កំពង់ឆ្នាំង៖អំណោយថវិការ អង្ករ និងសៀវភៅប៊ិចមួយចំនួន ត្រូវបានលោកប្រធានមន្ទីរសង្គមកិច្ចដឹកនាំយកទៅចែកជូន កុមារកំព្រាចំនួន៧៥នាក់ រស់នៅក្នុងមណ្ឌលកុមារកំព្រាដំណឹងល្អទាំង៤ កំពុងមានការខ្វះខាត ដែ លស្ថិតនៅភូមិទំនប់ ឃុំត្រងិល ស្រុកកំពង់លែង។ការផ្តល់អំណោយនេះបានធ្វើឡើងនៅល្ងាចថ្ងៃទី១១ ខែមិថុនា ឆ្នាំ២០១៥ ដោយមានការចូលរួមពីសប្បុរសជន ជាប្រធានមន្ទីរអង្គភាពជុំវិញខេត្ត អាជ្ញាធរស្រុក សហព័ន្ធយុវជនស្រុក ក្រោមអធិបតីភាពឯកឧត្តម ចេង ញ៉ាន់ អភិបាលរងខេត្តកំពង់ឆ្នាំង។
អ្នកស្រី ឯល គឹមស៊ីម នាយិការ មណ្ឌលកុមារកំព្រាដំណឹងល្អទាំង៤ បានរាយការណ៍អោយដឹងថា៖ ម
ណ្ឌលកុមារកំព្រានេះបានកសាងឡើងនៅឆ្នាំ២០០៦ ដោយទិញដីអស់ទឹកប្រាក់ចំនួន៥ពានដុល្លា និងបានកសាងអាគារមួយខ្នងអស់ប្រាក់២៥.០០០ដុល្លា។នៅក្នុងឆ្នាំ២០០៧ បានទទួលកុមារកំព្រាមកចិញ្ចឹមក្នុងមណ្ឌលតែ១០នាក់ប៉ុណ្ណោះ ៣ឆ្នាំក្រោយមណ្ឌលបានជួបការខហវះខាត ដោយកុមារកំព្រាបានកើនឡើងដល់ជាង១០០នាក់ និងមកដល់ពេលនេះកំពុងរស់នៅមានចំនួន៧៥នាក់។
កុមារកំព្រាទាំង៧៥នាក់បច្ចុប្បន្នមានរបបហូបចុកតែ៣០នាក់ប៉ុណ្ណោះ ចំណែកកុមារ៤៥នាក់ទៀតគឺលោកស្រីនិងស្វាមីជាអ្នករាប់រងចិញ្ចឹមដោយខ្លួនឯង។កន្លងមកនៅពេលជួបការខ្វះខាតលោកស្រីបានទាក់ទងជាមួយអាជ្ញាធរស្រុក និងបានស្នើសុំជំនួយពីអង្គការទស្សនៈពិភពលោក បានជួយឧបត្ថម្ភស្បៀងម្តងម្កាលផងដែរ ប៉ុន្តែមិនគ្រប់គ្រាន់តាមតម្រូវការឡើយ។ទោះបីមានការខ្វះខាតយ៉ាងនេះក៏ដោយ ក៍លោកស្រីនិងស្វាមីមិនបានបោះបង់ចោលកុមារទាំងអស់នេះឡើយ។ស្ថានភាពកុមារកំព្រាបច្ចុប្បន្ន មួយចំនួនមករស់នៅក្នុងមណ្ឌលមិនទាន់មានលក្ខណៈស្របច្បាប់នៅឡើយ ម្យ៉ាងមកពីរូបគាត់មិនចេះអក្សរ ត្រូវពឹងពាក់គេធ្វើឯកសារអោយ។ហេតុនេះលោកស្រីសំណូមពរដល់លោកប្រធានមន្ទីរសង្គមកិច្ចខេត្ត ជួយសម្របសម្រួលជួយដោះស្រាយផង។
លោក ថោង ចំរើន ប្រធានមន្ទីរសង្គមកិច្ចខេត្តបានលើកឡើងថា៖តាមលោកដឹងនៅក្នុងមណ្ឌលនេះមា នកុមារកំព្រាចំនួន២០នាក់ពុំទាន់មានឯកសារស្របច្បាប់ បញ្ហានេះលោកនិងជួយចាត់ចែងធ្វើឯកសារអោយបានស្របច្បាប់។ដោយឡែកចំពោះអំណោយដែបានរយកមកផ្តល់ជូនមណ្ឌលកុមារកំព្រាក្នុងពេលនេះ គឺជាអំណោយរបស់សប្បុរសជន ដែលជាប្រធានមន្ទីរអង្គភាពជុំវិញខេត្តរួមមាន៖ប្រធានមន្ទីរសុរិយោដីខេត្ត,លោកប្រធានសាលាដំបូងខេត្ត, ព្រះរាជអាជ្ញាសាលាដំបូងខេត្ត, ប្រធានមន្ទីរកសិកម្មខេត្ត, ប្រធានមន្ទីរសង្គមកិច្ចខេត្តសហព័ន្ធយុវជនស្រុកកំពង់លែង, ឯកឧត្តម នន់ យ៉ាវ សមាជិកក្រុមប្រឹក្សាខេត្ត និងឯកឧត្តម ចេង ញ៉ាន់ អភិ បាលរងខេត្ត។អំណោយរបស់សប្បុរសជនខាងលើនេះរួមមាន៖ថវិការសរុបចំនួន១លាន៣ម៉ឺនរៀល អង្ករ២ ១០គីឡូ ប៊ិច១៩០ដើម សៀវភៅ១៩០ក្បាល និងនំបុ័ងទឹកដោះគោមួយចំនួនទៀត។
ឯកឧត្តម ចេង ញ៉ាន់ អភិបាលរងខេត្តកំពង់ឆ្នាំងបានសំណេះសំណាលជាមួយកុមារទាំអស់ថា៖ក្មួយៗកុមារកំព្រាទាំងអស់ សូមកំភ្លេចអតីតកាល ហេតុអីយើងក្រ ហើយកំព្រា គឺត្រូវខិតខំរៀនសូត្រអោយបានខ្ពស់ដើម្បីអនាគតរុងរឿង។ឯកឧត្តមបានបញ្ជាក់ថា៖បើមិនបានរៀនសូត្រអោយបានខ្ពស់ទេនោះ គឺថាបើចេះធ្វើអ្វីមួយគឺត្រូវចេះអោយប្រាកដ នោះចំណេះនិងនាំអោយយើងមានអនាគតល្អ។ឪពុកម្តាយក្មួយៗជាជនក្រីក្រ ពេលនេះក្មួយត្រូវខិតខំរៀនសូត្រកុំអោយខ្លួនយើងក្លាយជាជនក្រីក្របន្តទៀត។ឯកឧត្តមក៍បានផ្តាំផ្ញើរផងដែរដល់អាជ្ញាធរនិងសមត្ថកិច្ច ស្នើសុំជួយការពារសន្តិសុខដល់មណ្ឌលកុមារកំព្រា និងជួយដោះស្រាយអោយបានទាន់ពេលវេលាផងដែរនៅសេចក្តីខ្វះខាតចំពោះមុខ បើមានបញ្ហាលំបាកត្រូវរាយការណ៍ទៅថ្នាក់ខេត្តអោយបានទាន់ពេលវេលា មិនត្រូវអោយកុមារកំព្រាទាំងអស់ដាច់ស្បៀងអាហារនោះឡើយ៕
