ខេត្តព្រះវិហារ
ជនសង្ស័យប្រុសស្រីចំនួន៦នាក់ត្រូវនគរបាលជំនាញការិយាល័យកណ្តាលប្រឆាំងបទល្មើសនៃស្នងការដ្ឋាននគរបាលខេត្តព្រះវិហារដឹកនាំដោយលោកស្រេងវុទ្ធាព្រះរាជអាជ្ញារងអមសាលាដំបូងខេត្តធ្វើការបង្ក្រាបនិងឃាត់ខ្លួនករណីសេពប្រើប្រាស់និងជួញដូរគ្រឿងញៀនរួមមានវត្ថុតាងមួយចំនួន។ហេតុការណ៍ចាប់ឃាត់ខ្លួននេះកាលពីវេលាម៉ោង៥និង៣០នាទីល្ងាចថ្ងៃទី០៨មិថុនា២០១៥ស្ថិតនៅផ្ទះជួលយីហោឈ្មោះសាន់សម្បត្តិក្នុងភូមិទ្បឥដ្ឋសង្កាត់កំពង់ប្រណាកក្រុងព្រះវិហារ។
តាមសេចក្ដីរាយការណ៍បានអោយដឹងថាសមត្ថកិច្ចនគរបាលបានដកហូតវត្ថុតាងមួយចំនួនពីជនសង្ស័យទាំង៦នាក់រួមមានម្ស៉ៅក្រាមពណ៌សប្រភេទថ្នាំមេតំហ្វេតាមីនចំនួន០៤កញ្ចប់តូចស្មើនឹង៧ក្រាមនិងម៉ូតូជិះធ្វើសកម្មភាពចំនួន០២គ្រឿងម៉ាកហុងដាសេ១២៥។វត្ថុតាងផ្សេងទៀតមានដូចជាទូរស័ព្ទដៃចំនួន០៥គ្រឿងលុយចំនួន១លាន៨សែន៧ម៉ឺនរៀលនិង១៣១ដុល្លារអាមេរិកនិងឧបករណ៍ជក់ថ្នាំញៀនមួយចំនួនទៀត។
លោកមាឃសំអូនស្នងការរងនគរបាលខេត្តព្រះវិហារទទួលបន្ទុកការិយាល័យកណ្តាលប្រឆាំងបទល្មើសបានអោយដឹងនៅរសៀលថ្ងៃទី០៩មិថុនា២០១៥ថាជនសង្ស័យទាំង៦នាក់ខាងសមត្ថកិច្ចកំពុងបន្តស៊ើបសួរនៅក្នុងស្នងការដ្ឋាននគរបាលខេត្តនៅទ្បើយ។នៅពេលស៊ើបសួរចប់នឹងកសាងសំណុំរឿងបញ្ជូនទៅកាន់អយ្យការអមសាលាដំបូងខេត្តព្រះវិហារដើម្បីចាត់ការបន្តទៅតាមផ្លូវច្បាប់។
លោកស្នងការរងនគរបាលបញ្ជាក់ថាជនសង្ស័យរួមមានទី១ឈ្មោះសំលុន្នីភេទប្រុសអាយុ២៩ឆ្នាំមុខរបរមិនពិតប្រាកដ,ទី២សំវ៉ាន់នឿនភេទប្រុសអាយុ២៥ឆ្នាំមុខរបរយោធា,ទី៣សំចាន់ឆាយាភេទប្រុសអាយុ២០ឆ្នាំមុខរបរមិនពិតប្រាកដអ្នកទាំង៣នេះជាបងប្អូនបង្កើតនឹងគ្នា,ទី៤តុបភារុនអាយុ២៧ឆ្នាំមុខរបរមិនពិតប្រាកដ,ទី៥ឌុចសោភាភេទស្រីអាយុ៣៤ឆ្នាំជាបុគ្គលិកក្រុមហ៊ុនចិនត្រូវជាប្រពន្ធតុបភារុននិងទី៦ឈ្មោះពុំស្រីមុំភេទស្រីអាយុ៣១ឆ្នាំត្រូវជាប្រពន្ធឈ្មោះសំលុន្នីគឺជនសង្ស័យទាំង៦នាក់ស្នាក់នៅបណ្តោះអាសន្នក្នុងភូមិទ្បឥដ្ឋសង្កាត់កំពង់ប្រណាកក្រុងព្រះវិហារជាមួយគ្នា៕
