ខេត្តព្រះសីហនុៈ នៅលើផ្ទៃដីប្រមាណ២៧ហិចតា ស្ថិតនៅតំបន់ភូមិតាលះសែនជ័យឃុំ រាម ស្រុកព្រៃនប់ ខេត្តព្រះសីហនុ លោក ឈុន សារុំ មានតួនាទីជាអនុប្រធានសភាពាណិជ្ជកម្មខេត្តព្រះសីហនុ បានសម្រេចចិត្ត ចាប់យកដំណាំមួយប្រភេទខុសប្លែកពីពាណិជ្ជករដ៍ទៃ គឺជាដំណាំឬស្សីយកទំពាំង សំរាប់ផ្គត់ផ្គង់នៅលើទីផ្សារ ខណះពេលដំណាំ ប្រភេទនេះស្ទើបាត់បង់នៅក្នុងទីផ្សារ។
លោកឈុន សារុំដែជាម្ចាស់ចម្ការឬស្សីបានអោយដឹងថា ចម្ការឬស្សី របស់ លោក ទើប ដាំបានរយៈពេលជិត១ឆ្នាំតែប៉ុណ្ណោះដែលពេលនេះកំពង់ទទួលផលទំពាំងជាបណ្ដើៗ ហើយ ចំពោះទិនផលដែលអាចផ្ដល់បាន១០០%នោះ គឺចាប់ពីឆ្នាំទី២និងឆ្នាំទី៣ឡើងទៅទើបទទួល បានផលពេញលេញ។ បច្ចុប្បន្នផ្ទៃដីចំការរសប់លោកមានចំនួន ២៧ហិចតាតែសព្វថ្ងៃ លោក ទើបដាំបានជិត២៧ហិចតាប៉ុណ្ណោះនិងកំពុងដាំជាបន្តបន្ទាប់ ហើយឬស្សីដែល លោក ដាំ នេះមានពីរប្រភេទដែលនាំចូលមកពីប្រទេសថៃ ទី១ជាប្រភេទ អ៊ីនដូនិង ទី២ជាប្រភេទពីងពុង ដែលប្រភេទទាំងពីរនេះធន់ទៅនឹងអាកាសធាតុ ទទួលបានទិនផលខ្ពស់ និងងាយ ស្រួល ក្នុងការរកទីផ្សារ។
លោកបន្តថា ដំណាំប្រភេទនេះ(ដំណាំឬស្សី)រូបលោកបាននាំចូលមកពីប្រទេសថៃ ក្នុងតម្លៃសមរម្យ ហើយអោយផលច្រើនជាងដំណាំ ម្រេច សៅម៉ៅ រឺ ធុរេន វាពុំរើសរដូវកាលនោះទេបើទោះបីជារដូវប្រាំង រឺ វស្សាក្តី ដំណាំប្រភេទនេះវាហុចផល៣ប្រភេទក្នុងពេលតែមួយ។
លោក ឈុន សារុំ ជាម្ចាស់ចំកាបានបញ្ជាក់បន្ថែមថា ចំពោះការដាំណាំមួយប្រភេទនេះ ប្រសិនប្រជាកសិករមានចំណាប់អារម្មណ៏ អាចរកទិញបាននៅលើទីផ្សារ រឺ អាចទំនាក់មកកាន់រូបលោកផ្ទាល់ ជុំវិញបទពិសោធន៏ និងបច្ចេកទេសនៃការដាំ យើងចំណាយតិច តែទទួលបានទិនផលខ្ពស់ ។ហើយសព្វថ្ងៃកំពុងចរាចរនៅលើទីផ្សារក្នុងក្រុងព្រះសីហនុជាពិសេសក្នុងផ្សារទំនើបៗដែលមានតំលៃ១គីឡូក្រាមចំនួន២ដុល្លា៕
