយមានជ័យ។ ឈ្មោះសុធារីភេទស្រីនិងឈ្មោះស៊ីណាតភេទស្រីតំណាងអាជីវករជិត៥០នាក់នៅផ្សាហ៊ុយឡេងបានប្រាប់ថាអាជីវករនៅផ្សារហ៊ុយឡេងប្រមាណជិត៥០នាក់ដែលជាកូនតុងទីនត្រូវបានមេតុងទីនឈ្មោះ ម៉ុនសារ៉េត ភេទស្រីអាយុ៣៦ឆ្នាំដែលមានប្តីឈ្មោះ សុនស៊ីម អាយុ៤៣ឆ្នាំមានកូន៣នាក់ស្រី២នាក់ដែលនៅភូមិកើតហេតុខាងលើខាងលើ។កូនតុងទីនបានបន្តទៀតថាឈ្មោះ ម៉ុនសារ៉េតជាមេតុងទីនដែលលេងរយះពេល៣ទៅ៤ឆ្នាំមកហើយដែលនៅបន្តលេងចំនួន៦ខ្សែរក្នុង១ខ្សែរប្រមាណ១២០នាក់ដែលលេងជាមួយអាជីវករលក់ដូរនៅផ្សារហ៊ុយឡេងហើយត្រូវបានកើបលុយចុងក្រោយរត់ដែលគឹតជាទឹកលុយប្រមាណជាង៣០ម៉ឺនដុល្លា។ក្រោយពេលដឹងថាមេតុងទីនបោកលុលហើយអាជីវករដែលជាកូនតុងទីនប្រមាណជិត៥០នាក់បាននាំជិះរថយន្តជួលនិងផ្ទាល់ខ្លួនប្រមាណជាង១០គ្រឿងមកឡោមព័ន្ធផ្ទះមេតុងទីនដែលគេចខ្លួនបាត់នៅភូមិឃុំខាងលើគឺជួបតែឱពុកឈ្មោះ សឿម៉ុនអាយុ៦៧ឆ្នាំ។ ឱពុកមេតុងទីនបានប្រាប់ថាគាត់មិនបានដឹងហើយពាក់ព័ន្ធរឿងនេះទេគ្រាន់តែដឹងកូនស្រីជាមេតុងទីនដែលឃើញដើរប្រមូលនិងបង់លុយរាល់ថ្ងៃទៅកូនតុងទីនតែប៉ុណ្ណោះតែរយះពេលប៉ុន្មានថ្ងៃនេះស្រាប់តែបាត់ពីផ្ទះមិនដឹងទៅណា។ តំណាងកូនតុងទីនប្រាប់ថាមូលហេតុដែលពួកគាត់នាំគ្នាមកឡោមព័ន្ធផ្ទះមេតុងទីនទើបដឹងថាមេទង់ទីន៖ឈ្មោះ ម៉ុនសារ៉េត បានកើបលុយហើយគេចខ្លួនគឺដើម្បីតវ៉ាសុំឲ្យមេតុងទីនចូលខ្លួនមកសងលុយកូនតាមកំណត់រយះពេល២ទៅ៣ថ្ងៃបើមិនចូលខ្លួនមកសងគឺត្រូវប្តឹងទៅសាលាដំបូងខេត្តចាត់ការតាមច្បាប់។ 
ចំណែកមេភូមិចម្ការលោកបានប្រាប់ថាក្រោយពេលដែលមានប្រជាពលរដ្ឋនាំគ្នាមកឡោមព័ន្ធផ្ទះឈ្មោះម៉ុនសារ៉េតដែលចោទប្រកាន់ដែលបោកលុយកូនតុងទីនជាង៣០ម៉ឺនដុល្លាគេចខ្លួនបាត់នោះលោកបានដឹងថាឈ្មោះ ម៉ុនសារ៉េត ជំពាក់លុយអ្នកជិតខាងលិចផ្ទះចំនួន២ម៉ឺនដុល្លានិង៤១លានរៀលហើយប្លង់ដីនិងផ្ទះត្រូវបានដាក់ឲ្យធានាគារអស់ហើយ។មិនតែប៉ុណ្ណោះឈ្មោះខាងលើនេះបោកលុយកូនតុងទីននៅក្នុងស្រុកមង្គលបូរីនិងក្រុងសិរីសោភ័ណជាច្រើនរយនាក់ទៀតដែលវិចលុយរត់បាត់តែម្តង។លោកបានណែនាំអោយប្រជាពលរដ្ឋដែលជាកូនតុងទីនាញបោកឈ្មោះ ម៉ុន សារ៉េត ត្រូវដាក់បណ្តឹងនៅសមត្តកិច្ចជំនាញនិងសាលាដំបូងខេត្តដើម្បីចាត់ការតាមច្បាប់៕
