កំពង់ឆ្នាំង ៖ លោកគ្រូចៅអធិការវត្តឧទម្ពរព្រះនាម អឿ សំណាង បានរងការចោទប្រកាន់ពីពុទ្ឋបរិស័ទ្ទចំណុះជើងវត្តថាបានប្រព្រឹត្តអំពើខុសវិន័យសង្ឃជាច្រើនយ៉ាង រហូតដល់ប្រជាពលរដ្ឋបាត់បង់ជំនឿលែងចូលធ្វើបុណ្យក្នុងវត្ត
និងខ្លះបានចូលក្នុងវត្តទាំងបង្ខំចិត្ត មិនតែប៉ុណោះថ្មីៗនេះមានប្រជាពលរដ្ឋជាង២០០នាក់បានផ្តិតមេដៃស្នើសុំអោយដកចៅអធិការអង្គនោះចេញពីវត្តទៀតផង។
លោកគ្រូចៅអធិការវត្តឧទ្ទម្ពរ បានរងការចោទប្រកាន់ពីពុទ្ធបរិស័ទចំណុះជើងវត្ត និងតាអាចារ្យ គណៈកម្មការវត្តថា៖ រយៈពេល២ឆ្នាំហើយ ព្រះគ្រូចៅអធិការ វត្តខាងលើបាននិមន្តចេញពីវត្តទៅបិណ្ឌបាតស្រូវដល់ខេត្តពោ ធិសាត់ ប៉ុន្តែពេលត្រឡប់មកវិញមិនឃើញបានបច្ច័យមកកសាងវត្តឡើយ។ជារៀងរាល់ថ្ងៃសង្ឃ ក្នុងវត្តមានជាង១០អង្គ បានដាក់កំហិតអោយមន្តបិណ្ឌបាតចង្ហាន់ និងបច្ច័យតាមផ្ទះ ពេលបានបច្ច័យត្រឡប់មកវិញ ត្រូវប្រមូលអោយលោកគ្រូចៅអធិការទាំងអស់ គឺទុកតែ១ម៉ឺនរៀលអោយលោកក្នុង១អង្គៗដែលបិណ្ឌបានប៉ុតែណ្ណោះ។
រឿងបច្ច័យអង្គកឋិនទានឆ្នាំទៅនេះបានបច្ច័យជាង២២លាន ព្រះគ្រូចៅអធិការបានដកយក២០ភាគរយស្មើ និងជាង៥លានរៀលសម្រាប់ព្រះអង្គផ្ទាល់។ថ្មីៗនេះមានស្ត្រី២នាក់ បានមកជេរបញ្ចោរដល់មុខកុដិលោកគ្រូចៅ អធិការ នូវពាក្យប្រមាថតេះដៀលជាច្រើនយ៉ាង ដែលពិបាកនិងនិយាយប្រាប់។រឿងមួយទៀតគឺលោកគ្រូចៅអធិ ការញៀន និងល្បែងលេងអុក មិនយកចិត្តទុកដាក់ពេលពុទ្ធបរិស័ទមកពឹងពរអោយជួយធ្វើអ្វីមួយឡើយ។ ដោយសារតែបែបនេះហើយ ទើបពុទ្ធបរិស័ទបាត់បង់ជំនឿ ពេលនេះវត្តមិនត្រឹមតែគ្មានគណៈកម្មការ នោះទេសូម្បីតែវេនធ្វើចង្ហាន់មកប្រគេនលោកក្នុងវត្តក៏គ្មានដែរ។ចំណែកពេលសង្ឃនិមន្តបិណ្ឌបាតបានត្រឡប់មកវិញមិនបានឡើងលើសាលាឆាន់ ដើម្បីសូតធម៌ និងឆាន់ជុំគ្នាឡើយគឺឆាន់ក្រោមដើមឈើរៀងៗខ្លួន លោកគ្រូចៅអធិការវត្តក៏មិនដែលឡើងលើសាលាឆាន់ អប់រំឱវាទឬណែនាំបង្ហាត់បង្រៀនដល់ព្រះសង្ឃឡើយ។
ជុំវិញការចោទប្រកាន់ខាងលើនេះ អ្នកយកទ័ត៌មានយើងបានទៅដល់វត្ត រក
ជួបនិងលោកគ្រូចៅអធិការវត្តដើម្បីបញ្ជាក់ការពិត ប៉ុន្តែពេលបានជួបនៅលើកុដិយើងបានឃើញព្រះអង្គកំពុង លេ ងអុកជាមួយនិងសង្ឃម្នាក់ទៀតមែន។ក្រោយយកក្តារនិងកូនអុកទៅទុករួចមក លោកគ្រូចៅអធិការវត្តបានសង្ឃដិការបកស្រាយថា៖ រឿងបិណ្ឌបាតស្រូវនៅខេត្តពោធិសាត់ គឺមានពិតជាបានទៅមែនកាលឆ្នាំកន្លងទៅ និងបិណ្ឌបា
ត បានយកមកជួសជុលផ្ទះបាយ និងធ្វើរបងវត្តបាន២ប្រឡោះ។តែឆ្នាំមុននេះមិនបានអ្វីទេព្រោះជួបហេតុការណ៏គ្រោះថ្នាក់ចរាចរណ៏ក្រឡាប់គោយន្ត ហើយបានយកស្រូវទៅលក់យកបច្ច័យព្យាបាលរបួស។រឿងអោយកូនសិស្សបិណ្ឌបាតយកបច្ច័យមកអោយអាត្មានោះមិនពិតទេ តែពេលសង្ឃចេញបិណ្ឌបាតតាមក្រុម ១ក្រុមៗមាន៣អង្គ ពេ លត្រឡប់មកវិញ បានប្រមូលបច្ច័យគ្នាមកអោយអាត្មាតែ១ម៉ឺនរៀលតែប៉ុណ្ណោះ។ប៉ុន្តែពេលខ្លះអាត្មាមានធុរៈត្រូវកា របច្ច័យ បានសុំអោយសង្ឃខ្លះជួយបិណ្ឌបាតប្រមូលបច្ច័យអោយអាត្មា១សប្តាហ៏ និងអោយបិណ្ឌយកបច្ច័យយកខ្លួនឯង២សប្តាហ៏ ក៏មានដែរ។
ចំណែករឿងបច្ច័យកឋិនទានដែលបានជាង២២លានរៀល ថាអាត្មាបង្ខំយក២០ភាគរយនោះ អាត្មាមិន
បង្ខំគណៈកម្មការវត្តទេ គឺគណៈកម្មការនិងលោកតាអាចារ្យ គាត់បានស្ម័គ្រចិត្តដកប្រាក់នោះប្រគេនអាត្មា ជាង៤.លានរៀល ចំណែកប្រាក់នោះលោកបានជួយកសាងរបងវត្ត១លានរៀល និងបានអោយគណៈកម្មការខ្លះវិញម្នាក់១០ម៉ឺនរៀល អស់៣០-៤០ម៉ឺន និងសល់ខ្លះទុកពេលអាត្មាអាពាធ និងទុកឡើងទៅប្រជុំនៅខេត្តនិងនៅកម្រង។
.ចំពោះរឿងមានស្ត្រីមកជេរប្រចោរមុខកុដិអាត្មា គឺមិនមែនរឿងអីធំដុំពេកទេ គឺអាត្មាបានជំពាក់ប្រាក់ស្ត្រីរូបនោះចំនួន៥០ដុល្លា រឿងព្យាបាលរបួសកាលអាត្មាក្រឡាប់គោយន្តពេលបិណ្ឌបាតស្រូវនៅខេត្តពោធិសាត់ ហើយបានស្គាល់ស្ត្រីរូបនោះជាគ្រូពេទ្យ តាមរយៈរថយន្តតាក់ស៊ី និងបានទៅព្យាបាលរបួស នៅផ្ទះស្ត្រីរូបនោះនៅវត្តវិហារហ្លូង ជិតព្រែកក្តាម។
លោកគ្រូចៅអធិការវត្តបានមានសង្ឃដិការទៀតថា៖ រឿងដាច់វេនធ្វើចង្ហាន់ប្រគេនព្រះសង្ឃក្នុងវត្ត គឺមកពីពុទ្ធបរិស័ទចំណុះជើងវត្តនេះមាន២ក្រុម ១ក្រុមគាំទ្រអាត្មា និង១ក្រុមទៀតមិនគាំទ្រ ម្លោះហើយអ្នកគាំទ្រអាត្មារត់ធ្វើចង្ហាន់មិនរួចទើបគ្មានវេនតែម្តង។ចំណែករឿងព្រះសង្ឃបិណ្ឌបាត ត្រឡប់មកវិញ អាត្មាទទួលស្គាល់ថាមិនឡើងឆាន់នៅសាលាឆាន់ជុំគ្នាមែន តែមិនដល់ថ្នាក់ឆាន់ក្រោមដើមឈើដែរ គឺឆាន់នៅតាមកុដិរៀងៗខ្លួន។
ដោយសារតែមានបាតុភាពបែបនេះ ទើបកាលពីថ្ងៃទី១០ខែមិថុនា ឆ្នាំ២០១៥ មានការចុះមកប្រជុំសម្របសម្រួលមួយ ដោយមានព្រះអនុគណស្រុក មន្ត្រីមន្ទីរធម្មការខេត្ត មន្ត្រីការិយាល័យធម្មការស្រុក លោកមេឃុំព្រមទាំងអាចារ្យ គណៈកម្មការវត្តជាច្រើនរូបទៀត។
លោក ជុំ សំអាង មន្ត្រីមន្ទីរធម្មការខេត្តបានលើកឡើងថា៖ ការចុះមកធ្វើការនេះគឺចង់ដឹងការពិត តើរឿងនេះវាយ៉ាងម៉េច តែពេលមកទើបដឹងថា រឿងនេះត្រូវខ្លះ តែមិនត្រូវច្រើន ហើយកើតឡើងដោយសារការថ្នាំងថ្នាក់គ្នារវាង គណៈកម្មការវត្ត និងលោកគ្រូចៅអធិការវត្ត តែពេលនេះ ខ្ញុំសូមអោយព្រះអង្គយោគយល់អធ្យស្រ័យគ្នា រួបរូមគ្នាបន្តទៀត ក្នុងមានខ្ញុំតំណាងអោយប្រធានមន្ទីរសុំមិនអោយខាងណាឈ្នះខាងណាចាញ់ទេ គឺសុំអោយជួយសម្របសម្រួលគ្នា កំហុសខុសឆ្គងបន្តិចបន្តួចសុំយោគយល់អធ្រាស្រ័យគ្នា និងសូមអង្វរមួយទៀត ដូចជារបស់ចាស់ៗ មានម៉ាស៊ីនជាដើម មិនត្រូវយករបស់ដែលពុទ្ធបរិស័ទប្រគេនវត្តទៅលក់ទេ នាំអោយម្ចាស់គេអន់ចិត្ត បើខូចប្រើមិនកើតទុកអោយគេឃើញ និងសូមកុំឡៃឡុងលក់របស់គេទៀត។
លេខាអនុគណស្រុករលាប្អៀរ ព្រះនាម ជ័យ តុលា បានមានសង្ឃដិការថា៖ រឿងដករឿងដាក់មិនមែនចេះតែធ្វើទេ ត្រូវមានការប្រជុំពិភាក្សាគ្នាជាមួយមន្ត្រីសង្ឃខេត្ត ព្រះអនុគណខេត្ត។ កំហុសលោកគឺមានមែនតែតិចតួចមិនដល់ថ្នាក់ត្រូវអាបត្តិ ដល់ថ្នាក់ដកចេញ ឬបណ្តេញចេញនោះទេ ដូចរឿងលេងអុកជាដើមមិនខុស និងអាបត្តិ
ទេ តែមិនល្អមើល ពេលប្រជាពលរដ្ឋមកថ្វាយបង្គំមកសុំជួយរឿងអីមួយនោះ យើងរវល់តែលេងអុកនោះវាមិនសម ទេ គួរតែកែប្រែអោយបានល្អ។រឿងមានអ្នកស្អប់ជាមិនផុតទេ សូម្បីតែសម្តេចហ៊ុន សែន ក៏គង់មានអ្នកស្អប់ ទម្រាំយើងរាស្ត្រធម្មតាក៏មានដូចគ្នាដែរ។ព្រះអង្គសូមអោយចៅអធិការវត្ត សង្រួមចិត្តគោរពវិន័យធម៌ វិន័យសង្ឃអោយបានល្អ និងសូមអោយរួបរួមគ្នាឡើងវិញ។
លោក យី ភួន មេឃុំស្វាយជ្រុំ បាននិយាយអោយថា៖ថ្ងៃនេះមកប្រជុំគឺចង់អោយមានការរួបរួមគា្នឡើងវិញ អ្វីដែលខុសពិមុនមកលើកលួសចោលទៅ កំហុសវាចេះតែមានហើយ តែបើដឹងហើយក៏ត្រូវកែកំហុសនោះឡើងវិញ កន្លងមកចេះតែឮៗហើយ តែពេលនេះតទៅត្រូវបញ្ចប់ និងសូមអោយរួមរួមគ្នាឡើងវិញ។
ការប្រជុំពិភាក្សាសម្របសម្រួលខាងលើនេះ ត្រូវបានគណៈកម្មការ និងអាចារ្យវត្ត បានអះអាងថា៖គឺមិនអាចទទួលយកបានទេ ប្រសិនបើមិនមានការដកលោកគ្រូចៅអធិការវត្តនេះចេញ ព្រោះពេលនេះមានស្នាមមេដៃ
ច្រើនណាស់ ដែលបបានផ្តិតសុំអោយដកចៅអធិការវត្តនោះចេញ៕
